采悅軒 東涌

采悅軒 評價 相片

過年前相約了美女C到去年12月才正式開幕的Sheraton Hong Kong Tung Chung Hotel吃了一頓超豐富的團年午餐，住了20多年可以感動地答大家東涌終於有好西吃了！是日雖然貴人出門招風雨但也冇損興緻！皆因對於乘的士到達的我來說非常便利那管它天跌下來！而我們這天決定到集時尚典雅於一身的采悅軒嘆新派粵菜，到達餐廳門口看見那中式屏風、大紅燈籠、年桔和桃花，在此終於感受到今年最強烈的新年氣氛！步進采悅軒才發現內裡别有一番風味！牆上掛有清代畫家徐揚的名作*姑蘇繁華圖*顯出蘇州城內的繁華盛況，客人更可邊吃著美食邊感受那濃濃的文化氣息！這天我們幸運地被安座於海景前的位置品嚐豐富的團年午餐，令這頓團年飯徒添不少美意耶！安座後一邊品嚐著美味的胎菊，一面期待著行政總廚鍾志強師傅精心炮製的美饌！說時遲那時快美男服務員即時為我們送上第一道賀年點心*大吉大利*。

相信大家也吃過無數的蝦餃但這個是柚子蝦餃＄69，以橙汁弄澄皮內餡加入了清香的柚子的蝦餃還是第一次品嚐！除了有蝦餃本身的鮮味外還添加了幽幽的果香，成件事也給我一個很Refresh的感覺最重要是那果香並沒有蓋過蝦的鮮味真的十分讚喔！然後到這個賣相超美的天鵝酥＄90，在朦朧細雨中為它拍下這幀寫真份外有Feel！天鵝酥擁有香滑的芋泥另外內餡藏有不少菜粒和菌粒，芋泥跟餡料的份量配合得恰到好處一件吃下也沒有膩感！最後一款點心是春風得意腸粉＄68，這款腸粉我吃過無數次但這兒的我很喜歡，首先腸粉是爽滑不黏牙的而內裏是酥脆的蘿蔔春卷吃下口感又滑又脆，味道在清甜與惹味之間遊走令味蕾十分享受。

吃過三款精彩的點心後來一碗熱騰騰的老火湯這天是西洋菜陳腎湯＄108，老火湯挺足料喝下味道鹹鮮香甜一不小心喝了大半盅呢！但我應該要留肚吃之後的賀年菜喔！率先來一客前菜打開美味的康莊之道！這客燈影藕片＄98用上本地蜂場出產的蜂蜜來炮製，除了蜂蜜外大廚更巧妙地加入了少許麻辣味道令成件事充滿新鮮感！吃下味道在甜蜜與刺激之間十分引人入勝。

接下來是我很喜歡的賀年菜式蜜餞金蠔＄398，它有個好意頭的名字叫*好市大利*！肥美飽滿的金蠔被蜜糖緊緊的擁抱著那份甜蜜溫馨的感覺已教人心動！吃下先甜美後甘香的滋味總教我死心塌地的愛它！好友喜歡吃牛肉於是點了一份以本地蜂蜜炮製的蜂蜜炆牛肉＄128，可惜我跟牛肉無緣看見她吃得滿足的樣子便知道有多好味道了！唔得我一定要捉車爸爸來試試才行！之後我們還點了最後一份賀年菜*金雞報喜*南乳吊燒雞＄295/半隻，平常吃南乳吊燒雞大多會好鹹！但鍾師傅這隻弄得皮脆肉嫩帶有幽幽的南乳香氣之餘而不失雞味，弄得我忍不住吃了多件才肯收口呢！

