Pici 沙田

Pici 評價 相片

抗疫期間習慣左唔出街食飯，但又想慶祝母親節，唯有叫外賣啦!之前試過午餐味道唔錯，但一人餐款式少好難試曬咁多款，今次終於可以試多幾款一家人共享。

總共叫左2個set，1個23人set，一個1人晚餐。

面包:哄得非常香脆，餐廳仲俾左橄欖油黑醋，食極都唔夠。

叫開1人餐都有，仲以為每個餐一份，結果唔係! 一家人剛剛夠分。

23人餐：前菜精選冷切盤家人鐘意食Parma ham，指名要order，食落入口甘香，香腸則比較淡，唔太識分芝士，但得一款啱家人口味。

主菜1牛面頰扁寬面手工面好香蛋味，唔會好似其他咁硬，牛面頰只算係肉碎，分量少左d，都幾好味，清曬。

主菜2大蝦墨汁結他面未打開已經飄黎海鮮湯既濃郁香味，有少少辣，全家一致讚好，仲有墨汁面唔會食到成口都黑曬除左兩隻蝦，仲有唔少蝦肉。

一人餐：前菜紅菊苣沙律沙律菜新鮮，有果仁芝士，好簡單既沙律主菜意式香腸貓耳面醬汁是辣的，都幾特別，只係貓耳面偏硬，香腸真係好少，有d 失望。

甜品兩個餐各有一份Tiramisu以包裝黎講，環保包裝非常整齊乾淨，拿出黎唔會成手汁絕對重要!!味道係唔錯的，當然外賣係會唔夠熱，不過唔想成日唸住幾時要戴番個口罩，又想同屋企人慢慢享受天倫樂，係可以一試。

最後係本人都鐘意收Pici 既postcard。

好sweet。

Pici 都介紹過好多次了但有質素的手工意大麵 總是百吃不厭最近仲抗展到荔枝角同鰂魚涌不過都係沙田最近我.Dinner Set for Four ($880)2 starter + 4 pasta + 4 dessert + 4 drinks真係又抵又好食🤤.《秘製肉丸》將豬肉同牛肉打成鬆軟彈牙的肉丸🧆加入大量巴拿馬芝士🧀 切開拉哂絲.《意式炸蕃紅花飯球》超香脆但一d都唔油膩咬到中心係熱辣辣的金黃色蕃紅花飯🍚.《結他麵》大大隻蝦係面頭底下係沾滿魷魚墨汁🦑🖤的結他麵幼身輕形但手工麵真係零舍彈牙辣椒🌶令蕃茄🍅海鮮濃湯更提鮮.《意大利寬帶麵》牛面珠燈肉醬用上8小時黎慢煮 真係好香濃寬帶麵煙韌得黎一d都唔會難咬.《貓耳朵麵》🐱👂🏻相對比較韌而且我麻麻地辣肉腸陣味.《意大利芝士蛋糕》Tiramisu不嬲都係呢到名物我唔多講了 必食!.《意式奶凍》勁滑呀個奶凍🥛仲好香椰奶味配上面個紅莓醬係perfect match.不過今日有少少失望係menu上無左我最想食既介指麵💍😢

想搵間好餐廳食野同朋友慶祝生日的話，呢到係一個唔錯既選擇。

預約既時候同左餐廳講係食生日飯，想佢幫忙在甜品上放上蠟燭，職員（外籍人士）二話不說：No problem! We will make it perfect! 😂我地叫左3個set lunch，3 course.頭盤俾我地揀晒，每樣都試到😂前菜食左⭐️Beef Carpaccio生牛肉薄片⭐️Green Salad田園沙律 ⭐️Parma ham 巴馬火腿普普通通主菜的三個意粉要左：⭐️Tagliolini 鮮刨黑松露細扁麵⭐️Pappardelle 慢煮牛面頰肉意大利寬帶麵 ⭐️Chirarra 結他麵配海鮮個人覺得最好食係結他麵，其他意粉都不過不失，未去到嘩一聲咁好食。

終於等到食甜品嘅環節，幾個餐廳侍應行咗過嚟拎住甜品，上面插左蠟燭，然後好興奮咁唱生日歌🎶🎵🎶，仲會用即影即有相機幫我哋影相！氣氛好好！甜品試左：Tiramisu 意大利芝士蛋糕Panna Cotta 意式奶凍配紅苺醬，甜品好好食！之後仲送咗張生日卡俾主角，張生日卡都幾靚㗎，再加100現金卷，等我哋下次再消費😂 。

。

。

。

。

。

。

。

就係因為張100蚊😂，我地再去食第二次，諗住試埋其他意粉。

今次要左經典千層麵，同埋Today Special (海鮮意粉)。

So far試過5款意粉，最出色都係經典千層麵！😋😋👍🏻⭐️呢個係必食，有好多肉醬，個汁調較得啱啱好。

總括來講，呢間餐廳用嚟慶祝生日係唔錯嘅😛😛

happy friday諗住食好d同gf去左沙田個間pici差不多8 點先放工 以為閂左(因為疫情)點知10 點先閂 8點半左右到 唔洗等位就入得 依家有個2人set dinner有小食 2 個pasta同甜品 同2 杯野飲 小食叫左個炸海鮮既platter 唔係好油 沙甸魚炸得好脆同香 意粉就叫左個肉醬既面根 有火箭菜 個醬非常好味 重蕃茄味 另一個係蕃茄海鮮偏意粉 隻蝦好大隻同新鮮 青口同d汁好夾 帶出鮮味最後係甜品tiramisu同埋紅莓奶凍 tiramisu出色 諗起去意大利食個d 賣單5 百幾 高水準

千層麵好細緻，麵食落煙靭有咬口，而芝士唔會勁落，面層芝士同夾層兩種唔同嘅醬汁處理，味道唔會太濃啱啱好！最令我感到滿足嘅、係一封有心思嘅信，其實冇人需要咁做、但係呢一個額外嘅心思，就係令人感到滿足嘅感覺。

我會好好記住呢間餐廳

Pici餐單提供意大利菜等推介美食位於沙田區，餐廳座位數未知人均消費約$201-400，結賬可以用Visa,Master,現金，Booking訂位可以電話致電 27766222 查詢。

您對於沙田餐廳「Pici」有何 comment？

Pici餐廳詳細資料：

• Pici地址:
  沙田沙田正街18號新城市廣場第一期2樓251號舖
  Pici, Shop251,2/ F, Phase1, New Town Plaza,18 Sha Tin Centre Street, Sha Tin
• Pici電話: 27766222
• Pici價錢: $201-400
• 分類: 意大利菜
• 座位: 未知
• 付款: Visa,Master,現金
• FB專頁: Pici Facebook

更多Pici相關資料:

• Pici分店
• Youtube
• Facebook
• Twitter
• Google