金山海鮮酒家 油麻地

金山海鮮酒家 評價 相片

依到d海鮮寫明哂幾錢，唔洗每款問侍應，睇張餐牌就知，依一點真係好好！價錢平之餘，全部都好新鮮！！侍應全部都係老人家，服務超好，不停幫你換洗手茶換碟，見你無濕紙巾即刻俾一張你，仲幫你打開埋～好有濃濃嘅人情味～～～椒鹽中瀨尿蝦 $88一隻叫左三隻，好新鮮，入面仲有少少羔炸得好香～～果皮蒸班頭腩$128好滑蒸得岩岩好，餸飲一流，如果多多幾舊就更好馬拉盞海鮮豆腐煲 好香好入味，不過豆腐酸酸地唔係壞只係唔太新鮮

有點難過，特地坐車過嚟吃砵酒焗蠔，然後蠔的尺寸很細，像蠔豉。

侍應說沒有再用美國桶蠔，改了韓國品種。

蠔來到略嫌未夠熱，但味道還可以。

蠔的size偏小呢。

金銀蛋菜膽熱度足，菜嫩滑，好吃

食海鮮唔洗下下都去西貢三聖流浮山咁遙遠市區一樣有經濟實惠海鮮食 重點係真係煮得好 服務一樣好好 員工態度親切 仲會驚你食唔晒 唔好叫咁多 又會提議你點樣烹調比較好食 非常友善 餐廳環境普通 舊式老飯店 有地鋪同一樓 從裝潢睇得出佢嘅歲月 不能期望坐得十分舒服 但食物質素的確ok必點砵酒焗蠔 蒜蓉粉絲蒸扇貝 豉椒蟶子 椒鹽瀨尿蝦 鮑魚都ok 雞就普通 黎親主要都係食海鮮 未試過佢其他小菜 或者下次可以試一試 呢度嘅砵酒蠔係我食過最好食 海鮮全部都好新鮮 食過幾次都未遇過海鮮霉或者腥嘅問題真心唔錯

歷史悠久金山海鮮酒家, 舊式裝修 員工有禮感親切. 我們一行四人叫六餸一湯🐷肺白菜雞腳湯(例牌) $68例牌湯足夠有四碗, 湯清潤 雞腳腍 夠熱好飲紅燒脆皮乳鴿 $58懷舊味道 傳統食法 點淮鹽喼汁豉油皇乳鴿 $58豉油皇乳鴿較紅燒脆皮乳鴿肉質多汁, 味道較濃 🥦蘭花蜜椒鱔球 $88吃不到蜜糖味, 反而食到快餐店黑椒汁味. 鱔味濃 新鮮爽口 汁較濕這個菜式味道與我預計不同😅 我原先預計鱔球較乾身, 似燒烤烹法, 滿有蜜糖黑椒味鹽焗奄仔蟹🦀x2 $168/隻正常鹽焗做法 蟹膏味道比我預期淡 這隻🦀的蟹膏不是像鹹蛋黃的金香豉汁炒聖子皇4隻 $148真的有聖子皇size, 新鮮, 炒得合時, 爽口, 傳統豉汁味, 味道不錯👍👍金銀蛋浸芥膽 $78正常金銀蛋浸菜的味道, 芥膽新鮮員工服務良好 有禮親切, 小菜價錢經濟合理, 味道中規中矩, 適合家庭朋友聚會

有朋友介紹去吳松街金山老店，之前未去過，也不知悉這店。

平日食海鮮多數去西貢或流浮山。

星期日晚訂了六位檯，果然是一頓不錯的晚餐，食物好味道，海鮮明碼實價，可說價廉物美。

安排了坐最高第三層，地方比較侷促。

叫了豬肺湯，湯水味道甚佳，湯內白菜清甜。

海鮮叫了椒鹽瀨尿蝦，清蒸奄仔蟹（見照片)，豉椒蟶子，都不錯。

此外還叫了雞蛋焗魚腸，琵琶豆腐，魚滑湯浸白菜，炸大腸，红燒乳鴿，餸菜都令眾人感覺滿意。

其中焗魚腸味道特佳，值得推薦，魚滑有鯪魚滑和墨魚滑双拼，還加了炸菜絲，可見厨房心思。

樓面工作人員十分勤快，招呼很好。

日後必再來光顧。

金山海鮮酒家餐單提供粵菜, 廣東, 海鮮, 中菜館等推介美食位於油麻地區，餐廳座位數40人均消費約$101-200，結賬可以用現金，Booking訂位可以電話致電 23327366 查詢。

您對於油麻地餐廳「金山海鮮酒家」有何 comment？

金山海鮮酒家餐廳詳細資料：

• 金山海鮮酒家地址:
  油麻地吳松街62-68號地下
  Kam Shan Seafood Restaurant, G/ F,62-68 Woo Sung Street, Yau Ma Tei
• 金山海鮮酒家電話: 23327366
• 金山海鮮酒家價錢: $101-200
• 分類: 粵菜, 廣東, 海鮮, 中菜館
• 座位: 40
• 付款: 現金
• FB專頁: 金山海鮮酒家 Facebook

更多金山海鮮酒家相關資料:

• 金山海鮮酒家分店
• Youtube
• Facebook
• Twitter
• Google