地道館車仔麵 油麻地

地道館車仔麵 評價 相片

係油麻地返學，除左食茶餐廳，真係好想食下其它野，無意之中睇到食評對呢間車仔麵店讚不絕口，於是今晚經過就黎試下。

三個餸就$37，但我點左蝦條要加多一蚊，又點左豬大腸又加多一蚊，所以埋單要$39囉！其實我仲想食好多餸，每加一個餸就七蚊，但今次我想試試佢係咪真材實料咁好食先，如果“正”下次先至加餸。

果然好味呀！我最鍾意豬大腸，真係非常之入味！呢一蚊比得非常值得，我誠意推介大家一定要點豬大腸黎食，湯底都好好味，服務員仲好細心問我要唔要辣，我就話要小小辣，蝦條都好食，牛栢葉正常，仲有兩條生菜比你，我諗我下次去食，會叫一些需要煮得入味既餸食，因為佢地真係做得好好，我會再繼續幫襯架！

經過星期一二，連續兩日在新界西北的美食之旅，我光顧試食了兩間車仔麵店（其中一間還要名氣響亮）、一間美式熱狗店以及一間日本布丁燒甜品小店之後，我在星期三還是選擇回到油麻地，補遺我的食店收藏名錄。

今次我又是食車仔麵店，油麻地近年真的忽然跑出不少賣車仔麵的食店，包括我以前曾經光顧幫襯過的「村X爺車仔麵」。

今次我幫襯的車仔麵店也在油麻地「咸美頓街」，在「村X爺車仔麵」附近營業。

這間車仔麵食店，名稱不是很響亮，很「駕勢堂」很壓場，不過它名稱的賣點是充滿濃郁本土氣息，這間車仔麵店的名稱，就稱呼叫做「地道館車仔麵」。

「地道館車仔麵」的店舖樓面面積不算十分龐大，大約只是能放到兩三張餐檯而已，不過樓面勝在電視沒有播放新聞台，沒有騷擾我的用餐興致，食店環境的安全感相對比較佔優。

雖然我坐在「地道館車仔麵」的樓面座位上面，看到「地道館車仔麵」製作車仔麵的湯底，以及各類餸菜的廚房，但是「地道館車仔麵」始終仍然需要依靠自助點餐紙，才能選擇到自己想食的車仔麵餸菜。

與此同時，「地道館車仔麵」有關車仔麵各式的粉麵種類，以及餸菜配搭的售價價錢，都另外印製了價錢牌，放置了在每張餐檯上面，然後食客自己填寫點餐紙，交給「地道館車仔麵」伙計就行了。

可能「地道館車仔麵」的老闆伙計，都見不少食客有選擇困難症，所以刻意索性另外設計了，一款有足足十款餸菜的大碗大堆頭版本車仔麵，名稱就叫做「地道館招牌大雜薈車仔麵」。

「地道館招牌大雜薈車仔麵」有齊了十款指定的配菜，但是食客至少還需要選擇粉麵底，有「選擇困難症」的食客不一定佔到好處。

不過，我在「地道館車仔麵」填寫自助點餐紙期間，舞意過竟然發現到，「地道館車仔麵」餐牌裡面有一款名稱比較有趣的車仔麵餸菜，餸菜的名稱叩做「蝦條」。

這個「蝦條」令我感到很好奇，究竟我們平日最喜歡的零食之一「蝦條」，「蝦條」怎樣能夠製作及融入香港最本土最地道的菜式「車仔麵」裡面呢？除了「蝦條」之外，我另外選擇「地道館車仔麵」三餸車仔麵其他兩款餸菜，包括咖喱魷魚以及鹵水雞翼。

反而我平日會選擇的飲品「凍檸水」就沒有選擇，因為要另外加錢，我跟食店伙計說聲，我只需要一杯滾水就夠了。

所以我在「地道館車仔麵」只是淨食了一碗三餸的車仔麵，三款揀選了的餸菜恰巧都是「地道館車仔麵」的招牌推介餸菜，所以每款餸菜需要另加一元，最後整碗車仔麵的價錢約港幣四十元。

