一粥麵 油塘

一粥麵 評價 相片

大家樂旗下既一粥麵，相信好多人食過，但我去親都係食🍜，今日同老婆黎食個快lunch，就試下佢啲🍚，一款有平有貴既福建炒飯。

佢係素鮑片福建炒🍚，鮑片絕對係超市貨，純粹用黎升Lv。

但佢個炒飯本身唔錯，炒🍚底香噴噴，加上冬菇🐷肉蠔油芡，夠晒惹味😋，重點係啲🐷肉唔肥，啱晒我口味👍🏻。

我老婆叫左個無骨豬👋🏻菜飯，味道都唔錯，但我都係覺得我個福建rice啲。

連鎖快餐店黎講，呢個炒🍚既質素真係唔錯，唔輸出面七八十蚊個啲，真值得嘉許。

👍🏻

皮蛋瘦肉粥，外賣到我食，都成十分鐘；仲係熱辣辣的，夠熱已經抵讚。

食粥都係粥底為先，雖然佢個份量好大碗，但粥底就偏向水一啲，算唔上粥底綿綿嘅感覺，還好的是有相當嘅粥味。

至於皮蛋、瘦肉，製作同粥舖無異，但似乎分量就偏少。

如果佢嘅粥底，可以放多幾粒米，粥底厚實啲；再放多少少材料，其實都相當相當抵食。

齋腸粉好好食，米香好出，可能係新鮮製作嘅關係，無喺平時粥鋪、一朝早整定焗到淋咗嘅感覺；稱得上彈牙。

配上李錦記嘅甜豉油、甜醬、同埋麻醬，配合得一絕。

再講有成 6 條，每條都有 6 寸長，以加 $8 嚟講簡直係超值。

冰鎮凍奶茶，童叟無欺，連外賣都真係冰鎮住。

凍奶茶未稱得上絕佳，但絕對係可以一飲再飲。

更何況係加 $9 就有了，真心係抵。

後記，冰鎮奶茶啲冰，除咗冰鎮住杯奶茶外，仲有乜嘢用途呢？就喺我食完粥想洗手嘅時候，佢就派上用場喇！（注：今餐我係坐喺街食）

今日自己友食下午茶啦，咁我就叫咗佢最平嘅雲吞麵嚟食， 咁其實佢個雲吞麵我覺得就 還可以的，面就普普通通，不過雲吞都算幾好食，而且價錢又平， 咁呢個都算係窮人嘅恩物嚟嘅，希望佢可以用呢個價錢去調整下其他魚蛋麵牛腩麵啦， 畀多啲選擇我哋咁就好了。

天氣開始涼， 返工前好想食碗熱辣辣嘅粥，就諗起一粥麵，佢開咗咁耐我都冇幫襯過，今朝仲有時間可以試下。

。

叫咗生滾荔灣🛶艇仔粥同 羊城🐮牛肉腸粉見仲有少少時間就堂食， 點知一直等， 時間一分一秒咁過去， 擔心唔夠時間食，眼見其他人嘅食物都到，但係我仲未有， 店員都有 主動 幫我查看為何咁耐， 跟住佢同我講因為食物是即做的， 心諗粥底唔係一早煮好只係加配料就得， 腸粉都係返熱啫🤔🤨店員講完我先留意到，原來羊城🐮牛肉腸粉係人手布拉即造，咁需要多啲時間整都合理， 點都好食過現成翻熱嘅🤭 都有少少驚喜 味道不過不失🛶艇仔粥普普通通冇乜特別但都算係足料嘅有 脆花生 ，蝦，魚，豬皮， 魷魚so so同叉燒

午餐諗唔到食乜之際見一粥麵唔使等位就入去試試佢。

午市最麻煩就係要等位。

因為大家lunch 時間都差唔多。

得一個鐘。

等位可能都佔你四份一時間。

嗌餐等送餐。

之後又要趕頭趕命咁食。

打工仔真係命苦。

好在我入坐前已經睇岩食乜。

順手嗌埋就坐低等嗌號碼。

香酥上海排骨，菜飯配肉燥四季豆加凍奶茶菜飯個份量可以再多少少就好啦。

排骨唔夠熱。

比較油膩。

午市整定都明既。

四季豆凍食還可以

一粥麵餐單提供港式, 粉麵, 米線, 粥品, 快餐店等推介美食位於油塘區，餐廳座位數未知人均消費約$50以下，結賬可以用現金,八達通，Booking訂位可以電話致電 27113603 查詢。

您對於油塘餐廳「一粥麵」有何 comment？

一粥麵餐廳詳細資料：

• 一粥麵地址:
  油塘高超道38號大本型地庫2層LG205舖
  Super Super Congee & Noodle, Shop L G205, L G2/ F, Domain,38 Ko Chiu Road, Yau Tong
• 一粥麵電話: 27113603
• 一粥麵價錢: $50以下
• 分類: 港式, 粉麵, 米線, 粥品, 快餐店
• 座位: 未知
• 付款: 現金,八達通
• FB專頁: 一粥麵 Facebook

更多一粥麵相關資料:

• 一粥麵分店
• Youtube
• Facebook
• Twitter
• Google