玉庭 沙田

玉庭 評價 相片

來過玉庭都有兩次，一路都覺得呢度幾值得推薦，當中有幾個菜式，做得出色。

餐廳價錢唔算貴一路都知，上月底朋友P先生係Facebook post左佢同人farewell 食左個好抵食嘅餐，又蝦又蟹又花膠又龍躉，好似好精彩咁，八卦下問一問，知道價錢後先發覺呢個餐真係好值得試下，於是月初疫情尚未咁厲害的時候就過左去食。

呢個餐名叫海皇盛薈，以幾個名貴菜式如龍躉、龍蝦和鮑魚等做主角，全部都分量十足。

而且唔一定要好多人先食到，你可以四位，六位或者十二位來吃，越多人價錢相對越平。

雖然好多人話唔好出街食飯，不過呢到都有不少私人房提供，有必要時，來試試也不錯，個promotion menu 做到月尾。

第一個相對最普通，海龍薈生蝦，當然我如果話俾你有幾驚為天人，你都覺得純粹講笑，不過蝦夠新鮮彈牙，就已經好好，點下個豉油汁，已經係最好美味。

金釣椰菜苗爆鮮鮑魚就真心要讚，炒得出色，搶鏡嘅椰菜苗係勁好食，完全係無諗過咁出色。

兩個前戲後，當然要飲湯，吃一圍一圍菜好多時都喜歡食翅，不過依家都係流行吃燕窩，花膠雞茸雪燕羹的甜美，有養顏滋潤嘅效果，又有名貴嘅貴氣，而且雪燕毫不吝嗇，這個相信無人會不愛。

鱈場蟹係近呢幾個月嘅主角，餐廳好多主題呢排以佢做主角，不過相對呢個菜式個人就普通，可能我不喜歡煎炸野吧，香酥薯蓉鱈場蟹腳是做得不錯，只不能口味上我不好，蟹腳好大條啖啖係肉，只不過我覺得如果用蛋白清蒸，個人會較欣賞。

勁有氣勢嘅海參扣原條龍躉，如果四人來，當然冇相片呢條咁大條，當晚我人數頗多，但呢條龍躉認真份量十足，仲要加上大量名貴海參在底，可以想像整個口感令人會心滿意足，最重要佢汁同條魚扣得好夾。

另一主角係豉蒜波士頓龍蝦配香煎新竹米粉，通常配蟶子的米粉底今日好得叫人魂牽夢繫，龍蝦的味道當然不錯，大隻新鮮而且處理得宜，不過卻是配角更搶眼，豉蒜同炒加上米粉的彈牙，令這個菜式個個都讚。

吃左都唔知幾多海鮮後，來個瑤柱扒皇帝苗，皇帝苗嫩綠鮮甜，加上瑤柱點綴，那有不好的理由。

不過，其中一位朋友還未試過呢度嘅鴨，既然一場來到當然要單點一隻，多種不同食法各適其適，之前介紹過也不再多談。

平時的單尾可能都會炒飯炒麵炒粉，不過呢個餐可能剛剛有個香煎新竹米粉做底，因此尾聲有個新意思，高湯鳳城水餃，每粒都很飽滿。

甜品簡單點，滋味合桃酥，相對我無咁喜歡，個人覺得有個糖水，感覺會更美妙。

記得，越多人食，每位價錢越平，如果近來係屋企食得太悶，就來試一下。

可惜遇上近來武漢肺炎的事件，如果唔係呢個咁平嘅餐我好相信一定好爆，而家趁大家都未必有意欲出去食飯嘅時候，係冇理由日日屈係屋企嘅情況下，真心推薦俾大家試下。

玉庭 沙田白鶴汀街8號帝都酒店12樓

剛過去的一年，面對母親的離世，著實感到傷悲，猶幸在之前幾年，一直有位把母親照顧得無微不至的工人姐姐，但過幾天就約滿，為了慰勞一下佢，但又要避開豬肉，除了素菜，相信就係海鮮。

正所謂「啱啱遇上剛剛」，早上不經意地打開報章，發覺沙田帝都酒店玉庭中菜廳推出只得一個月既套餐，有點令人眼前一亮，因為差不多完全無豬肉，其中只得一樣，就係單尾既水餃。

今次餐廳近日推出「海皇盛薈」套餐，性價比真係難以置信，星期一至四，12位都只不過$2,388，不知就裡還以為是街坊酒樓價，而且仲有4位/$988，同6位/$1,388，當然，逢星期五至日會貴些少，都是加多$100至$300不等。

