荳子 沙田

荳子 評價 相片

之前一直都好想試下Beans😊, 但每次行過都非常極之多人排隊所以無食到😪, 今日專登早少少出去沙田分店望下👀, 雖然岩岩開鋪但入面都已經滿滿地, 店員話仲有一張bar枱, 小妹其實覺得bar枱仲有feel d😂所以二話不說就話好, 嘻嘻~😝餐廳環境用左大自然為主題, 中間位置擺左幾棵彷真大樹🌳, 感覺舒適😌黑糖薑母茶☕一嚟到已經聞到好香甜嘅黑糖味😯, 薑母茶味道甘甜, 入口有濃濃薑味, 而且唔辣傷喉嚨, 飲落口非常舒服, 跟餐有黑糖薑母茶已經相當少有, 仲要係好飲唔係hea你果隻, 值得推介!😊👍🏻檸檬峰蜜🍋🍯蟹肉班尼狄蛋🦀🍳半流出嘅水波蛋蛋液配搭牛油果醬🥑結合嫩綠蔬菜🥬同滿滿嘅蟹肉🦀, 簡直係多層次滋味☺️, 邪惡😈得嚟又好似好健康咁🤭焦糖香蕉早餐🍳🥓🥯🍌西式炒蛋滑嫩軟柔, 煙肉質感柔軟, 味道濃厚咸鮮, 肥美豐腴, 一d都唔乾唔硬! Bagel質感綿密, 口感鬆軟, 沾上楓葉糖漿🍁🍯, 甜而不膩😊! 焦糖香蕉🍌可以話係整份早餐嘅彩蛋🎊, 焦糖嘅脆度同微苦味搭上香蕉嘅甜味, 簡直係超級絕配😋, 所有野嘅份量都岩岩好, 唔會過多或太少, 非常推介!!👍🏻👍🏻薑汁梳乎里梳乎里好大個😯, 52蚊嚟講真係幾抵食👍🏻, 薑汁味好濃, 質感輕身夠蓬鬆, 薑汁出奇地同梳乎里味道幾夾, 而且唔會過甜, 兩個人share岩岩好😊總結: 食物方面無論質素, 份量同賣相都相當高質, 兩個set加個甜品價錢都只係250蚊有找, cp值極高😉, 環境方面, 地方都算大而且休閒舒適😌, 非常值得推介😋👍🏻! 小妹走嘅時候出面又排滿哂人, 想食嘅朋友仔真係要早d嚟啦!😆

沙田呢區相對無乜地道小店，每逢食飯時間好食啲的都排哂隊，加上今日要方便泊車，最後入左去新城市中央廣場度揾嘢食。

入到去上到5樓，同層除左荳子仲有另外兩間，基於邊間多人排就食邊間的心態，一定揀荳子，好在都唔係排好耐，大約10分鐘就入得去。

喺5樓平台位置，餐廳設計落地大玻璃，自然光入到黎好舒服，感到空間感十足。

2點幾呢個時間，午餐同下午茶同步供應，呢個招數都幾好，客人自己選擇有咪想食。

咁我地都係揀左食午餐，點左午餐: 黃金蟹肉意大利粉，牛油果蟹肉意大利飯，加$25配黑松露醬薯條，飲品點左荔枝玫瑰梳打 (原價減$8) 同焦糖布甸咖啡(原價減$8)。

首先黎左個薯條，炸得香脆，而點個黑松露醬好香黑松露味，勁正😋 黃金蟹肉意大利粉，賣相一流，有個蟹蓋做裝飾。

意粉有2條大蟹柳同意粉醬好香濃忌廉同蟹味十足，亦有蛋黃的味道，愈食可以愈停唔到口嗰種。

😋之後上個清新牛油果蟹肉意大利飯，有半個牛油果喺面，飯入面有洋蔥絲，蟹肉黎煮，但呢個口味好啖，個汁水浠浠咁，牛油果味唔突出，食到無乜胃口，食極都食唔完的感覺…飲品方面，荔枝攻瑰梳打打咭一流，好清新好靚，唔太甜，荔枝味同玫瑰花味好夾有夏日的感覺。