2021年第一次出街食野。

加上今日同老公兩週年紀念日和我生日。

夜晚無晚市，又唔想去咁多人的地方。

唯有在係附近搵間餐廳食野啦！環境：環境不錯，話曬都係新開，所有嘢都好靚好新好乾淨！部分臺可以見到海景。

不錯的。

啊！正啊！因疫情，我們包場了。

食物：係open rice見到d點心幾靚，以為得個樣，點知味道都好出色。

特別係個柚子蝦餃，味道好清新。

服務：店長和waiter都好nice，會為我們介紹點心的食材和味道。

會了解客人口味和反饋。

性價比：價錢不算貴也不算平，但這樣的質素覺得都低的。

整體很好，滿足！☺️☺️☺️☺️

趁住紅日假期同家人黎呢間新開既喜來登酒店飲茶，係東薈城穿過個公園就見到酒店，呢排啲天氣涼涼地咁散步都唔錯Book左檯見未夠鐘就參觀下酒店，原來酒店外圍仲有個小商場，有幾間特色餐廳準備開，遲啲黎試下先。

仲有間印度超市，好特別呀哈哈上到2樓就係采悅軒，生意幾好wo見6，7成檯都坐左人。

今日我同家人共4位所以要分兩張檯坐 不過安排到啲sofa位，都算近同埋坐得好舒服。

見到menu有啲小食同點心假日先有，就嗌黎試下啦。

叉燒包同牛肉球味道正常，夠熱。

軟殻蟹同椒鹽鮮魷剛剛炸起好香口 好好味啊。

侍應都好細心問我地啲野食需唔需要分2碟。

服務都唔錯埋單時侍應問我地係咪住附近，原來東涌居民有散點野食8折優惠，只要show到張住戶證就得。

希望呢個優惠長做啦，可以黎多啲試埋其他點心

聖誕節同4個同事去食飯慶祝，就搵咗位於東涌嘅新酒店個中菜試新嘢.我哋係揸車去，直接泊落去停車場.打算根據停車場內嘅指示，搭升降機上去，點知上到去係兩層仲裝修緊嘅商場，估計係因為酒店位置比較隔涉，所以附設便利店等設施. 搵咗5分鐘都未搵到個酒店嘅連接位.....(當我哋離開嘅時候,在停車場都能看到酒店升降機的指示,原來係因為指示太細被大柱遮住，真係好難發現，如果睇到酒店升降機指示便可以直達， 少行了冤枉路）係搵咗幾個門口之後，終於搵到上中菜廳嘅𨋢. 上到去中菜聽嗰層，一出𨋢見到中菜廳方向，竟然係指示左右嘅方向？！不幸地我哋行咗去左邊一個錯嘅方向，跟住又用咗啲時間，先搵到正確嘅右邊方向才是中菜廳. 真係幾經辛苦先去到. 同餐廳反映問題，回應係已收到好多客人意見, 他們已在跟進中. （餐廳係1/12 開幕，已經20天還沒有跟進，實在有點失望）餐廳內部係富現代感嘅裝修，充滿日光，但可能因為還是地盤，玻璃上全都朦了一層😅 點心多選擇，點了比較有期待的‘天鵝酥’，‘星斑菜苗餃’味道中上，有熱度。

主食方便點了‘榆耳黃耳紅燒豆腐’，喜歡豆腐滑有豆香。

最後點了‘濃蝦湯海鮮泡稻庭烏冬‘，可能因為分菜需時，個湯上枱時已經無熱度.... 但味道係濃郁，仲有大量蝦肉，烏冬係上枱時先加湯，能夠保持彈性.但最美中不足昰，估計因為樓上還在裝修中，驚動了火警鐘，又有廣播，大概維持了5分鐘。

過咗一陣之後，竟然在午飯的時間樓上傳來電鑽的聲音，又是斷斷續續的15分鐘。

因為限聚的關係，4人已經需要分開兩張枱，再加上噪音，令到整個感覺很差.總體整個用餐經歷，員工服務及食物是酒店級中上水平，但酒店的硬件還需要大大改善，畢竟是Marriott 在東涌的第一間酒店，會令人有所期望.

