仰光小館 氹仔舊城區

仰光小館 評價 相片

平時想食緬甸餐例如魚湯粉和撈油麵等美食都會去三盞燈附近覓食今次介紹一間位於氹仔價錢親民且的緬甸餐館椰汁雞麵🍜必食魚湯粉有一塊香脆卜卜炸豆餅魚湯底濃郁加上魚蓉食落去唔會有渣 ✨椰汁比較淡唔夠杰 用咗雞脾肉 肉質夠滑之餘啖啖肉😊配咗油麵 麵條彈牙 大大碗好飽肚

今個星期過大海，早左到酒店未夠鐘check in 咪去官也街果頭行下，本來係想去隔離間咖啡廳食距個番茄麵既.耐何2點打烊.附近條巷仔有間拉麵店同尼間麵店麵店.開頭都驚中伏，咪向門口隔住玻璃睇下D人食咩.😂老細見我地咁徬徨咪出黎招呼我地入去.比距贏左添.小店feel，細細間但有三部冷氣，夠曬舒服.我嗌左椰汁雞麵，朋友嗌左咖喱雞撈麵.雞好入味，感覺唔係用急凍雞扒.有雞味，唔知道澳門活雞供應呢.撈麵麻麻地，反而舊雞雞好味.到我碗主角出場，開頭以為係馬拉味.但唔係，甜甜地，都有落椰奶，但唔傑，因為太傑會搞到個麵好漏，店主個湯把握得唔錯.雞好入味，而且滑.最特別係面頭塊炸豆餅，第一次見d咁既野.好脆口，點d湯等距融小小仲好味，後來食完碗麵有湯剩，我仲嗌多左塊，好正.第一次食緬甸野，感覺唔錯.你話距係泰國味馬拉味，又唔係.距有自己一條line，雖然材料都相似.去澳門可以試下.真心平好食.

係氹仔舊城區發現一間新開的緬甸麵的小館「仰光小館」，地方細細環境乾淨，店員態度有善細心招待，魚湯粉足料味道濃郁、可以比美三盞燈個D老字號、椰汁雞麵也不差、不會太油。

今次有個好消息講比大家知，就係氹仔都開左緬甸餐廳啦，唔駛大家山長水遠過番三盞燈果邊食！就等飲食情侶小先鋒 屈小姐同賴生爲大家作詳細報導啦！首先，你要有搵路既準備，因為間舖既位置係條小巷入面，小巷既舖頭主要係賣D零件既，所以你唔開Google Map都好難搵得到⋯因爲你唔會信果度係有餐廳既！第二，請於11:00 17:00到訪，呢間舖頭唔係開好耐嫁咋！認住呢間舖頭：再比埋餐牌比大家睇：作爲先鋒既我地叫左4樣野，包括緬甸菜既經典：魚湯粉同椰汁雞麵，另外仲叫左咖哩牛腩同馬拉盞撈麵！1）椰汁雞麵 ： ⭐️⭐️⭐️作爲初試業既緬甸餐廳，呢個椰汁雞麵我地會比合格，因為都食到緬甸風味⋯但可以改善既地方有好多 ⋯⋯A) 湯底： 椰汁味不足，可以調番濃少少會令成碗麵更好食B) 雞件：雪味太重⋯而且份量只有3舊⋯較少C) 麵： 份量較少，建議加番1/4既份量，麵亦較為淋左少少不過大推佢塊豆餅 超香超脆，豆味亦好濃，浸湯食又正，就咁食亦正！2）魚湯粉 ： ⭐️⭐️⭐️同樣地，呢碗粉亦拎到合格分數，大致可以係2方面改善 A) 湯底：魚湯欠缺濃郁魚味，食魚湯粉既重點係連湯食，所以好需要改善，不過呢，要讚一讚佢個湯好多魚肉絲，真係啖啖都食到一絲絲既口感B) 粉：麵呢，就比較幼身，冇三盞燈果D咁煙un，同埋亦都可以加番大1/4份量3）咖哩牛腩：⭐️⭐️⭐️⭐️ 呢度個咖哩牛腩出品可以，但略爲咸左少少(可能係因為我地淨食，如果連飯食應該好正！)，相信改善到個分數會更佳！牛腩： 用牛筋腩，炆得夠淋亦好入味咖哩： 夠晒傑同挺身，令個汁好容易就掛滿牛腩同薯仔！香味亦好足夠！好惹味（除左咸左少少⋯）薯仔：可以再炆淋D更佳4）馬拉盞撈麵 ： ⭐️⭐️⭐️⭐️夠晒香啦，但馬拉盞撈麵味道可以再濃番少少！而且都有1點可以改善  蒜片 ： 炸過龍，全部都帶苦味，影響左成個麵既味道⋯以下係秘密推薦呢度個勁辣辣椒醬好正！又香又辣，隻辣味係持久地係口度久久不散果隻！極度推介叫碗淨麵（走湯），撈佢既辣椒醬黎食，嗜辣既你一定會覺得呢碗麵有⭐️⭐️⭐️⭐️⭐️評分總括而言，呢間舖頭止癮係可以既，始終近好多麻，去官也街附近就到啦，但比起三盞燈仲未稱得上惹味好食，希望佢會慢慢改善啦！我地會繼續跟進既！#只要你想，去邊我都願意#其實你眼睛會說話#幸好我會讀你眼睛的暗示#一齊繼續試更多好西#16個月快樂#謝謝你願意與我牽手到處走

仰光小館餐單提供緬甸菜等推介美食位於氹仔舊城區區，餐廳座位數未知人均消費約$50以下，結賬可以用現金，Booking訂位可以電話致電 +85328400023 查詢。

您對於氹仔舊城區餐廳「仰光小館」有何 comment？

仰光小館餐廳詳細資料：

• 仰光小館地址:
  氹仔舊城區老虎巷歡樂花園地下H舖
  仰光小館, Shop H, G/ F, Happy Garden, Tv. Lou Fu, Vilade Taipa
• 仰光小館電話: +85328400023
• 仰光小館價錢: $50以下
• 分類: 緬甸菜
• 座位: 未知
• 付款: 現金
• FB專頁: 仰光小館 Facebook

更多仰光小館相關資料:

• 仰光小館分店
• Youtube
• Facebook
• Twitter
• Google