太興 柴灣

太興 評價 相片

早2日放假因為探朋友所以去咗柴灣，個friend 話佢去開太興食早餐，咁咪去下囉。

頂級午餐肉滑蛋公仔麵。

午餐肉望落去冇乜特別，但咬了一啖發覺吾會好咸，蛋煮到半生熟，加多2條菜，感覺上最少覺得唔係食緊垃圾。

雞扒滑蛋公仔麵。

蛋同頭先一樣係滑嘅，雞扒煎過而且冇雪藏味道，收貨。

味道正正常常，可以試吓！

今天因工作一直到下午才有空吃東西，便在附近一間太興吃下午茶。

太興一向出名的莫過於冰鎮飲品，所以點了大都牛肉麵和凍奶茶。

大都牛肉麵的湯底超濃郁，使麵可吸滿了牛肉湯味，所以連麵都十分味美。

牛輾煮食十分軟滑而且分量也不少。

正如之前所講，冰鎮凍奶奶飲到最後一也十分濃味。

值得推薦。

以前太興好似係做燒味做到出名，開到成街都係。

但近年去，發現佢慢慢轉移重點，反而做晚餐小菜同下午茶抵食套餐多，亦更多人揀。

可惜今日就唔到時間食佢個抵食tea set，唯有比順啲啲食啲lunch sets。

我中意佢地個台南肉燥煎蛋飯。

除左今日隻蛋煮得滯，冇左流心外，個肉燥飯其實好好食。

肉燥份量好多，雖然好油，但正正係啲豬油夠多先令成個飯夠哂香。

飯亦煲得靚，唔過乾或過濕，份量亦唔少，我食唔哂。

餐飲我推介熱奶茶or熱柚子蜜，我基本淨係會叫呢兩款，夠哂香濃，正。

今日係極東面既柴灣工業區開完個會到中午，行下行下...原來呢度就係小西灣... 正當諗住搵咩食野時候，係富欣花園有間太興喎...咁真係唔好意思啦，唔駛諗咁多...^^ 無計啦，一個人搵野食唔駛用腦，既然有食開既飯堂，當然都係例牌啦... 係呢個飯市時間，比較起市區呢度都算清靜，又唔駛等可以即刻入去坐，坐定定諗都唔諗就梗係例記咖哩牛腩飯啦，等左1x分鐘後~~ 上枱啦~ 上枱啦~ 呢間既咖哩牛腩飯質素都係依然好好食，椰香加上咖哩，唔太辣又香濃惹味，佢既牛腩真係好鬼嫩滑又大舊，唔好好碎，牛筋淋淋地，兩者比例相若，唔會覺得大細超既， 最後加埋呢杯大大杯既凍檸水，酸甜適中，真係每次食完呢個飯之後，都好大滿足且充滿力量添，而且價錢又合理，依家好食既連鎖店真係唔係好多~ 埋單$61蚊，環境唔錯，服務唔錯，加分~

之前去過其他分店，食物質素較差，一直都冇再幫襯，不過呢間係屋企附近成日見到好多人排隊😯，今日膽粗粗去試下🍴7點前去到人唔多，2個人都可以坐4人的卡位，環境舒服一行2人叫了兩個小菜同一個燉湯上枱個陣個煲仲係“查”“查”聲，熱辣辣粉絲炒得乾身，有少少辣辣地，入邊有雜錦海鮮(魚肉, 鮮魷, 蝦, 蜆, 蟹子)，味道濃郁😋，粉絲吸哂味所以伴飯係一流仲叫了另一款小菜馬友蒸肉餅(p.s掛住食所以忘記了影相😂)肉餅蒸得香滑嫩滑，而且有馬蹄會食落爽口，配埋咸香的馬友(咸魚)，👍送飯一流呢個燉湯一飲就覺得好香同濃郁，杏香馥郁，又冇乜味精😋十分養顏潤肺，而且十分足料，有好多湯料，一盅有成4碗總括黎講: 食物質素中上，環境舒服，服務不錯，連鎖店食中式晚飯的好選擇👍餐牌👇👇🍳🍴味道: 7.5/10👩👨服務: 7/10🏠💺環境: 7/10💰💸抵食: 7.5/10總消費: $173 (2人)

太興餐單提供港式, 燒臘, 茶餐廳, 冰室, 咪嘥嘢食店, 少鹽少糖食店等推介美食位於柴灣區，餐廳座位數80人均消費約$51-100，結賬可以用AlipayHK,支付寶,現金,八達通，Booking訂位可以電話致電 28898933 查詢。

您對於柴灣餐廳「太興」有何 comment？

太興餐廳詳細資料：

• 太興地址:
  柴灣小西灣道9號富欣花園地下8號舖
  Tai Hing, Shop8, G/ F, Harmony Garden,9 Siu Sai Wan Road, Chai Wan
• 太興電話: 28898933
• 太興價錢: $51-100
• 分類: 港式, 燒臘, 茶餐廳, 冰室, 咪嘥嘢食店, 少鹽少糖食店
• 座位: 80
• 付款: AlipayHK,支付寶,現金,八達通
• FB專頁: 太興 Facebook

更多太興相關資料:

• 太興分店
• Youtube
• Facebook
• Twitter
• Google