長途跋涉嘅中菜廳實試， 位於東涌新酒店喜來登內嘅采悅軒! 東涌區內要搵有返咁上下質素嘅中菜廳其實屈指可數一聽聞12月1嘅開業嘅采悅軒, 就立即炸炸臨book返張枱試一試佢🥢🥢一入到去就係一個長方形嘅大廳, 設計顏色燈光並唔係傳統嘅裝修, 取而代之嘅就係比較modern嘅配搭👍🏼天氣轉凍左, 炸炸臨開壺茶暖一暖身先😌最近大時大節食多左好多野, 開壺五年普洱清一清個身心先🤣 入口滑身, 唔錯唔錯先黎一個點心拼盤 🥢🥢好多時候大家見到一d形狀特別, 顏色鮮豔嘅點心, 都會以為好睇唔好食, 我開頭都以為係🤔🤔 紅菜頭上素餃 外皮薄入口軟滑, 入面各類蔬菜嘅口感甜味配搭十分之好👍🏼黑蒜野菌餃 呢個都係素餃但比起上一個濃味, 口感亦有唔同!柚子蝦餃 外型十分精緻可愛, 外皮嘅橙色係用上橙汁去做成, 一入口係清新嘅柚子味, 緊隨其後嘅就係爽彈鮮蝦嘅鮮味🦐🦐胭脂蝦餃 係正常嘅一隻蝦餃, 不過蝦餃皮就用上紅菜頭🧐 我就配左佢地嘅XO醬黎食, 配搭好唔錯💪🏽星斑菜苗餃 食呢粒野, 我強力建議要一啖食落去先可以一次過享受晒成粒點心嘅味道同埋口感🥢🥢 味道調味啱啱好, 唔會太濃蓋過左魚嘅鮮味, 菜嘅口感甜味令到粒點心昇華左🤤今日嘅五款點心完完全全推翻左我上面所講嘅疑慮😎😌再黎就係兩款炸物🍤蒜香鮮蝦春卷 比較普通同埋無咩特別嘅一款, 但係春卷皮都係薄同脆嘅天鵝火鴨酥 外層芋頭蓉炸得入口鬆化, 另外入面配左濕潤嘅火鴨同埋菇, 十分好食!招牌妙齡鴿 經介紹後係採用左22日嘅乳鴿, 用左秘製醬汁醃左, 淮鹽同喼汁都唔洗, 好夠味好juicy! 但係我覺得就油左少少, 如果解決左呢個問題就prefect喇是日例湯 "西洋菜陳腎煲生魚" 夠味好飲! 冬天飲完又潤又暖笠笠😛食下食下又到左主菜時間喇🕺🏼🕺🏼回味鴨肝牛柳粒 配 瑤柱蛋白蟹肉炒飯 牛柳粒夠腍身, 有咬口配左鴨肝粒同埋菇粒, 成道菜就夠晒惹味🤤🤤 炒飯夠乾身, 粒粒原整分明, 瑤柱/蟹肉/薑嘅比例剛好👍🏼最後到甜品環節, 全部都唔係好甜, 十分之啱口味!! 三款甜品分別係芝麻卷, 流心煎堆仔, 同埋楊枝甘露🥢下次再黎就要試下佢其他小菜同燒味👍🏼👍🏼👍🏼

采悅軒餐單提供粵菜, 廣東, 海鮮, 甜品, 糖水, 點心, 中菜館, 酒店餐廳等推介美食位於東涌區，餐廳座位數148人均消費約$201-400，結賬可以用Visa,Master,AlipayHK,支付寶,現金,AE,銀聯,JCB,Apple,Pay,微信支付，Booking訂位可以電話致電 25350028 查詢。

您對於東涌餐廳「采悅軒」有何 comment？

采悅軒餐廳詳細資料：

• 采悅軒地址:
  東涌怡東路9號香港東涌世茂喜來登酒店2樓
  Yue, 2/ F, Sheraton Hong Kong Tung Chung,9 Yi Tung Road, Tung Chung
• 采悅軒電話: 25350028
• 采悅軒價錢: $201-400
• 分類: 粵菜, 廣東, 海鮮, 甜品, 糖水, 點心, 中菜館, 酒店餐廳
• 座位: 148
• 付款: Visa,Master,AlipayHK,支付寶,現金,AE,銀聯,JCB,Apple,Pay,微信支付
• FB專頁: 采悅軒 Facebook

更多采悅軒相關資料:

• 采悅軒分店
• Youtube
• Facebook
• Twitter
• Google