皇城海鮮火鍋酒樓 沙田

皇城海鮮火鍋酒樓 評價 相片

晚上又去打邊爐...昨晚先去完紫荊…今晚到煌城好啦…今晚係叫左豬骨湯底。

好胡椒feel 但係味精亦不少尤於任食…乜都會叫下…今晚叫左個手打豬肉丸，的確唔錯…唔怪得咁多人會叫手打丸....牛肉今日都算新鮮。

但係肥牛我都係覺得少白多紅會好食d本地肥牛都唔差，淡淡肉。

食物選擇多…但係每次上菜份量唔多…但係咁都好... 唔會淨野不過蝦呢，始終就麻麻……(我好怕挑蝦腸....)平時出面都會有d 炸物 …多春魚... 蕃薯等而我最愛呢竟然係炸饅頭因為佢炸得唔油…的確唔錯…每次出現好快都會消失左……每晚都會係某兩段時間有扁皮鴨食啊…個鴨都幾香…仲有兩件…細細件一口一件。

一定夠全場分。

野飲係任飲... 酸梅湯唔太酸…入口唔差。

其他就未試過汽水選擇多…呢間野仲有糖水同雪糕... 維記.. 好多種味朱古力，雲呢拿，綠茶，紅豆…等等等至少六種口味雪糕仲可以變成黑牛 其實d 料都算ok 架啦…以咁既價錢，我都幾滿意雖然好食就真係未到佢…但係真係好抵死始終打邊爐…一百蚊有找又可以滿足到十下下的願望呢間值得推介的平價火煱之選。

但係個裝修同個toilet 就真係要執執啦。

個toilet ....有點恐怖…雖然算乾淨。

呢篇野想打好耐，不過一直懶得打...話說係女朋友同學食過介紹，喺十一月八號去左一試(上星期六13/12考完哂試又去左一次，因為又想打邊爐，而且真係覺得抵食)正如其他去過呢度食野既人所講，呢度真係好多野食，除左火鍋食物，好多熟食甜品同唔少既炸野。

有d咩就唔講喇，呢度已經有人提過，有d仲要係去過2次都唔知原來有d咁既野食！！！飲品就有汽水：支裝紅色可樂、忌廉；罐裝藍色可樂、數字英文汽水、橙汁、提子汁等；仲有竹庶水、酸梅湯、夏枯草．．．講下第一次去叫左ｄ咩食啦，我地叫左鴛鴦湯底（清湯＋沙嗲），覺得麻麻地肥牛（每碟三塊）ｘ４蝦ｘ２ 一串串雲吞（每碟三粒）ｘ２　唔錯水餃（每碟三隻）ｘ１　唔錯四寶丸（每款兩粒）ｘ１　好迷你栗米（每碟約六舊）ｘ１　好清甜鵝腸ｘ１　覺得麻麻地九肚魚（每碟約六條）ｘ１　幾細條，可以一啖入口魚皮餃ｘ１　我中意食，不過好肥好易飽金菇ｘ１　？菜（一個筲箕份量）ｘ２有食片皮鴨，不過覺得普通，可以唔食當然仲有食炸魷魚鬚（好食），炸魚旦，炸魚皮，炸蕃薯第二次去就叫左沙嗲雜菌湯底（有冬菇，秀珍菇等），主力食雲吞，水餃，魚皮餃，肥牛，蝦，菜，小量炸魷魚鬚、炸雞翼（呢樣都唔錯），小曼頭配牛奶（ｇｆ好中意食）呢度所有野都係任飲任食，仲要冇時間限制，服務態度ｏｋ好，冇漏單，寫完紙好快就送黎，熟食會不定時供應，總之一定唔會冇野食！第一次去嗰陣臨尾仲無端端多左碟牛丸．．．我地２次都係星期六去，收費係＄６８＋＄１８（醬料）＋加一＝＄９４．５／１位９：００後入場仲會減１０蚊，平日又會平１０蚊，以呢個價錢黎講如果要求唔高真係好抵食！！！

