古川江戶前 油塘

古川江戶前 評價 相片

油塘一向都冇乜好野食，自己中意食日本野，見樓下開左間壽司鋪，當然想幫襯下。

本人幫襯得最多o既係魚生飯，魚生幾好味，但D飯就好普通，嚴格D黎講係唔合格。

不過$24，想點呀。

其他野就一般，唔算平，剌生都幾新鮮，不過舊飯同快飯餐D飯冇份別，希望師傅可以係少少誠意，加番D醋落去都好呀，話晒食緊壽司。

早兩日落去幫襯，但見裝修緊，招牌都冇埋，唔知係唔係結業了。

住0係油塘既朋友們都會發現呢區可以食既野既種類好少~前排知道開左間日本野梗係去試下!我叫過外賣同堂食, 兩次都ok喎!$50就送, good!!食物:我最喜歡帆立貝壽司, 佢呢到既用料都幾新鮮夠鮮甜同都幾厚, 唔會細細件咁樣另外係火炙三文魚腩, 都好好味.. 一向都喜歡0係板前食既,,估唔到呢到都做得唔錯!!另外就係熱野食,叫過一個湯烏冬呢個就一般, 個湯唔夠味, 不過用料都ok, 有好多三文魚肉另一次就係炒烏冬, 佢用d沙律汁整fresh!! 不過都係唔係好夠味~服務:服務好好, 會好樂意接受comment同埋效率都幾高!總括~會繼續幫櫬~ 好食+唔貴!

尋晚同老豆落左馬會買完波之前都知道開左間壽司鋪,一直想試, 不過我住油麗o個邊,一頭一尾所以一直都冇食過咪入去試下,老豆叫左個極上鰻魚飯佢話幾好食,我自己原本想食冷面但佢地冇做,個師傅就介紹左個冷烏冬俾我,話係新出品連餐牌都未有食落唔錯, 個酸辣汁唔太辣勁開胃,有d似元6個辣辣麵但好佢好多,仲有鴨胸同北寄貝同蝦, 好味之後見到佢地有支上善如水1.8L賣緊$330之前同FD O係旺角開過黎飲好似要七百幾,好耐冇同老豆飲過酒,所以把心一橫開左黎飲另外仲叫左碟雞軟骨同豬肉薯餅送酒添傾多兩句原來佢地有幫客人訂購各種清酒,價錢平過吉之島,O岩晒我呢D 酒鬼唔洗特登過藍田買^^總結:食物幾好食價錢亦合理,鋪仔細細乾淨企理得幾個位唔算舒服,但因可面對壽司師傅有日本居酒屋FEEL,服務唔錯我地飲完酒多野問師傅同侍應都樂於回答

今晚得我一個人食飯~見呢間sushi 開左咁耐都未試過,,,之前又上過黎見到d食評唔太差~就走入去買左個魚生飯同埋帆立貝壽司...(開左咁耐都唔敢試,,因為佢開o係街寵物店隔離..好似唔係幾衛生咁ma)想買魚生飯~但入到去見到個雪櫃show出黎果盒>唔多開謂..咁我就問佢..如果我買魚生飯,你係唔係會俾呢盒我呀?佢話係..之後,,我又諗..叫唔叫其他野好呢..?因為我真係唔想食果兜野...個哥哥見我諗左咁耐...就同我講~如果你真係想食~我叫c傅即刻整俾你啦..heehee~咁我就叫左個魚生飯同埋帆立貝壽c喇~~魚生飯$24d魚生都ok新鮮~有吞拿魚粒..三文魚粒,青瓜粒, 蛋粒, 8爪魚粒.蟹子~~吞拿魚入口即溶..3文魚有d難咬...(可能係頭頭尾尾掛)~蛋粒甜左d~~但係d飯呢..好冰同埋有d硬呀......成舊好似隔夜飯咁....食唔到..帆立貝壽司$8件好大件..好新鮮好甜總括黎講~不過不失啦...但係同和花亭都有段距離..不過最緊要係近...頂到我d壽c癮...

昨天跟朋友去了試下依間野，找了成半小時先找到個位置啦，原來係馬會隔離哩~我們2人點了一個2人餐 ($148)，加一碟玉子($15); 味道真的好一般~ d飯完全是沒有醋酸味的，跟我們平時煲的白飯一樣。

而個玉子個味道就不錯!真的試試的! 鰻魚卷物都是值得一讚!p.s. 個地方好鈿，坐得麻麻地舒服啦，但服務員的態度很不錯。

古川江戶前餐單提供日本菜等推介美食位於油塘區，餐廳座位數未知人均消費約$51-100，結賬可以用現金。

您對於油塘餐廳「古川江戶前」有何 comment？

古川江戶前餐廳詳細資料：

• 古川江戶前地址:
  油塘嘉榮街9-11號油塘中心
  古川江戶前,  
• 古川江戶前電話:  
• 古川江戶前價錢: $51-100
• 分類: 日本菜
• 座位: 未知
• 付款: 現金
• FB專頁: 古川江戶前 Facebook

更多古川江戶前相關資料:

• 古川江戶前分店
• Youtube
• Facebook
• Twitter
• Google