Cafe Gute 沙田

Cafe Gute 評價 相片

第一次與男朋友都這兒食飯, 叫左一個是日晚餐焗鴨胸意大利飯($66), 一個廚師推介焗莧菜龍利魚柳意粉($58)...晚餐包湯,主菜,飲品及甜品, 廚師推介則有湯及主菜, 要飲品加10元..周打魚湯..可以食到有魚,不過不失...麵包也可以, 侍應會拿著一藍問你要那一個..我選了甚麼兔仔包...不知為何叫這名字...不過個包可以再熱一D就好啦! 而兩個主菜...我覺得不錯...這樣的價錢也算OK啦! 飲品只叫了一杯凍奶茶...幾有茶味..甜品是件普通CREAM CAKE, 有半件士多啤梨...OK啦...整體是不錯的晚餐..

今日約左個朋友食晏,去之前佢係openrice既食評揀左第1間好多'笑'既餐廳,去到門口佢打俾我同我講左menu有咩問我有冇問題,咁我就叫佢一直行,行到去無印門口間cafe睇睇,覺得邊間d野食吸引d就去邊間,佢最後揀左呢間...個waitress一拎盤包出黎時,我見到係A1必揀既兔仔包, 我當然揀佢啦,朋友就揀左個有合桃既包,佢話好好食,走時仲問人家有冇得賣添...我叫左個白汁雞肉什菌焗長通粉,好好食,細細碟,好岩我!朋友叫左個雞扒帆立貝拉麵,+左5蚊轉烏冬,食左之後佢話個烏冬好得,但係雞就好重雪味!甜品係紅豆綠茶布丁,都OK丫,唔太甜!餐飲,熱咖啡,個味道好熟,好似A1既味!之後先知原來佢係A1集團,味道差不多,但價錢就佢比A1平!佢差在太迫同太OPEN,但如果返工既日子,趕趕地食個LUNCH都算係一個不錯既選擇!

路過就多, 幫襯佢都係第一次, 一來佢對住西田超巿同無良印品, 人來人往, 餐廳只用圍欄隔住, 所以見到都無食神, 無果種食野氣氛.一味係地點方便. 當然本著乜都試既精神, 點都一於試, 試過番唻呢度寫食評.上次試既雞肉栗米拉麵餐一般嗜, 凍檸茶咪又係茶餐廳賣相. 跟餐就係咁多. 唔豐富. 呢次唔係下午茶餐, 而係晚餐. 所以都幾物非所值, 唔食裝修, 只食位置方便. 枱與枱之間窄得處於半搭枱狀態, 你話shopping後有番兩三袋, 休息下醫下肚, 呢度唔會係首選. 係服務還算可以.

第二次黎cafe gute食晚飯, 野食比三月黎果時好喎!!餐湯係potato broth, 無咩驚喜, 而且仲幾多油浮面^^'''maincourse有莧菜焗龍利柳飯同美式烤豬扒配薯蓉. 龍利柳飯既魚柳新鮮, 芝士同莧菜既份量同火喉亦掌握得好好, 值得一讚, 我地一路食, 一路就話"真係幾好食喎". 豬扒配薯蓉都唔錯, 只係無龍利柳飯咁搶鏡0者甜品係一個唔知咩cake, 因為賣相唔吸引所以我無食到... 有份食既同行人士就表示味道麻麻...至於服務呢, 好似就無上次黎咁好, d waitress無咩笑容, 又好似唔熟手咁, 可能係星期日晚多客忙得滯所以咁啦...

服務好好,食物都好,環境如果透明度無咁高就更加好!!琴晚同傻B去沙田睇戲,見重有大把時間就搵地方食野.搵到間又好貴,同埋個餐太多野食,一係就好多人等緊,咁行下行下就黎左E間CAFE啦!!未入去,侍應姐姐已經好熱情而溫柔咁介紹有D咩餐,本身唔係好想係到食,因為好似無遮無掩咁,但係望落去又好似好好味,嘻嘻,就試下啦~~我同傻B 商量後叫左個2人餐($162+10%)2人餐有:餐湯X 2 + 餐包X 2 +主菜X 2 + 粉/飯X 1 + 餐飲X 2 + 甜品X 2(我覺得都幾抵囉)餐湯有2款,蕃茄薯仔雜菜清湯(我地都係要左呢款,好好味,清得黎又有小小煙肉香,唔係平時屋企煲個D 蕃茄薯仔豬骨),另一款係蟹肉忌廉湯.跟湯個包包係有個侍應姐姐拎住一籃去到你面前笑笑口咁問你要邊個架~~包包好軟,暖暖地,連唔太好食包既傻b都話好好味。

頭盤:無名沙律(因為無登出黎)有生菜,蕃茄+ 一片煙燻煙肉,沙律醬係芝麻汁,好好味,好新鮮~~~主菜:有好幾款,我地要左海鮮大會同埋龍利柳,海鮮大會有青口,蜆肉,魚,蝦同墨魚,都幾多下,重有芝士薯蓉圍邊,不過係d墨魚唔太熟,其他都好好味!!龍利柳唔會好乾好夠味,個汁好香草,我鍾意!粉/ 飯:有3款,可以要雜菌天使麵/鮮茄意粉/ 焗莧菜飯,我地要左天使麵,傻b話比較淡,無咩味,不過用薯蓉lo 埋一齊食就fit啦~~餐茶:熱茶,凍咖啡,茶普通啦,不過傻b就話咖啡好苦,落左好多糖水都唔得,飲左小小就無飲,(重攪到好精神,訓唔到)甜品:芒果蛋糕,我無食到,因為好飽啦,傻b話好好味,又唔太甜,蛋糕好軟熟.侍應服務真係好好,有笑容,有禮貌,每人都好滿意~~^^都會再去呀!!下次試下其他先~~

Cafe Gute餐單提供日本菜, 日式西餐等推介美食位於沙田區，餐廳座位數未知人均消費約$51-100，結賬可以用現金。

您對於沙田餐廳「Cafe Gute」有何 comment？

Cafe Gute餐廳詳細資料：

• Cafe Gute地址:
  沙田新城市廣場西田百貨
  Cafe Gute, Seiyu, New Town Plaza I I I, Sha Tin
• Cafe Gute電話:  
• Cafe Gute價錢: $51-100
• 分類: 日本菜, 日式西餐
• 座位: 未知
• 付款: 現金
• FB專頁: Cafe Gute Facebook

更多Cafe Gute相關資料:

• Cafe Gute分店
• Youtube
• Facebook
• Twitter
• Google