家友站 油塘

家友站 評價 相片

第一次寫食評，食咗幾個月，keep 到水準。

所以決定支持下本地小店~~比我嘅第一次你啦家友站抵食午餐，$40 包 汽水及中湯（個湯仲要好好飲）午市套餐每星期都有改變，所以都唔會食到悶。

今次食咗東坡肉，肥瘦適中。

誠意推介

今日同大班朋友食開年飯，之前睇過介紹呢間隱世廣東小菜，潮州滷水喺油塘中心，晚飯人比較多，由於等房，所以都等左一陣，坐低點左幾味小菜，水準不俗，燉湯水準唔錯，全枱一致讚好嘅豉汁蒸大鱔，真心吾錯，可惜晚飯時間人數太多比較嘈，因為12人所以啲餸全部都要起孖上，個炸生蠔幾考功夫，上枱熱辣辣，跟生菜底，上粉渣嘅功夫控制得唔錯，出邊比較難食到，下次會試吓潮州滷水，見到其他枱，都有叫滷水拼盤，賣相幾好，價錢唔算貴，可以接受。

天氣突然凍咁多，又落雨，搞到個人唔想煮，噚晚打完邊爐，咁今晚食乜好呢？？行過聞到好香嘅滷水味，原來係新開，等我試下先⋯⋯我地坐著有電視位置，負責人好細心，見我地睇緊，即刻將聲量較大小小比我地聽，基本服務已經好好，佢仲介紹羊腩煲，標明用新鮮羊肉$288，另外叫咗一個套餐係三餸$198羊腩煲包一碟菜$288另一個特色係個背景，好有懷舊的感覺⋯⋯以大排檔黎講係一個特色有枝竹、馬蹄、蒜仔、冬菇、荀，夠曬足料滷水拼盤欖國肉鬆炒四季豆粉絲肉鬆蒸水蛋套餐包括呢三個餸，水準平均，不會肥膩！羊腩煲食咗個人暖笠笠正⋯⋯總括來講，服務、價錢、衛生、食物都可以下次一定會再幫襯

竟然我係第一個寫😳可能大家都好想秘藏呢間正野，但係好野都係要同大家分享😁呢間野神神秘秘匿埋喺商場地庫，正所謂寶物沉歸底，難搵啲都要黎，因為堅正👍🏻地方就冇乜裝修其貌不揚，周圍貼晒啲撚手小菜，見到Menu價錢唔貴，好似係家庭式經營，傳菜落單見到有老有嫩，成家笑笑口好有愛呢。

唔知食乜好就問問周圍招呼人既靚仔哥哥有乜好介紹。

靚仔哥哥介紹話落咗個冬瓜盅先啦因為限量嘅，咁我哋一行五人當然毫不猶豫啦。

冬瓜盅中間窿仔細細，但材料滿滿，移開面頭啲草菇勝瓜粒發現內有乾坤，又金華火腿又瑤柱又帶子，真係不惜工本，唔怪得知個湯咁鮮味又甜，充滿海味嘅鹹香，瓜肉夠厚刮極都有。

口痕就叫左幾個前菜試下，一口脆豆腐，細粒啲椒鹽豆腐仔層炸皮夠薄鬆脆有質感，內裏豆腐軟滑形成對比，唔鹹味道啱啱好。

見到有潮州滷水檔當然唔執輸，好貪心叫滷水三拼墨魚片、豬耳仔、豬大腸。

當日太好生意，原屬意生腸、紅腸、鵝腎都賣晒好墨魚片都幾厚身，豬耳仔爽脆，豬大腸（我本人係唔食嘅）不過朋友仔話好味。

好彩仲保得住我哋鍾意食嘅滷水鵝片🤤鴨油嘅香味～肥美厚身啖啖肉嘅鵝肉片，一口咬落去肉軟味濃油香四溢。

韮菜豬紅～滿滿的一碟，筷子夾落去唔散，都有啲驚係好似坊間嘅豬紅咁係雞血加粟粉（中央屠宰就梗係冇晒啲好嘢食so sad)，點知一咬即破開😳久違了的質感主菜黎喇～靚哥仔推介啫啫芥蘭豬頸肉煲，好遠已經聞到嗰種香味，食落口惹味到呢。

🤤真係知道乜嘢叫齒頰留香，回味無窮。

菜嫩豬頸肉爽脆最犀利都係嗰個汁嘅味道。

真心正👍🏻當日不幸遇到個蒸籠壞咗🙈所以好多野都冇得食～蒸海鮮肉餅👋🏻👋🏻咁想食魚既我地都叫個煎封倉魚頂住先。

壓軸麻辣雞煲，熱辣辣嘅煙刺激五官就知道正野黎喇🤤乾蔥香蒜辣椒乾花椒映入眼簾，麻辣最緊要嘅麻、辛、香有齊。

雞肉入味得黎無鞋，肉質彈性，配菜蒜頭同乾蔥真係一絕😋蒜頭油炸過黎起鑊又鬆化香口，洋蔥片半熟帶辣勁，乾蔥個芯甜得黎又夠麻中和左啲辣，令到呢個麻辣雞煲增加左辣嘅層次。

總評，堅好食，價格合理，下次要黎試埋啲蒸野🤤希望多人左都會保持水準用心製作。

家友站餐單提供潮州菜, 粵菜, 廣東, 港式, 中菜館等推介美食位於油塘區，餐廳座位數未知人均消費約$51-100，結賬可以用現金，Booking訂位可以電話致電 23482922 查詢。

您對於油塘餐廳「家友站」有何 comment？

家友站餐廳詳細資料：

• 家友站地址:
  油塘嘉榮街2-4號油塘中心嘉華商場B層B137-138號舖
  APM Kitchen, Shop B137-138, B/ F, Yau Tong Centre, Ka Wah Arcade,2-4 Ka Wing Street, Yau Tong
• 家友站電話: 23482922
• 家友站價錢: $51-100
• 分類: 潮州菜, 粵菜, 廣東, 港式, 中菜館
• 座位: 未知
• 付款: 現金
• FB專頁: 家友站 Facebook

更多家友站相關資料:

• 家友站分店
• Youtube
• Facebook
• Twitter
• Google