畢竟在酒店用餐，衛生條件都好得多，而且訂房都不過另加$600，至少全是自己人，會更安心得多。

家陣就帶大家睇下有乜野食。

海龍蒸生蝦每人有兩隻，但都是吃得出的新鮮，蝦殼呈艷紅色，而且肉質爽彈，已經說明了一切。

金鈎椰菜苗爆鮮鮑魚如果同樣是蒸的話，就未免太單調了，爆香了蝦乾及彩椒，令新鮮鮑魚份外香口，椰菜苗爆炒至焦香，帶少許甘甜爽口，實在好正。

花膠雞茸雪燕羹位上，玻璃芡好薄，吃得出雞肉的鮮甜，花膠切絲，入口滑溜，下點胡椒粉會更可口。

香酥薯蓉鱈場蟹腳外層輕盈酥化，薯蓉柔軟如綿，蟹腳都倍覺甜美，不錯。

海參扣原條龍躉足斤半至兩斤的「條頭班」，先炸後澆上海參及芡汁，魚皮就算沾上了芡汁，依然是脆卜卜，連埋海參絲一齊食就更惹味，而工人姐姐最愛食魚，結果連骨都啜埋。

瑤柱扒皇帝苗好傳統宴會菜，皇帝苗翠綠幼嫩，完全無渣，清清腸胃真好。

豉蒜波士頓龍蝦配香煎新竹米粉表面上龍蝦係主角，但置底的煎米粉更吸引，選用新竹米粉，質地更幼細，沾上了龍蝦汁，諗下都知有幾正。

高湯鳳城水餃整個套餐只得一樣有豬肉，每位有兩隻，份量恰好，蝦肉好新鮮，湯底用大地魚及蝦殼熬成，如果可以濃味一點更好。

滋味合桃酥咬落酥脆鬆化合桃好香口，的確是一個上佳的壓軸。

鰻魚蟹子炒飯始終有老人家，點都要有飯氣到肚，另行追加炒飯。

飯底炒得粒顆分明，而且沒有多餘的油份，幾好；加入軟綿的鰻魚肉及蟹籽，令口感更佳。

開開心心食完餐飯，工人姐姐返鄉下同囡囡開士多，祝佢地以後生活無憂。

約了友儕們吃開年飯，有人提議到帝都酒店的玉庭，説這裡的「海皇盛薈」宴席十分划算，平日一席12位用也只是$2388，大家當然全無異議了。

是晚助興的House White是來自澳洲的Sauvignon Blanc ($400/支)，甜度及酸度平衡，是支簡簡單單的開胃酒。

海龍薈生蝦～肉味鮮甜爽彈，醮少許辣豉油更將滋味突顯。

金鈎椰菜苗爆鮮鮑魚～鮑魚細嫩，好像是意料中事，反而椰菜苗更有驚喜，嫩綠爽脆；與蝦乾爆炒後更是惹味！花膠雞茸雪燕羹～一向很喜歡雞茸粟米羹，這個昇華至花膠版，當然是正上正啦！薄薄的芡漿加上剔透的雪燕；爽滑稠黏，口感更豐富。

香酥薯蓉鱈場蟹腳～外酥內軟的滑薯蓉包藏了鮮甜的鱈場蟹腳，無人不喜。

海參扣原條龍躉～原條龍躉經酥炸過後被澆上混了大量海參的醬汁，肉質依然外脆內軟，連「海參汁」同吃，很下飯。

單點項目 片皮鴨 ～皮脆、油香滿溢，裹於餅皮內配以紅椒、青瓜、京蔥及海鮮醬同吃，多多也可KO掉。

瑤柱扒皇帝苗～以皇帝苗代替豆苗，同樣的翠綠、滑嫩無渣。

豉蒜波士頓龍蝦配香煎新竹米粉～近年大熱的煎米粉菜式，配搭多樣；這裡的是龍蝦，爽甜的肉質以豉蒜調味，惹味非常；香煎過後的新竹米粉，吸收了龍蝦及豉蒜的精華，更受歡迎！高湯鳳城水餃～皮薄通透，木耳絲、荀絲及鮮蝦等，爽脆彈牙有嚼勁；湯底濃淡得宜，吃多幾隻也不嫌多。