雖然「地道館車仔麵」的三餸車仔麵裡面，有咖喱魷魚可供食客選擇。

但是我在這裡面先潑個「冷水」，因為「地道館車仔麵」的咖喱魷魚，只是一般的魷魚鬚而已，而且魷魚鬚被剪到十分零碎。

所以我事先講明，免得大家期望過高而有所誤會。

所謂「希望越大，失望越大」，當時我看見「地道館車仔麵」所謂的魷魚，原來只是份量有限的魷魚鬚，當時我是感到有一點點的失望。

至於「地道館車仔館」車仔麵的鹵水雞翼，鹵水雞翼的鹵水汁甜味，跟我以往品嚐過的鹵水汁雞翼相是相差無幾。

而是有些食店的鹵水雞翼，鹵水會多得幾乎從雞翼滲漏出來，「地道館車仔麵」的鹵水雞翼就沒有了。

另一方面，「地道館車仔麵」的餐碗跟油塘的「智X車仔麵」，或者「永X士多」都是差不多，仍然沒有我最渴望已久的「雞公碗」，看來我想試「雞公碗」的話，還是回到西貢食街算數好了。

至於我放棄了飲品，只是純粹為了方便食藥而要求「地道館車仔麵」店員送來的滾水，店員卻已經很快送到過來我的檯面面前，而且滾水還十分之大杯。

雖然「地道館車仔麵」送來的滾水，名副其實是一杯剛剛加熱至到沸點的滾水，不能即時飲用。

不過用餐還能即時有食用水方便送藥，即使「地道館車仔麵」的服務不是最理想，但又未至於差強人意的。

回說「地道館車仔麵」的實際製成品，「地道館車仔麵」製成品給我最深刻的印象，除了那些出乎我意料的「蝦條」之外，還有大量浸在車仔麵碗面的蔬菜。

事先聲明，我在填寫「地道館車仔麵」自助點餐紙的時候，絕對沒有刻意選擇蔬菜，亦沒有要求食店為我的車仔麵追加蔬菜，但結果我的三餸車仔麵面頭，卻有了一大撮的生菜。

至於「地道館車仔麵」的主角「蝦條」，「蝦條」其實不是零食的蝦條，而是由腐皮包裹蝦膠以及魚肉而成的蝦肉條，「蝦條」身上的油分不高，貌似不像被放入油鍋裡面炸，而是被滾水煮熟。

雖然我吃不到「地道館車仔麵」「蝦條」口感有油炸的感覺，但是「蝦條」的口感仍然成功保留到，來自蝦膠的彈牙感覺。

「蝦條」的蝦條蝦味還可以，只是「蝦條」彈牙的口感比蝦味更深刻而已。

「地道館車仔麵」車仔麵的「咖喱魷魚」雖然只剩下「魷魚鬚」，但是幸好「魷魚鬚」口感仍算彈牙，即使「魷魚鬚」肉質夠滿足篤的食慾，但是「魷魚鬚」份量是很明顯地不足，但是我再不滿足也只能勉強收貨。

今次只剩下魷魚鬚的「地道館車仔麵」「咖喱魷魚」，味道跟口感很明顯無法與「鹵水雞蝦翼」比較。

「鹵水雞中翼」肉質仍然算是飽滿，鹵水汁味道仍然甜美，算是過得去，評價至少不比魷魚鬚差吧。

至於「地道館車仔麵」車仔麵的麵條，我跟上兩次「永X士多」跟「篤X車」的選擇有點不同，這次我在「地道館車仔麵」反而選擇了「幼麵」。

因為我今次在「地道館車仔麵」食車仔麵，食得夠不夠飽反而變成了次要的事，我今次的目標反而變成了一條外表很像魚腐的小食「蝦條」。

「幼麵」的口感相對「粗麵」而言，「幼麵」沒有「粗麵」那麼耐嚼，比較容易咀嚼消化。

反而「幼麵」浸淫過「地道館車仔麵」的辣味湯底後，味道反而變得辣，咀嚼二十下對我來說竟然變得多餘了。

因為我在五年前剛剛從醫院出院的時候，營養師對我千叮萬囑，叫我以後吃的每一啖飯，至少都需要咀嚼超過二十下，才能完全吞噬下去，結果營養師給我的建議，變成了我身體的咒語。

