沙田醫院職員飯堂 沙田

沙田醫院職員飯堂 評價 相片

呢一年喺度做野，因為出去食飯要搭車🙄，所以多數都係去醫院canteen攪掂個lunch，無期望係唔會有失望嘅😅，所以呢間飯堂都係正正常常，係泛亞集團，即係大家樂啲friend 。

佢每日都有兩餸飯，可以加錢要三餸，有個湯，飯仲可以轉紅米飯，真心唔難食，簡簡單單又一餐。

但佢有時都真係會俾到驚喜我同埋同事架喎🤣🤣！有時會有薄餅！好食架，即焗架，仲要只係$40幾$50，包一杯飲品，你唔會食得曬🤣呢排夏天出湯飯，我都食過鹵水鴨腿湯飯🍲，係幾正。

仲有越式粉麵🍜。

都算有唔同種類揀下。

順便一提，佢嘅燒味飯係幾好食嘅，好快就俾人賣曬，午餐要提早落去，唔係好快無位。

有職員價，係好抵食嘅！

🥢 孜然雞中翼鹵蛋瓜粒湯飯 $36本來對醫院飯堂無咩期望，只想買走倒哂落個肚啫。

當打開個蓋，嗰陣孜然的氣味，真使矇🐷眼都變🐸眼，香暴！入口，孜然味好濃郁、好入味、好好吃😋！味精湯底，有冬菇和紅蘿蔔🥕。

味道預期中。

而家醫院都好先進，有自助落單機！👍🏼都算幾多選擇。

執筆時, 尊敬的伯父已經仙遊了. 該傷心的也傷心了, 而且看見年紀老邁的伯父是隨著周公安祥的上路, 我們總算是淚中有笑.此食評, 是兩個星期前(5月2日)探望當時還精神亦亦的伯父後, 為了不讓獨自在家中看BB的太太辛苦而決定買飯盒返去一齊食的. 於是, 臨離開醫院前, 就落去Canteen, 整兩個飯盒快餐. 回家享受.此Canteen, 同一眾醫院食堂一樣, 是由泛亞(大家樂)管理. 一看見其Menu設計, 已經知道呢度有乜東西好食. 不過, 作為醫院飯堂的泛亞. 其經營方法同menu, 始終有一點區別. 而且, 醫院的Canteen, 整體上, 做得比出面的大家樂, 有營.給齋妹買的, 是三菇扒鮮蔬, 而我就簡單的, 要了一個煎蛋免治牛肉飯. 我需要給飯盒一個讚, 因為, 咁遠水路送回家中, 兩個飯盒, 依然是熱熱的. 兩個人, 開心的有個熱辣辣飯盒食.為何我有時候會對醫院的簡單飯堂一個讚, 最主要是因為佢地以一般連鎖快餐店的形式經濟, 但做出來的食物, 較少油, 較多菜. 感覺上健康許多. 而齋妹食的齋. 正正的做到了這一點.三菇扒鮮蔬飯. 淡淡口, 清清地的味道, 突顯了菇類的香味. 而菜是灼的, 健康多一點. 老以為肉醬免牛, 又多油, 味道濃, 碎肉又多夾帶肥肉. 是必然的不健康食物. 不過, 此免治牛, 除了食得出牛肉的香味, 以蕃茄做醬的汁食食得到蕃茄味的, 完全沒有被那些味精或不知名的香料味蓋過, 而且, 吃得出他們油份落得不多, 味道充滿了牛肉同蕃茄. 有隻即煎蛋, 同西蘭花. 食完, 不覺膩.係醫院食飯, 當然不是人人想的事. 但偶爾到來, 需要時食用. 食得出, 有不少的"泛亞", 做得非常之好, 而且, 經濟抵食.

沙田醫院職員飯堂餐單提供港式, 快餐店等推介美食位於沙田區，餐廳座位數未知人均消費約$50以下，結賬可以用現金。

您對於沙田餐廳「沙田醫院職員飯堂」有何 comment？

沙田醫院職員飯堂餐廳詳細資料：

• 沙田醫院職員飯堂地址:
  沙田亞公角街33號沙田醫院1樓
  沙田醫院職員飯堂, 1/ F, Sha Tin Hospital,33 A Kung Kok Street, Sha Tin
• 沙田醫院職員飯堂電話:  
• 沙田醫院職員飯堂價錢: $50以下
• 分類: 港式, 快餐店
• 座位: 未知
• 付款: 現金
• FB專頁: 沙田醫院職員飯堂 Facebook

更多沙田醫院職員飯堂相關資料:

• 沙田醫院職員飯堂分店
• Youtube
• Facebook
• Twitter
• Google