美食軒快餐店 沙田

美食軒快餐店 評價 相片

平時經過見到呢間好多人食, 但太細間, 望落好似好迫咁, 唔太吸引到我入去食, 但今日行過, 見佢d lunch真係比商場入面其他餐廳平, 只係$25, 仲包熱飲, 又唔啱有卡位, 所以入去一試...............坐低之後, 想睇番是日午餐係乜, 但周圍都冇寫, 要出去買飛果度先有得睇, 因為呢度係要去門口買飛先, 然後拎飛行到最入吧枱果度. 放低飛後, 你可以返埋位等, 又或者執定d餐具, 係全自助式, 好似讀書果陣幫襯果d舊式快餐店.............果然係快餐店, 其實你比飛冇耐, 大約幾分鐘, 已經叫你出去拎嘢食, 趕時間的真係啱哂...........但當然啦, 呢個世界不嬲都係一分錢一分貨, 除咗杯飲品真係去之外, 食物係室溫的, 但又未可以話係凍lor~~干炒牛河 又黑又閃令令, 因為好多油, 又落咗好多老抽, 味道反而冇想像中咁鹹, d河粉又碎濕濕, 牛肉又少又細片, 食完雖然係夠, 但只係比d油頂住啫........... 熱檸水成餐飯最好就係呢杯, 因為夠熱, 如何唔夠飲, 可以唔耐d檸檬整咁爛, 留番沖多杯, 因為出面有水有茶比你斟........... 豉椒排骨河 呢個好彩有d汁, 所以會暖少少, 但都不能接受, 又係河粉碎哂, 個汁太杰, 味道太濃, 排骨又瘦又鞋.............. 凍奶茶唔太濃, 比餐廳好飲, 但唔夠大排檔好飲呢度多數都係d叔叔伯伯或男人幫襯, 可能係一個字"平", 但我未必會再貪平食, 只會响趕時間考慮下佢................

今天到來..全因被平價下午茶所吸引..干炒豬扒河賣相不算太好..細細碟有三件豬扒..但又幾好味..熱辣辣唔會油淋淋..以 $24 來講已經相當唔錯..不過杯凍奶茶就好普通左少少..

這個「當世無雙」的意思並不是褒義的，而是貶義的。

為甚麼說它「當世無雙」呢﹖那是因為太CHEAP了，而且味道不太好，可以選擇的款式也不多~試想想一個漢堡扒火腿飯要是$15：漢堡扒$2火腿$2飯+汁$3，都係$7咁佢咪賺好多?!真係好唔抵食~豬扒細塊而多骨，又不好吃，加上飯煮得太諗，唔掂！！

農曆新年前, 要到沙田年宵巿場工作.走到對面的商場, 找到了這一家餐廳.見到鐵板美式什扒飯/意粉/菜, $30, 包熱飲(凍飲加2蚊)好便宜啊!!! 那就試一試吧.於櫃台先買票, 再拿票到取餐處.廚師即叫即做.等了約五分鐘,到取餐處自取.首先, 飯跟扒先分開的(看圖)鐵板入面包含d 乜?一塊牛扒, 一塊豬扒一塊火腿, 一條腸仔一隻全雞翼, 一大堆薯條味道算是正常, 入得落口咁, 無話特別好味!但係真係等別飽!晚餐有呢個價$, 食到咁飽, 真係好抵!

以Lunch來說，這餐廳的食品雖然不算得好食，但又未至於難食的地步。

近星期，多次光顧這餐廳，終於發現了兩個特別的地方。

第一，原來不是天天都有午飯架！真係可遇不可求；第二，原來特餐是有湯飲架！不過先到先得！所以，尋日我好幸運，有機會飲下湯。

是日特餐，我選擇了洋蔥牛排腸仔飯，和我中學年代的Lunch一樣，都是薄牛排，非常易切，而洋蔥汁是非常「杰」架！不過勝在夠多，一定能夠撈晒個飯！差點忘記個湯先！有羅宋湯，稀如水，但又有十足的羅宋湯味道，真係奇怪！

美食軒快餐店餐單提供港式, 茶餐廳, 冰室等推介美食位於沙田區，餐廳座位數未知人均消費約$50以下，結賬可以用現金。

您對於沙田餐廳「美食軒快餐店」有何 comment？

美食軒快餐店餐廳詳細資料：

• 美食軒快餐店地址:
  沙田德厚街3號禾輋廣場2樓
  美食軒快餐店, 2/ F, Wo Che Plaza,3 Tak Hau Street, Sha Tin
• 美食軒快餐店電話:  
• 美食軒快餐店價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 美食軒快餐店 Facebook

更多美食軒快餐店相關資料:

• 美食軒快餐店分店
• Youtube
• Facebook
• Twitter
• Google