邦記海鮮酒家 流浮山

邦記海鮮酒家 評價 相片

今日食癮大發，午餐再走去流浮山邦記食海鮮，天水圍去十分方便，搭K65巴士🚌11點半已到，邦記伙記們正在食飯，見到一人光臨，也問了一句：「食咩架」我二話不說：「食海鮮」照舊過隔離許照記揀海鮮，我話得$900，你幫我攪掂佢，本來我話食瀨尿蝦，但阿姐話成$400斤，叫我唔好食最好揀左兩隻大鬼蝦、兩隻元貝同黃蟶子返邦記坐低，似啖茶，等左陣，第一道先食豉椒炒蟶子，香到不得了，啲黃蟶極肥，隻隻飽滿至極食落肉質彈牙，炒到啱啱好，完全冇過火跟住係我至愛椒豉蝦，上枱熱辣辣，極之乾身，洋蔥同辣椒比例剛好，嗰種香氣非言語能形容，兩個字：好味最後上元貝同生菜，菜係送的，店員有問我要唔要，驚我太飽蒸元貝也好食，蒜蓉粉絲正到痺買料$330，油料連茶錢先$150，呢個價抵啦，一人前食到你飽，最緊要好食

賣走咗架車幾個月，要習慣坐公共交通工具週圍去揾食，三勝邨/西貢/鯉魚門都唔難去，今次挑戰"流浮山"，天水圍西鐵站落車，轉乘K65免費接駁巴士15分鐘到，都幾容易。

食海鮮最怕被人揾笨，開天刹價，貨不對版等等，Openrice搜索過，見邦記的評論比較正面(已經過濾咗負面評論)，冇book位，黃昏6:00 walk in 入去剩最後一張細枱，Lucky😅"邦記"會帶你去"許照記"揀海鮮，下次記住買龍蝦不要貪平，必定要揀"南澳洲"，休魚期前必食九節蝦，魚檔用竹籤篤一篤條龍躉尾仲有反應，即係表示新鮮，大大隻扇貝當然用粉絲蒜蓉清蒸。

飯店先送每人一碗海鮮湯(非常正)👍，上湯龍蝦推薦叫炒飯底，炒飯底多蛋絲兼索曬啲龍蝦汁，無得頂👍，再送一碟清炒菜心，龍躉炒球有沙皮，要炒到剛剛熟又滑，功力一流👍，扇貝送到上枱，要提提大家記得要等一等才食，因為蒸海鮮上枱前仍是半生熟，剩餘熱力出曬才剛剛好熟透。

服務員經常來清理枱面👍，買海鮮用咗$1000~，飯店煮工加油料錢$400~👍

開頭上咗魚湯好飲唔腥呀姐都有禮貌👍🏻野食就中規中矩但問題係係佢帶去買海鮮個間野😑買左隻龍蝦係深色紅殼南澳呀姐撈嘅時候係新鮮嘅尼到變左蝦肉唔彈牙同霉😰蝦頭仲有發黑😐係唔新鮮、死左先劏先會甘而且煮出嚟仲變左西澳種殼因為種唔同加上死得耐變左淺橙色正常出嚟係會深橙紅色殼同左員工講，佢搵左賣海鮮個位尼睇拎住舊最靚嘅話無野呀今次知道俾人換貨搵笨下次就無幫襯加工費合理唔貴，收費係平但就唔知換海鮮係打龍通定唔知情啦😕

流浮山海鮮宴～邦記🐟🦐紅燒班腩骨&炒班片（又名：炒球炆骨）香港最好食嘅海班兩味一定係邦記❤️炆骨炸得岩岩好，加埋個汁唔怕整淋舊魚。

即食嘅一定係食骨😝炒球超級滑，啖啖肉，食埋個魚皮骨膠原，補一補先😉豉椒炒聖子微微辣嘅聖子配豉椒香口好match❤️粉絲蒸扇貝大大隻扇貝，蒸得岩岩好🥰撈埋蒜蓉粉絲🈵酥炸生蠔個炸粉配得好夾，食落口好鬆化🤤如果啲蠔再大隻d就好啦😋白灼紅鬚蝦白灼可以食到蝦嘅原汁原味：啲蝦好實肉，好甜美🤪招牌炒飯炒飯好有鍋氣，啲飯粒粒分明，好味🙆🏻‍♀️總結：海鮮要另買嘅，海鮮費同加工費大約付每位$300$600。

味道就偏鹽嘅，食開淡味嘅朋友可以講聲淡味少油。



好耐冇去過流浮山 媽咪提議去食海鮮 其實我哋成家都係海鮮愛好者 呢間邦記 我哋都經常食 . 首先我哋就去揀海鮮 阿媽最鍾意食蝦 我老竇就話要食蟹 我老公最鍾意就係食魚 lah ... 但係得五個人邊度食到咁多海鮮呀 媽我好亂啊 . 唯有就係放棄我最鍾意嘅賴尿蝦啦 . 我哋叫咗清蒸奄仔蟹 正鹽焗東風攞 我咁大個女都係第一次食鹽焗東風攞咋, 師傅好犀利煮到啱啱熟 勁滑囉清蒸黑瓜子 火候啱啱好勁滑 豉油王中蝦 呢個就一般般白灼聖子就係我嘅最愛 真係好好食記住要食埋佢個炒飯同雞翼 平時有湯送 但係今日晏左到 冇得飲添 ... 😅😅😅

邦記海鮮酒家餐單提供粵菜, 廣東, 海鮮, 中菜館等推介美食位於流浮山區，餐廳座位數未知人均消費約$201-400，結賬可以用現金，Booking訂位可以電話致電 24721292 查詢。

您對於流浮山餐廳「邦記海鮮酒家」有何 comment？

邦記海鮮酒家餐廳詳細資料：

• 邦記海鮮酒家地址:
  流浮山正大街39號地下
  邦記海鮮酒家, G/ F,39 Main Street, Lau Faushan
• 邦記海鮮酒家電話: 24721292
• 邦記海鮮酒家價錢: $201-400
• 分類: 粵菜, 廣東, 海鮮, 中菜館
• 座位: 未知
• 付款: 現金
• FB專頁: 邦記海鮮酒家 Facebook

更多邦記海鮮酒家相關資料:

• 邦記海鮮酒家分店
• Youtube
• Facebook
• Twitter
• Google