甜品家族 油麻地

甜品家族 評價 相片

有一晚去渡船街0個邊食飯表姐就介紹我去甜品家族食甜品如果唔係表姐介紹我地都唔知有呢間野存在因為實在唔起眼當晚一坐低打開餐牌就覺得好得意因為佢有爸爸推介、媽媽推介、爺爺推介、嫲嫲推介、姑姐推介等等而我地就食表姐推介既海鹽心太軟我order時waitress就我要甜定咸我口快快就話甜之後就再諗番起表姐推介既係海鹽即係咸於是即刻改變主意個waitress一聽到我話要咸佢就好滿意咁同我講『um..識貨，海鹽可以帶出朱古力味，同朱古力好夾，就係因為幾年前日本有隻海鹽朱古力而有呢個idea...』即叫即整賣想已經好吸引喇第一口覺得同平時食開既口味唔一樣但食落就好好味而且無平時食開野咁漏真係無推介錯我地另外order左個mango呢個都好好味價錢平、地方靚、服務好、賣相好、味道好無理由唔再幫囉

睇完煙花, 行去搵野食. 見到間甜品鋪門口D相都好吸引. D店員係門口介紹棉花冰. 於是同男朋友入去試試.男友ORDER咗排行榜的蘆薈牛奶棉花冰, 我聽店員介紹ORDER咗個芒果戀人.個蘆薈牛奶棉花冰超正, 入面有牛奶奶凍, 味道又香又滑又唔甜, 加上棉花冰, VERY GOOD!!!!我的芒果戀人VERY GOOD!!!!我好鍾意食芒果, 佢D芒果又甜又香, 而且個奶凍入面都有果肉, 加埋芒果雪糕, 好夾味. 旁邊都加咗D椰果, 又有口感.店舖唔係出名, 但係味道的水準OK. 隔離枱叫咗個蛋白燉椰皇都讚又香又滑.值得一讚D店員好有禮貌同好有笑容, 個老闆都好NICE.

上星期四, 是我的生日, 老公在甜品家族訂了兩個椰皇, 因為老板非常之好人, 專誠為我整了兩個蛋白燉椰皇(蛋白燉椰皇只有星期五和六才有, 數量有限) , 嘩... 差不多快到甜品家族, 見到有蔡少芬兩公婆, 陳法容 等人剛剛吃完出來,真係估唔到有o甘大suprise, 當時大概11點.椰皇十分之香, 有滑又清甜, 又叫了咖啡奶凍, 好正, 好滑.員工服務又好, 好有禮貌, 下次我一定會再試其他野

今日行行下街, 入左這間甜品舖, 很光猛,很舒服, 同老公一齊叫左個芒果豆腐布丁及蛋白杏仁茶.個豆腐布丁外表很吸引, 店員還很細心把花奶用小杯盛著, 這布丁很滑, 很有豆腐味, 而芒果亦很鮮甜.另外, 個蛋白杏仁茶是店舖的推介, 我決定試一試, 結果真的好香, 而且又不太甜, 正. 食左成碗後, 也忍不住叫多碗外賣回家比媽媽吃, 媽媽都話好味啊.下次一定會再幫親啊.

上星期同朋友喺佐敦食完飯, 佢話喺佢屋企附近開咗間甜品店,於是咪行去試吓囉! 入到去第一眼最吸引我o既係掛喺牆上面o既畫, 一問之下原來係店主兒子畫o既, 好可愛, 好童真, 個人好喜歡! 店內裝修非常簡潔, 很明亮; 店員態度亦十分親切, 又主動介紹食品, 喺佢熱烈推介下我揀咗呢兩日先有得食o既 "椰皇燉蛋白", 至於我朋友就揀咗佢最熱捧o既 "心太軟" 我平時都好鍾意食燉蛋白o架! 好似冇咁肥咁, 家吓見到個椰青仲要熱辣辣咁擺上檯, 已經好吸引, 仲有見到裡面D蛋白喺度 "震震吓" , 一試之下果然蛋白夠嫩滑, 又有淡淡o既奶味同埋椰汁香味, 又唔會太甜, 我鍾意! 食完蛋白仲可以食埋D椰青o添! 好有滿足感!至於我朋友個心太軟 >>> 佢一 "督" 落去D朱古力就流晒出嚟啦! 好開心! 佢話朱古力濃度啱啱好, 甜度亦適中, 而且仲有雪糕球食o添! 好飽足!呢間甜品店唯一缺點就係地點, 如有意前往o既網友記住見到嗰間 "X趙越南餐廳" 再沿文苑街前行, 當你聞到炒辣蟹o既味就望過對面, 就會見到o架啦!我下次都會同朋友再嚟食其他甜品

甜品家族餐單提供港式, 甜品, 糖水等推介美食位於油麻地區，餐廳座位數20人均消費約$0，結賬可以用現金。

您對於油麻地餐廳「甜品家族」有何 comment？

甜品家族餐廳詳細資料：

• 甜品家族地址:
  油麻地渡船角文苑街38號地下
  Agnes's Dessert, G/ F,38 Man Yuen Street, Ferry Point, Yau Ma Tei
• 甜品家族電話:  
• 甜品家族價錢: $0
• 分類: 港式, 甜品, 糖水
• 座位: 20
• 付款: 現金
• FB專頁: 甜品家族 Facebook

更多甜品家族相關資料:

• 甜品家族分店
• Youtube
• Facebook
• Twitter
• Google