卡賽爾食店 柴灣

卡賽爾食店 評價 相片

第二次黎食，估唔到原來小西都有pizza食，今次點了辣肉腸pizza，好好味，焗到啱啱好，金黃色邊，夠脆，芝士又夠多，本人唔太愛好香腸，但都覺得d辣肉腸好好食，幾大片，而且仲冇pizza hut既薄餅咁漏添，都只係$60，好抵，夠3個人食。

另外點了雞扒扭紋意粉，外面好少有扭紋意粉，真係好好咪，夠彈呀，正！上次食既白汁鴨胸肉意粉都好讚。

因為我係附近住,所以都買過多次,次次都係買番去同屋企人一齊食!同pizza hut 俾,當然會較次級,但$$平pizza hut一倍,味道都ok!萛抵食!$60多元有個pizza,萛係咁la~~~pizza hut要$120左右,所以睇你想食好野or食佢價錢扺la~~~~~~~~~~~~

有時在一些小店吃，往往比烏煙瘴氣的茶記或集團式快餐店好好多，見幾耐無來了，今晚一個人來吃。

可能凍凍的，又已經九時許，沒有客人，老闆都在看電視。

要了雞扒雞肉腸意粉，加杯熱咖啡。

雖是小店，但食物賣相都不差，可惜汁是多了一點，忘記了叫「扣汁」，失敗。

雞扒是這裡其中一味喜歡的食物，是用蜜汁醃的，甜美又好味道，在煎的時候已撕去了雞皮，夠細心亦沒有那麼肥膩，一讚；雞肉腸偏腍身，加兩隻熱熱脆脆的咖哩角，幾豐富的；意粉有咬口，配上蕃茄汁亦好味道，份量不多不少，對於我來說，剛好。

咖啡不過不失，埋單36蚊，都叫吃得滿意，以這一區的小店來說，是高一班的了。

呢間係聽人介紹，唔係都未必搵到，事關門面唔起眼，位置又比較隱蔽，不過食過又幾好，味道絕對唔同一般快餐店。

我食過兩次意粉餐，分別係香草汁鴨胸意粉，另一次係貝波爾斯汁雞扒德國腸螺絲粉，都係三十幾蚊連飲品。

講下意粉同螺絲粉，係用水淥熟，不過上碟時唔會成碟水，可能係晾乾水份先上碟，呢點做得唔錯。

至於汁方面，香草汁同貝波爾斯汁都好特別，一般本地餐廳食唔到，貝波爾斯有介辣味好香口，反而磨菇汁就有少少似罐頭湯。

到配料，鴨胸算是普通，不過以為最普通的雞扒就幾特別，雞扒有燒烤味，呢種味有點似N年前在菲律賓食烤雞的味，而且見佢整雞扒時仲好好心機拆去雞皮，可見得整得幾用心。

另外，呢度有pizza（大批60　細批50），款式比普通，配料唔似必ｘ客咁多到一行寫唔晒，而批本身較貼近外國口味，唔係麵包式批底。

要注意的事情，就係呢度好似快餐店仔，全場得810個位，唔好諗住坐得舒舒服服，門口對正巴士站，有新巴埋站迫力聲聽！另外呢度星期一休息（張menu紙寫住），而佢亦有準備時間，好似有次星期六我6:00pm去到佢地仲準備緊，等到6:30先入得去。

此外，此店食物賣晒就冇。

1月24日13:50AL第二天，在這裡來個午餐，要了農夫餐肉、吉列魚柳蘑菇汁意粉，配齋啡。

上檯時見份量不少，恐怕會浪費。

蘑菇汁意粉：，我先將蘑菇汁混和意粉，蘑菇汁好鮮味，有菇的鮮甜味，應用鮮忌念煮，非常出色。

意粉亦不俗，軟硬適中。

農夫餐肉：微煎過，內含蘑菇，口感和食味不錯。

吉列魚柳：我是先吃掉餐肉和一半意粉，才開始吃魚柳，砌開那大件的魚柳，煙和香味一湧而上，入口外皮香脆，魚肉仍熱和香滑。

齋啡：唯一敗筆的一項，用紙杯上，亦不是即磨，感覺和香味都大打折扣。

題外話：臨走和店主閒談，原來他們是從德國中部回流，感覺他們幾有性格。

卡賽爾食店餐單提供西式, 小食店等推介美食位於柴灣區，餐廳座位數未知人均消費約$50以下，結賬可以用現金。

您對於柴灣餐廳「卡賽爾食店」有何 comment？

卡賽爾食店餐廳詳細資料：

• 卡賽爾食店地址:
  柴灣小西灣富景花園商場1號舖地下
  Kassel Cafe, Shop1, G/ F., Fullview Garden Sopping Centre, Siu Sai Wan, Chai Wan
• 卡賽爾食店電話:  
• 卡賽爾食店價錢: $50以下
• 分類: 西式, 小食店
• 座位: 未知
• 付款: 現金
• FB專頁: 卡賽爾食店 Facebook

更多卡賽爾食店相關資料:

• 卡賽爾食店分店
• Youtube
• Facebook
• Twitter
• Google