除非我真的遇上了一些，無法確定能順利咀嚼二十下的食品，例如甜品、雪糕、水果等食品，否則如無必要，我還是緊緊遵從營養師的要求，吃什麼食品也務必咀嚼至少二十下，才完全吞嚥下去。

今次「地道館車仔麵」比我預期來得異常扡多的幼麵麵條，令我咀嚼與消化「幼麵」的過程與時間，不比我平日食慣的「粗麵」或「油麵」快。

「地道館車仔麵」區區港幣四十元一碗的「車仔麵」連「蝦條」車仔麵，車仔麵的飽肚程度竟然比我預期之中來得更厲害。

所以我付款結賬離開了「地道館車仔麵」，之後我還要不斷步行，沿着「彌敦道」北上旺角太子，消化積聚在胃部內的車仔麵，直至我走到在旺角「洗衣街」的下一站……

在我公司附近的車仔面，有好幾間，這間食過兩三次，我覺得幾好，食到以前細個食車仔面的味道，以前食車仔麵，最鍾意就係食河粉加辣醬，辣辣地幾開胃，今次都係叫左河粉，加埋佢地個秘製辣汁，辣辣地有d甜味，幾正，豬潤又唔會太熟啱啱好，好滑值得推介，另外仲叫左牛腩，牛腩夠淋，份量都幾多，湯底方面，我加左腩汁，味道比較濃一點，想清淡d可以叫清湯，車仔面加埋罐可樂，店內有電視，廣住電影，一路食一路睇，我食過附近幾間，我覺得這間最好

尋日平平哋去食車仔麵。

因為好耐無食過。

35蚊三個餸都好好ok。

係張紙畫好俾佢哋就得啦。

兩個人食既策略就係叫唔同餸，換來食d咁就試到好多嘢。

朋友既係陳皮魚蛋、蝦條、時菜，要咗油麵，麻辣汁。

麻辣汁其實無咩麻辣感覺，就係得個辣字，不過d生菜吸晒d麻辣汁，又辣又好味。

陳皮魚蛋有陳皮味，但唔濃，魚蛋細細粒，但彈牙。

蝦條入面有餡料又香口都好味架。

我叫既係魚皮餃、墨魚丸、魚片頭。

都係要咗油麵，但要秘製汁(辣)。

秘製汁係勁勁勁辣，同麻辣汁既分別就是超級辣同辣！原本無叫嘢飲，但真係辣到講唔到嘢，迫住要叫嘢飲。

而且d油麵都吸晒d辣汁，每一條都好辣！食得辣既都要三思先好叫呀。

墨魚丸唔多得，腍既，一d都唔彈牙，好彩仲有墨魚味。

魚片頭外面炸到金黃好香口，不過就無魚鮮味。

魚皮餃雖然細隻咗少少，但皮薄餡靚。

咬落有口感。

最愛雞翼，豬大腸，牛柏葉，大辣米線車仔麵~他們的秘製辣汁夠辣，還有八角在裏頭，香味蠻吸引的~個人推介米線，不是一般的滑哦~^^~店鋪雖小，可是五臟俱全，連飲料都有很多款可以選擇~價格親民實惠~最重要的是：從中午開到凌晨！！！太適合夜貓子的我了😂😂😂

地道館車仔麵餐單提供港式, 車仔麵等推介美食位於油麻地區，餐廳座位數未知人均消費約$50以下，結賬可以用AlipayHK,支付寶,現金。

您對於油麻地餐廳「地道館車仔麵」有何 comment？

地道館車仔麵餐廳詳細資料：

• 地道館車仔麵地址:
  油麻地砵蘭街113號地下B號舖
  地道館車仔麵, Shop B, G/ F,113 Portland Street, Yau Ma Tei
• 地道館車仔麵電話:  
• 地道館車仔麵價錢: $50以下
• 分類: 港式, 車仔麵
• 座位: 未知
• 付款: AlipayHK,支付寶,現金
• FB專頁: 地道館車仔麵 Facebook

更多地道館車仔麵相關資料:

• 地道館車仔麵分店
• Youtube
• Facebook
• Twitter
• Google