滋味合桃酥～酥脆香口，滿有合桃香，絕對會讓人吃得一塊接著一塊。

單點項目 蛋白杏仁茶～席間有不少甜人，一款滿足不了甜胃。

臨尾加的杏仁茶香滑清潤，吃得心頭暖融融。

加了片皮鴨、蛋白杏仁茶及白酒，平均每人也只是$300，超值有水準；新正頭的好選擇。

玉庭地址: 沙田白鶴汀街8號帝都酒店12樓電話: 26943939

初五剛過去，各大酒店、餐廳又再推出優惠，這晚去了沙田帝都酒店的「玉庭」，他們剛推出「海皇盛薈」套餐，九道菜特價由$988起，每人平均二百多元已經可以「炒蝦拆蟹」，吃盡各款海鮮美食，實在抵！海龍薈生蝦說是「炒蝦拆蟹」也不盡正確，因為蝦不是炒的，而是白灼的，哈哈！從來只有新鮮靚蝦才可以白灼吧，這碟鮮甜又大隻，蘸些辣椒豉油吃，一流！金鈎椰菜苗爆鮮鮑魚調味十分惹味，鮑魚鮮美，菜苗爽口，大家都很喜歡這一道菜。

花膠雞茸雪燕羹我是湯怪，這碗矜貴的「花膠雞茸雪燕羹」實是我的最愛，花膠一絲絲的，真材實料，雞湯味道香濃，再加上雪燕，滋補養顏。

香酥薯蓉鱈場蟹腳以為是百花蟹鉗？錯了，大廚用薯蓉包著蟹腳肉來炸，口感有點像芋角，更添海鮮香氣。

海參扣原條龍躉新年怎可以不吃魚？這是很大的一條龍躉啊！魚皮炸得香脆，朋友們都讚不絕口，我則更愛伴碟的海參，炆得軟腍入味，而且十分有益呢。

片皮鴨 (另點，$488)新年吃豐富一些，我們加錢要了隻招牌片皮鴨，鴨皮香脆，鴨肉軟嫰，不錯呢。

這鴨是兩食的，另一食法可揀選蹄香炒鴨崧 (跟生菜片) 或涼瓜炆鴨件。

瑤柱扒皇帝苗很久沒吃皇帝菜了，之前多數用來打邊爐，這晚大廚用了來炒，淋上海量瑤柱，鮮味十足。

豉蒜波士頓龍蝦配香煎新竹米粉這是我今晚最喜愛的菜式，龍蝦肉十分鮮甜，配上中式豉蒜汁非常搭配；最不得了是底下的煎米粉，完全吸收了豉蒜及龍蝦的精華，吃時還有點脆口，必吃推介！高湯鳳城水餃吃到宴席的尾聲，很多菜單都會加入炒粉麵，明明已經很飽，叫人怎吃得下？玉庭卻更花心思，換上了水餃，每人兩隻，入面大大隻鮮蝦好彈牙，不費吹灰之力就幹掉！滋味合桃酥最後的甜品是合桃酥，是我很喜愛的中式餅乾，這個也做得鬆化，小小的一塊，一口一個，方便！<海皇盛薈>套餐價錢：周一至四4位$988，6位$1,388，12位$2,388；周末及公假4位$1,088，6位$1,588，12位$3,988

疫情期間，一直在家抗疫。

「餓茶」一輪，終於可以好好地嘆茶。

父母與我，一行三人，坐在獨立的卡位內，舒適寬敞，加上光源充足，感覺特別良好。

鐵觀音，茶香，入口感覺......「柔」「滑」，自然多喝幾口。

蝦餃、春卷，蝦夠爽及彈牙，加上適量的竹筍，好味！😋雞包仔，那淡淡中芹，久違的味道。

今天，特別一讚的是那咸肉粽，連我這個不好粽的人，也印象深刻，值得推薦！😊👍🏻總結而言，8款點心，8折後，覺得物有所值。

😊

玉庭餐單提供潮州菜, 粵菜, 廣東, 酒店餐廳等推介美食位於沙田區，餐廳座位數未知人均消費約$201-400，結賬可以用Visa,現金,AE，Booking訂位可以電話致電 26943939 查詢。

您對於沙田餐廳「玉庭」有何 comment？

玉庭餐廳詳細資料：

• 玉庭地址:
  沙田白鶴汀街8號帝都酒店1-2樓
  Jade Pavilion, 1-2/ F, Royal Park Hotel,8 Pak Hok Ting Street, Sha Tin
• 玉庭電話: 26943939
• 玉庭價錢: $201-400
• 分類: 潮州菜, 粵菜, 廣東, 酒店餐廳
• 座位: 未知
• 付款: Visa,現金,AE
• FB專頁: 玉庭 Facebook

更多玉庭相關資料:

• 玉庭分店
• Youtube
• Facebook
• Twitter
• Google