要食又抵又唔會有限時既火鍋，我必推介位於沙田娛樂城既「皇城」事關呢度真係好好好好好抵食全店差不多九成九都係幫襯任飲任食既火鍋試過平日來，兩個人都係 $ 130左右，抵抵抵 火鍋配料都好齊，而且碟頭又唔會太細，只要你「剔紙」，佢就一定俾你，唔會因為你已食左好多 or 好耐而詐傻唔俾你飲品就仲方便，係自己去揀同攞架~ 汽有枝裝及罐裝以供選擇 除汽外，仲有23款涼茶俾你揀，真係好好好好~~~除了火配料任叫之外，佢地仲有好多熱葷俾你任食架!!真係好似去左食buffet咁架~在眾多熱葷中，我最愛 炸雞翼 係雞全翼黎架 好好味，次次我都最少食5隻 因為真係好好味，好難忍口丫~~~除此之外，仲有好多既炸物，例如﹕多春魚、豬扒、魷魚鬚、饅頭、咸水角、煎堆、魚皮.... 仲有﹕碗仔翅、胡椒豬肚湯、粟米魚肚羹、咖哩豬皮魚蛋蘿白、紅豆沙、芝麻糊、芒果布甸、涼粉、任你舀既雪糕.....最搞野係一晚有34次會開咪叫d食客出去排隊.....攞「片皮鴨」呀 哈哈哈...真係好得意呀!! 無諗過食火鍋會有埋片皮鴨食架~次次黎，我最少食佢3個鐘，真係好好好滿足 環境就當然唔係5星級啦，火鍋既配料都尚算新鮮，但當然唔可以話係非常好質素啦~ 但until now，我都未搵到有比這店更多花款、又唔限時又係任飲任食既火鍋店呀!!!

前晚光顧，開頭都被那個價格吸引的，因為每人都係$58(未計醬油錢)之後又被他的湯底吸引，佢都有8款湯底比你選。

初時都對這間火鍋店好有期待的。

點知好戲再後邊。

他的肥牛我是從來沒見過咁岡的肥牛。

好少肉，而且d蝦，墨魚丸好惺，唔新鮮的。

炸魚片過於太咸，裝菜的藍又好dirty。

最離譜就係見到隔離台食"正"的食物，佢竟然拿回廚房。

他最好就係d飲品，雪糕，山根，鱔片，牛柏葉啦！人手都足夠的，不用等太久食物便有。

但如果你是一大班朋友來食，只要唔好要求太高便可以了。

太多牛奶味，朱古力味冇頂企，等到朱古力味返返黎，牛奶味又唔爭氣~~如果維X朱古力奶的好味道係因為個種平衡，咁你得一間好的火鍋店，o個個平衡又係咩呢小弟認為係佢地的食物質素同服務態度而呢間酒樓賣既絕對只係係佢地的價錢，食物都可以但o個d服務態度真係........破壞了所有牛奶味同朱古力味..所以我覺得，如果閣下唔介意飲一隻冇牛奶味同朱古力味的朱古力奶閣下真係可以一試呢間火鍋....加油啊~~皇城，努力成為好味的朱古力奶!!

皇城海鮮火鍋酒樓餐單提供粵菜, 廣東, 火鍋, 海鮮, 點心, 酒樓等推介美食位於沙田區，餐廳座位數未知人均消費約$51-100，結賬可以用Visa,Master,現金。

您對於沙田餐廳「皇城海鮮火鍋酒樓」有何 comment？

皇城海鮮火鍋酒樓餐廳詳細資料：

• 皇城海鮮火鍋酒樓地址:
  沙田瀝源街7號沙田娛樂城4樓
  皇城海鮮火鍋酒樓, 4/ F,7 Lek Yuen Street,, Sha Tin
• 皇城海鮮火鍋酒樓電話:  
• 皇城海鮮火鍋酒樓價錢: $51-100
• 分類: 粵菜, 廣東, 火鍋, 海鮮, 點心, 酒樓
• 座位: 未知
• 付款: Visa,Master,現金
• FB專頁: 皇城海鮮火鍋酒樓 Facebook

更多皇城海鮮火鍋酒樓相關資料:

• 皇城海鮮火鍋酒樓分店
• Youtube
• Facebook
• Twitter
• Google