潮州苑餐廳 柴灣

潮州苑餐廳 評價 相片

好友聚會路經這間餐廳，可能是假期關係都幾爆，老闆叫待應招待我們到一角，可能知道我們幾個女生怕嘈，幾細心喎 ，之後每人點咗一味菜，我當然點我最愛的蚧啦，蚧夠惹味新食法，老闆還介紹左一條海魚清蒸，雖然海鮮跟酒家一樣時價，而且是游水新鲜海魚，計落都抵過上酒家，賣相亦不比酒家遜色 ！還有值得推介是上湯畸時菜浸豬潤，d豬潤爽滑

同朋友原本打算歇腳飲杯凍飲傾吓計，坐低看到隔離枱d小菜被吸引住，侍應好醒目埋嚟介紹，因為仲要返屋企食飯，最後點咗炸子雞同魚卜，真係冇介紹錯，碟炸子雞夠脆夠熱，以非新鮮雞質數算過得去唔鞋無雪味，唯一只是唔夠入味要點淮鹽，煲魚卜熱辣辣都夠爽有趙頭，d侍應好nice架，會埋嚟問啱唔啱食……最後個結局就係……打電話返屋企叫唔駛留飯囉

My brother's birthday與之慶祝‘雜果冰&沙爹牛肉脆皮包,脆皮包果真脆皮~~!!爆脆~~包是值得推薦,可惜.............沙爹牛肉咸了點雜果冰 雜果雖多,但整杯對我而言太甜了 3是曰晚餐:忌廉湯+沙律+碟頭黑椒牛柳跟飯+熱飲很多很多的湯&飯......$81,2個人的生日餐,補救暑期生日的寒酸可惜服務&衛生欠佳服務員似地盤工人,大呼大喝地下少掃,食物周地見,食物碟有漬,枱又油油地....= ="不過百元有找的茶餐廳,始終香港人的回憶

六年前前前前, 當熊夫妻及三隻小熊還住在小西灣時, 此茶餐廳倒是我們一家包括老爺、奶奶及姑仔的喜慶常店, 酒樓那些地點是等待辦超級喜慶事才會到。

當時潮州苑所賣食品的價位在茶餐廳來說已算高, 我記得沙士期間, 好多店鋪十零廾蚊, 頂多三十蚊樓下已經可以攪掂一餐, 但潮州苑嘅日式套餐或扒餐已經去到四、五十蚊, 喂~ 屋邨商埸嗰時未有領匯呀到2012年4月上旬的早晨, 熊夫妻再次踏入潮州苑, 噢~ 裝修了, 多了個神祕corner位(要人多才開放, 難道是VIP corner??)早餐依舊有百搭餐, 現價$25, 送咖啡或茶(凍飲加$3), 另加$9可選購粉麵或麥皮雞扒拼雞絲奄列, 另跟餐包；雞扒炸到皮脆, 味道普通啦~似乎是雞粒奄列, 帶些蛋黃汁, 雞粒當然是有點「鬆肉粉」過餐飲奶茶及好立克, 熊媽飲好立克, 慶幸潮州苑開得夠濃, 唔似其他茶記咁水稀稀, 無味道價錢在現今來說已叫做適中, 我反而見到午餐都是三、四十元, 市價啦~

呢間茶餐廳係小西灣都算歷史悠久，由以前開係商場地下到搬左上黎都有十幾年，最近裝修完仲乾淨企理左。

食物質素方面唔可以話好標青，不過由細食到大都叫做有水準，而且勝在食物款式都算多，尤其是下午茶時間。

通常小弟黎呢度食野叫得最多既係豬扒，今次就試左個煎豬扒豉油撈公仔麵。

豬扒一向厚度適中，肉質鬆軟，最緊要係咬落唔會韌，公仔麵唔乾身又夠彈牙，撈埋豉油汁食又係一絕。

份量都幾夠，水準更加係喜出望外，而侍應態度就一向都麻麻，見你食完唔會問你一句「仲要唔要？」，就直接收晒野。

不過茶餐廳始終係茶餐廳，食物質素點都緊要過服務態度既，一句講晒：「好食就得啦。

」

潮州苑餐廳餐單提供港式, 茶餐廳, 冰室等推介美食位於柴灣區，餐廳座位數50人均消費約$50以下，結賬可以用現金。

您對於柴灣餐廳「潮州苑餐廳」有何 comment？

潮州苑餐廳餐廳詳細資料：

• 潮州苑餐廳地址:
  柴灣小西灣道10號小西灣廣場3樓302舖
  Chiu Chow Yuen Restaurant, Shop302,3rd Floor, Siu Sai Wan Shopping Plaza,10 Siu Sai Wan Road, Chai Wan
• 潮州苑餐廳電話:  
• 潮州苑餐廳價錢: $50以下
• 分類: 港式, 茶餐廳, 冰室
• 座位: 50
• 付款: 現金
• FB專頁: 潮州苑餐廳 Facebook

更多潮州苑餐廳相關資料:

• 潮州苑餐廳分店
• Youtube
• Facebook
• Twitter
• Google