百達茶餐廳 油麻地

百達茶餐廳 評價 相片

油麻地，一個龍蛇混雜既地方，最近我逢周末來到附近上堂，以前都食過幾間附近彌敦道茶餐廳，人又多，一個人唔想搭枱，幾貴要6x蚊一個快餐，所以今日就周圍行，搵下附近有無地方靜ｄ既地方。

行左入後幾條街，見到呢間其貎不揚既茶餐廳，見有位就入黎試下，好耐無黎呢ｄ舊式茶餐廳啦，坐附近都係ｄ阿叔，好勤力咁睇報紙，周末當係係睇馬報啦，好有學習氣氛。

　就算電視機跑馬時食客都無乜反應，想清清靜靜就岩晒黎呢度，始終出面大路人多車多，嘈到死，唔似呢度靜靜地，下次黎開呢邊都黎呢度算啦。

坐底左阿姐好識做，未叫野問我要唔要例湯，我當然要啦，然後我順手叫左個快餐啦，佢呢度食飯應該都送例湯，個湯幾好唔錯，無味精住家湯，木瓜好甜，幾好飲，最後我飲晒，正。

梅菜肉餅飯，又係好住家FEEL，上面好多甜豉油，絕對係送到飯，肉方面無乜根，都唔錯。

最後凍奶茶落多左奶，所以無乜茶味，唔算突出。

今日難得早左係佐敦找野食，見到有間舊式茶餐廳當然要去試下先，今日星期六大約3點到達食下午茶。

今次黎係失望，沒想到味道會吾好食到咁地步。

或許吃飯可能會好點（之後見openrice人地影飯反而吸引）菠蘿油話熱，黎到係熱，但下面有隻蚊死左係度，呆左之後當睇吾到。

味道好一般，佢應該係叮得太耐，成個包冇晒質感。

牛油一片有色但吾香，失望。

杏霜更失望，沒有味道又淡，加煉奶竟然冇煉奶味。

忘記不知$21－22左右。

沙爹牛肉太陽蛋面，面質太淋，湯都仲有少少沙爹味，牛肉冇口感份量吾多，咁就成差不多＄30，出去其他地方仲可能好食過佢。

又為了食而走到油麻地了. 這次不過窩打老, 因為就係上海街, 讓我找到了一間舊舊地而且十分家庭式既茶餐廳. 名字叫百達.人多多的餐廳, 也是一個實力所在的證明. 正因為人多, 只有廚房一個, 水吧一個, 同樓面一個的家庭式小店. 一看就知道是人手不足, 雖然沒有漏單, 但趕唔切出飲品及出菜, 的確令一眾只有1小時吃中午飯的人, 而且仲要老遠從旺角行過來的人, 產生了無形的焦慮感.而我, 幸運的, 因為亂了單的原固, 所以一早有湯飲. 自組家庭後, 太太也上了班以後, 湯水呢一樣野, 真的少之又少. 所以一有所謂的老火湯跟餐. 不論好飲與否, 味精重不重, 是否用了大量濃湯寶, 我都會飲清光. 而這個甚水的蘿蔔湯, 也有一定程度的好飲.我叫的, 是梅菜煎肉餅飯. 奇怪的, 本以為會煎到實的肉餅, 原來帶點鬆軟. 用筷子一夾就散, 而梅菜味道同肉既味道, 在煎封既過程中完美地混合了, 做成外皮脆, 肉汁同梅菜的汁鎖了在肉餅裡頭, 非常之甜美, 同啖啖有梅菜香的碎豬肉. 再者, 甜豉油, 也是這一碟飯的味道源頭. 與蒸肉餅比, 這個, 是更加的惹味. 香口.奶茶, 來遲了, 時候有限的我, 沒閒情去欣賞及拍照了, 咕嚕的一聲吞落肚, 要快快的結賬, 回旺角去.

呢朝係油麻地附近做野，行行下去到呢間百達，就醫下肚啦，咁做野都精神啲 呢間百達係一間舊式茶餐廳，decoration 好懷舊。

個亞姐介紹左個特餐俾我，都幾豐富。

Breakfast 配搭有火腿奄列 + 豬扒通 + 凍奶茶。

份量尚算合理，奄列裡火腿滿佈，弄得不錯 豬扒整得好淋同入味，不過略薄切，口感不足以$27.0 一個特餐算係一般抵啦。

今次食完先記得冇幫食物photo，下次有chance再分享過

百達茶餐廳餐單提供港式, 粉麵, 米線, 咖喱, 茶餐廳, 冰室等推介美食位於油麻地區，餐廳座位數10人均消費約$50以下，結賬可以用現金。

您對於油麻地餐廳「百達茶餐廳」有何 comment？

百達茶餐廳餐廳詳細資料：

• 百達茶餐廳地址:
  油麻地上海街362號地下
  Pak Tak Cafe, G/ F.,362 Shanghai St,, Yau Ma Tei
• 百達茶餐廳電話:  
• 百達茶餐廳價錢: $50以下
• 分類: 港式, 粉麵, 米線, 咖喱, 茶餐廳, 冰室
• 座位: 10
• 付款: 現金
• FB專頁: 百達茶餐廳 Facebook

更多百達茶餐廳相關資料:

• 百達茶餐廳分店
• Youtube
• Facebook
• Twitter
• Google