一碗肉燥 (樂富) 樂富

一碗肉燥 (樂富) 評價 相片

俾可愛用心設計吸引✨ 每人附送口罩套一個😌午市套餐揀咗識撈雙餸飯（炸芝士魚棒+柚子炸雞），覺得整體普普通通咁啦，特別係炸雞食唔出柚子味只係得辣味，對於食唔到辣既人黎講有啲handle唔到，唔知係俾錯另一款炸雞我定柚子炸雞本身係辣既呢？😞而朋友揀咗好吃鹽酥雞扒飯，連埋三款味粉（海苔粉、梅子粉、七味粉）一併上枱，味道就不知如何了。

但我加咗啲海苔粉落上面既炸芝士魚棒試吓味，覺得海苔粉味道偏淡。

不過值得一讚既係，餐飲杯凍檸檬桂花薏米特飲好好飲🌼，絕對會令人回味，挽回一些分數~ 不過建議揀凍飲，同行友人揀熱既覺得味道普通，可能凍既比較出色呢。

每次路過都很多人等，今日（27/8/2021）終於路過無人等位，因為很早，都未到中午十二點。

點了2份午餐很讚紅燒牛肉湯麵，味道麻麻，唔係食開既台灣味道，麵質一般，牛肉入味及稔，配料都幾多。

滷水大腸牛筋飯餐，大腸過稔，無咬口，牛筋有雪味，拌菜有大荳芽及豆腐，整體味道較淡，肉燥飯配味菜，好開胃，用溫泉蛋更勝鹵水蛋，蛋黃配飯，正。

餐飲選了凍黑糖珍珠奶茶及凍黑糖薑母烏龍，飲品都OK跟餐以優惠價$24加了個甜品~加奶蓋香芒牛奶刨冰，夠大份，配料多，夠凍，味道OK

原本打算去九龍城食飯，但懶得滯唔想行直接係樂富搵野食🙈見到台灣野有啲掛住🥲見裝修幾得意同價錢相宜就入去回憶下吧😭性價比高✨✨一碗狂滷套餐($58雙拼)雙拼揀佐滷水大腸同牛脷👅意外地驚喜💥滷水夠曬入味索曬落啲大腸到✨唔會好鹹同好多肥膏‼️牛脷都好夠林無羶味👍🏻仲有芽菜豆腐墊底，份量都唔小🤟🏻肉燥飯都十分唔錯😍肉燥唔算好多但都好夠味😋有一隻流心蛋同埋酸菜撈飯好開胃✨✨$58 咁既分量食性價比高🌟🌟推介💯宜蘭蔥餅(跟餐$11)呢個就麻麻地🤔完全冇葱味又比較多油，不推介⚡️培根玉米芝心蛋餅 ($38)啲芝士係蛋餅入面鯨曬一pat☹️食到一半已經好膩，不推介⚡️凍黑糖珍珠奶茶珍珠太林同甜到爛牙🥴為食指數: 2.7/5性價比指數: 3.5/5推介指數:3/5

朋友去過長沙灣分店，覺得ok先黎呢間試試，但係唔掂。

黑糖珍珠牛奶味道正常，但唔係值得期待既飲品，亦唔至於難飲既。

黑醋豬軟骨飯：豬軟骨肉質“鞋”，有浸雪味，可能係用咗唔知咩特別既醋引起。

飯內肉燥有苦味。

如果入咗間店先睇到呢個po，建議叫呢個，算入得口…識撈雙餸飯(台灣腸+脆雞翼)：雖然飯裡面都有唔掂既肉燥，但呢兩款餸都ok既。

台灣腸：正常，只要唔係煮燶，都好少台灣腸唔好食，因為都係批發咁訂。

脆雞翼：油炸，油膩，但食落肉質滑既，算ok。

生煎冬菜髀菇煎肉餅唔好叫！！只可以話奇怪，似中式肉餅，唔好食，亦唔夾。

p.s:樂富仲有 茶木 做選擇。

去完超巿再去食晚餐家姐同我都叫滷水雙拼餐我點左豬耳加金錢肚家姐就叫左牛脷加牛筋全程qr code落單可以慢慢睇，無人催促🤪等左幾分鐘就有野食肉燥飯有埋酸菜粒好夾味撈埋蛋汁好正啊 👍🏿👍🏿👍🏿滷水又唔會好鹹牛脷啖啖肉好淋無肉膻味牛筋家姐話淋得黎有少少煙韌口感有d唔係架，煮到太爛我自己都鐘意有d咬口😊有大豆芽配襯滷水豆腐墊底飲品 熱黑糖薑烏龍好順口啊 烏龍同黑糖出奇地夾反而無過甜 尾韻多左陣茶味👍🏿👍🏿唯一眼闊肚窄叫左炸豆腐小食飽到上心口😂😂更癲既係 有點到香蕉朱古力蜜糖吐司好彩取消到個order🤭🤭🤭最怕浪費左食物 所以量力而為🙃🙃

一碗肉燥 (樂富)餐單提供台灣菜, 台式飲品, 快餐店等推介美食位於樂富區，餐廳座位數未知人均消費約$51-100，結賬可以用現金，Booking訂位可以電話致電 28564028 查詢。

您對於樂富餐廳「一碗肉燥 (樂富)」有何 comment？

一碗肉燥 (樂富)餐廳詳細資料：

• 一碗肉燥 (樂富)地址:
  樂富聯合道198號樂富廣場B區1樓1210號舖
  Taiwan Bowl (Lok Fu), Shop1210,1/ F, Zone B, Lok Fu Shopping Centre,198 Junction Road, Lok Fu
• 一碗肉燥 (樂富)電話: 28564028
• 一碗肉燥 (樂富)價錢: $51-100
• 分類: 台灣菜, 台式飲品, 快餐店
• 座位: 未知
• 付款: 現金
• FB專頁: 一碗肉燥 (樂富) Facebook

更多一碗肉燥 (樂富)相關資料:

• 一碗肉燥 (樂富)分店
• Youtube
• Facebook
• Twitter
• Google