手作功夫茶 (富怡花園) 柴灣

手作功夫茶 (富怡花園) 評價 相片

手作功夫茶係各區都開左好多分店 近排更加愈開愈多 係小西灣都進駐埋 同附近2間係正隔離🤣 作為茶飲迷 點會唔試下最近愛上飲四季春 就叫左芝士奶蓋四季春（$27）大概因為放學時間 都好多人排隊買 叫完等左大概15分鐘先有照舊叫左走冰同微糖 。

首先芝士奶蓋方面 ，奶蓋味比較淡， 不過幾「潔」 同厚，芝士味唔夠突出， 茶方面，雖然已經叫左微糖 ，但飲落都係好甜，唔知係因為本身四季春既味就係咁甜定點 飲落其實似蜜糖水多過茶。

下次應該要試下走糖先得😅

小西灣又多間手搖選擇啦！9月中，初初營業時有買過一次，但可能因為岩岩開張有點混亂。

到而家開左成兩個多月了，可能有時午市或旁晚人流會較多，需要先叫定外賣自取較方便，避免企係度等太耐，而且店舖亦冇多餘既空間。

本人偏愛果茶類，所以見到熱門推介柚香晶球綠茶。

之前飲過微糖，今次黎杯無糖都一樣好飲。

晶球有點似寒天既珍珠，有少少咬口，夾雜西柚少少果肉，都幾清新。

通常飲一杯都好飽了。

通常會用openrice外賣自取功能，都幾放便。

但有時叫完去拎都要等一等。

另外，都有朋友讚佢地嘅奶蓋係真材實料，並不是奶粉打出黎，同小西灣其他手搖店比較，功夫茶絕對較出色。

今日天氣都幾涼，想暖吓身，周圍睇吓有冇暖胃飲品可以買。

今晚比我見到手作功夫茶，一開頭仲以為係賣功夫茶，原來佢係想講做好手作茶要一套好功夫！難得喺一間台式手搖飲品店見到姜汁鮮奶咁養生嘅選擇，價錢都OK。

我嗌咗少甜，熱飲。

不過店面人手唔夠，得五六個客人都要等好耐，等咗大約20分鐘。

端出嚟嘅姜汁鮮奶暖笠笠，拎住都舒服曬，仲好好飲𠻹。

味道同服務態度都好好嘅，不過係等得耐同埋杯嘢飲裝唔滿，不過喺小西灣可以買到奶茶真係幾幸福！

小西呢個咁蚊型的社區，真係想食乜就冇乜，之前茶飲店都飲到悶，而且味道越來越難飲😫最近終於開咗一間新茶飲店，仲要係呢間！！早前去朋友屋企試過呢間D飲品，整體算唔錯，宜家小西開埋，實在太美好，重點係2330仲開檔！😍😍😍芝士奶蓋四季春 $27芝士口感綿密有質感，唔會太稀或太鹹，四季春茶夠清新，飲得到青茶嘅清幽茶感，解渴之餘入口順滑，呢個價錢仲係大杯，無得輸。

翡翠檸檬綠茶 $25有日諗住要清新解渴飲品，所以比個機會翡翠檸檬綠茶，知道檸檬酸起上來都唔惹少，所以特別叫少甜，最後發現少甜都搞唔掂，澀到阿媽都唔認得🤣好啦，我放棄，呢杯比例有點錯，飲唔到茶的味道，可能唔應該調甜度🥶

手作功夫茶 (富怡花園)餐單提供台灣菜, 台式飲品等推介美食位於柴灣區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 55440595 查詢。

您對於柴灣餐廳「手作功夫茶 (富怡花園)」有何 comment？

手作功夫茶 (富怡花園)餐廳詳細資料：

• 手作功夫茶 (富怡花園)地址:
  柴灣小西灣小西灣道23號富怡花園地下10號舖
  Kung Fu Tea (Cheerful Garden), Shop10, G/ F, Cheerful Garden,23 Siu Sai Wan Road, Siu Sai Wan, Chai Wan
• 手作功夫茶 (富怡花園)電話: 55440595
• 手作功夫茶 (富怡花園)價錢: $50以下
• 分類: 台灣菜, 台式飲品
• 座位: 未知
• 付款: AlipayHK,支付寶,現金
• FB專頁: 手作功夫茶 (富怡花園) Facebook

更多手作功夫茶 (富怡花園)相關資料:

• 手作功夫茶 (富怡花園)分店
• Youtube
• Facebook
• Twitter
• Google