焦糖布甸咖啡都好意思，焦糖布甸味好香甜，但面頭個拉花就差啲，都唔知乜。

沙田Beans在吃飯時間經常大排長龍，不分午市晚市，有時想去食但因太多人而放棄。

一間餐廳可以維持人氣高企，原因自然是好吃而且性價比高黑松露軟殻蟹意大利粉($98)幾乎每檯都會嗌的意粉，一上檯便飄來香濃黑松露味，食落其實不止黑松露，還有其他菇味，反而黑松露味不算太濃，醬汁口感creamy，炸軟殻蟹酥脆香口，份量也不少，難怪是皇牌意粉，不過多吃會膩，建議與朋友分享火炙西冷牛扒漢堡($128)漢堡賣相精緻，半生熟牛扒一塊一塊疊在漢堡中間，牛肉味香濃，入口充滿牛油香氣，好吃伴碟薯條熱辣辣，粗身有口感，外脆內軟，配搭得很好慢煮燒烤汁手撕豬薄餅($92)Pizza份量不大，但餅底熱辣辣又鬆軟厚身，配上酸甜開胃的蕃茄醬，及Juicy嫩口的手撕豬肉，很快便被我們吃光雖然Beans的食物不算好平，但質素皆有保證，好味且擺盤精緻，難怪每天都要排隊

當日約左朋友係沙田食飯，想食西式又想幫襯黃店所以就揀左Beans👍🏻已經幫襯過幾次，每次食物都好有質素😋主食就叫左德國豬手，可以選擇原隻上碟或者切開上，我地為左方便就切開上碟，不過賣相就無咁靚🙈但係豬手味道一流，有燒汁作調味，外脆內軟，亦都有酸菜，煙肉同薯仔做伴碟，分量亦都好足夠👍🏻另外一個主食就叫咗黑蒜蜆肉意粉，雖然唔係特別鍾意黑蒜，但係用黎炒意粉又唔錯，只係食到最尾比較肥膩最後就係甜品環節，beans 對醫護仲有特別優惠，只要出示醫護職員證就可以獲贈甜品，甜品款式有得揀，仲會成碟擺好上碟，味道當然亦有一貫既水準👍🏻😬

放工七點幾去到，預計到要等，結果等咗半小時左右入座。

黃金蟹肉意粉：用料豐富，食到少少蟹肉，蟹柳棒夠厚身，賣相不錯海鮮薄餅：岩岩焗好就上碟，夠熱，芝士仲融融地，主要材料係洋蔥、菇、蟹柳、帶子、蟹子和芝士，份量十足車打芝士薯條： 芝士勁多，薯條夠熱，好味最後嗌咗香草梳乎厘：夠鬆軟，要30分鐘去焗，食到咁上下就叫侍應準備，岩岩食完正餐就食到甜品餐飯叫咗檸檬蜂蜜，一向好鐘意飲，推介。

套餐平均一百蚊連餐飲，食物質素有保證，難怪成日門口都有人排隊！

荳子餐單提供西式, 甜品, 糖水, All, Day, Breakfast, 咖啡店等推介美食位於沙田區，餐廳座位數未知人均消費約$101-200，結賬可以用Visa,Master,AlipayHK,支付寶,現金,AE，Booking訂位可以電話致電 27777078 查詢。

您對於沙田餐廳「荳子」有何 comment？

荳子餐廳詳細資料：

• 荳子地址:
  沙田鄉事會路138號新城市中央廣場5樓503號舖
  Beans The Greenhouse, Shop503,5/ F, Grand Central Plaza,138 Sha Tin Rural Committee Road, Sha Tin
• 荳子電話: 27777078
• 荳子價錢: $101-200
• 分類: 西式, 甜品, 糖水, All, Day, Breakfast, 咖啡店
• 座位: 未知
• 付款: Visa,Master,AlipayHK,支付寶,現金,AE
• FB專頁: 荳子 Facebook

更多荳子相關資料:

• 荳子分店
• Youtube
• Facebook
• Twitter
• Google