寿司九州市場 沙田

寿司九州市場 評價 相片

喺香港竟然食到磯丸水產嘅味道疫情去唔到日本冇辦法啦唯有食下日本嘢當去咗頂住先呢間新開嘅九州市場位於一田嗰邊，平時都唔係話好多人排隊，所以今日直接入去就食得重點推介甲羅燒仲要燒好哂俾你，甲羅燒即係蟹蓋蟹膏，之前喺日本食一試難忘❤️，今日竟然唔食返相同嘅味道，濃濃嘅蟹膏配上蟹肉，一人一隻啊唔該再嚟主要係食壽司為主一客四件，有海膽，吞拿魚茸，蟹肉同埋三文魚子，份量極多而且鮮甜。

其他壽司種類算多味道尚可最值得讚嘅係服務態度夠殷勤成日斟茶，得閒嚟到沙田一定要試吓

呢間係沙田嘅日本菜主打浜燒海產(但我今次無食到😂)餐廳幾大下有一個個卡位咁坐又隔好遠下坐得幾舒服, 裝修幾日本風幾靚☺️⁣⁣呢度用ipad落單, 食物會係隔離條迴轉壽司帶咁送上黎😹👍🏻⁣⁣⁣ . 極上蟹王拉麵🍜 . $88⁣其實餐廳都幾多燒物, 好似日本磯丸水產咁有個爐可以燒, 見到甲羅燒好吸引, 但又無乜胃口食咁多燒物就叫大呢個有拉麵送嘅甲羅燒🤩超多蟹膏好邪惡😈上面仲有d蟹肉碎, 配返個拉麵中和返就啱, 不過拉麵麵質就比較淋😣有d似米線🙃而蟹膏都無想像中咁浜燒🙃不過味道唔錯⁣⁣⁣ . 九州市場海鮮丼 . $198⁣我地仲叫左呢個刺身丼飯, 望落好豐富, 尚算新鮮, 又無話好驚喜😂賣相幾靚兩層咁幾特別😌下面個盤其實就係個丼飯喇, 中間個木桶仔裝住左d蔥同紫菜俾你沈落去d飯度, 刺身每樣都好少係有d失望⁣⁣不過見好多人都話lunch抵食d, 有機會可以再試😂⁣⁣推介: 🌟🌟🌟+0.5🌟(最高5星)

.👣寿司九州市場沙田沙田正街28號新城市廣場3期2樓A236號舖.疫情初時都唔太敢食海鮮, 怕生冷又有菌, 但一諗到可能有排都無得去旅行, 實在忍唔住!橫死掂死點都食埋先死啦!.🔸極上蟹拉麵 $88超超超多蟹膏!!!好鮮味又唔腥, 雖然佢係湯麵, 我當左撈麵咁食, 將麵沾落蟹膏入面!堅正!.🔸大漁海鮮丼 $168一次過試哂9種海鮮, 刺身新鮮不過薄左D, 如果厚返少少多返個口感都好D, 呢個價錢有埋海膽本來係幾抵既, 可惜海膽味道怪怪的....🔸磯燒帆立貝 $68你可以揀自己燒或者店員幫你燒, 即燒即食! 鮮味完全保留!.🔸炸墨魚軟骨最鍾意食呢個! 平時食得多雞軟骨, 墨魚軟骨比雞厚肉, 肉爽而且帶有鮮味, 炸粉剛剛好, 好食!!日本九州市場海鮮出名平靚正!呢間香港版確實做到價廉物美! 想吊下口癮都可以過黎嚐嚐! 環境氣氛佈置都好似日本, 1.5米的距離更令你坐到好想停留係呢個空間多一陣, HAHA...不過都幾多人等位架.食物好味道：8/10環境舒適度：9.5/10整體值回頭率：8/10

冇食壽司一段時間今日難得去沙田 就試吓呢間日本餐廳✨.雖然疫情肆虐 但仍然有好多人排隊所以要預早少少時間入座佢哋嘅壽司都好新鮮特別推介中嘅龍之卷😍 ($78)佢其實係炸蝦卷 不過加咗蟹子、明太子醬同蒜片口感一流！.另外亦推薦🍣火焰沙律三文魚壽司🍣中吞拿魚腩壽司🍣甜蝦壽司.除咗壽司之外佢哋亦有浜燒🌟個人認為三文魚西京燒幾好味😚佢哋會set個爐俾你可以自己燒下燒下幾好玩🤣.📍 寿司九州市場 (沙田)沙田沙田正街28號新城市廣場3期2樓A236號舖

九州市場雖然人氣唔高，又冇分店，但佢絕係元氣板長以外既商場食日本菜好選擇，值得比個好評。

蟹膏$24，蝦$28～刺身船盛五點$168 賣相唔係好靚，特別係甜蝦，魚生睇落去都冇特別，但其實幾鮮甜～係燒嘢方面，叫咗帆立貝$68，，蟹蓋$68。

質素中上，調味適中，所有嘢都中規中矩咁～鯛魚$32同油甘魚脂$40，比預期中靚，魚生本身都比飯厚，壽司飯既黏度亦控制得好～火炙鰻魚$38，必叫！ 係入口即溶，好肥美既海鰻～

寿司九州市場餐單提供日本菜, 壽司, 刺身等推介美食位於沙田區，餐廳座位數未知人均消費約$101-200，結賬可以用Visa,Master,現金,AE,銀聯，Booking訂位可以電話致電 27917100 查詢。

您對於沙田餐廳「寿司九州市場」有何 comment？

寿司九州市場餐廳詳細資料：

• 寿司九州市場地址:
  沙田沙田正街2-8號新城市廣場3期2樓A236號舖
  Sushi Kyushu Ichiba, Shop A236,2/ F, New Town Plaza Phase3,18 Sha Tin Centre Street, Sha Tin
• 寿司九州市場電話: 27917100
• 寿司九州市場價錢: $101-200
• 分類: 日本菜, 壽司, 刺身
• 座位: 未知
• 付款: Visa,Master,現金,AE,銀聯
• FB專頁: 寿司九州市場 Facebook

更多寿司九州市場相關資料:

• 寿司九州市場分店
• Youtube
• Facebook
• Twitter
• Google