豆屋 東涌

豆屋 評價 相片

香港坊間的零食主要都魚蛋、釀三寶、碗仔翅之類，豆屋就沒有這些，反而有炸薯條、芝士波等等，價錢要十多元到廿多元就有一大碗，價錢比一般零食貴，可是份量較多，味道也不錯，由落order到有得食往往要比較耐的時間，應該是即叫即做，例如今次的芝士波士波就等了一會，可是熱辣辣香噴噴，中間的芝士在熱熱溶之間，很美味，薯條卻是比較乾身，芥末沙律醬沒有芥未味，相比起其他的薯條店就算是不過不失，飲品是一般的台式飲品味道，筆者較喜歡的是這裏的魚肉磨菇，魚肉和磨菇的比例剛剛，雖然是炸的但不重油膩味，魚肉似是鮮打的，這是坊間沒有的小食，如果有機會可以一試。

http://icuteee.mysinablog.com/index.php?op=ViewArticle&articleId=2614890

我就住係東涌，佢啱啱開個時我就買左一杯珍珠奶茶黎試，我覺得太甜就無再四野，後來我見佢越出越多花款仲有午市套餐咪去買黎食囉。

佢由中午12:00開到2:30P.M.我就係過左12:00A.M.先買，要左一杯水桃綠茶，OK~幾清幾好飲 ; 加多一個雞軟骨，呢個幾好食可以再買。

到左前日我去買個到D酸辣粉，芝士波同口水雞翼。

先講個酸辣粉，可能我係食得辣嘅人，所以我覺得呢個酸辣粉唔夠酸辣，不過都算唔錯。

我本身係一個好鍾意食芝士波嘅，我覺得呢個唔錯可以一試。

口水雞翼我就唔係好鍾意啦，我個日等左好耐D野食同D飲品先齊，間野又唔夠人手，個服務生忙到連錢都唔記得找俾我=.=點之個口水雞翼係凍嘅，D肉又實又唔夠辣，係有小小麻嘅感覺，我就覺得一般。

可能唔係好食得嘅朋友可以試下。

其實e間野開左都一段時間啦!!不過openrice 未見佢影之ma,,, 菊花雪梨蜜好好飲!唔係糖水甜,,,清清菊花味!如果有埋,,,,, 口水雞亦佢同d 甜飲好match! 因為甜可以解辣! 佢開係去mk既bus shop 附近,,,次次出mk 前必買!

今年中秋節剛好係星期六，去咗東涌逸東村探朋友，第一次去，一落巴士就見到一間好有時代感嘅台式飲料外賣店。

出名鐘意食嘅我當然第一時間走去睇吓有咩o野賣。

原來除咗飲品，仲有好多小食。

我買咗我至愛嘅冬瓜茶比自己，薄荷珍珠奶茶比我朋友。

又買咗好多小食，有口水雞翼，炸芝士波，麻辣豬耳，麻辣腎片，麻辣大腸，炸麻糬， 炸薯角x2 同鹽酥雞。

不身不太吃辣的我，原本麻辣小食是買給朋友吃的，朋友叫我試一點點，那種辣是慢慢的麻辣起來，但是越麻辣越想多吃一點~炸薯角是我很喜歡的小食，自從澳洲會香港後也沒有吃過好吃的炸薯角，試了很多餐廳，貴的平的也有，大多數把薯角炸得太乾。

豆屋的炸薯角炸得剛剛好，外脆內軟，而且配炸薯角有3種醬可以選擇。

因為買了兩份，老闆很好人比哂3種醬我(我要求的^^)。

超喜歡雞蛋醬，因為好像蛋沙律，好好味~ 日式芥末醬也很好，好清，好特別，有wasabi嘅味，但係唔攻鼻~ 最後係朋友鐘意嘅番茄醬，裡面有洋蔥，酸酸甜甜，好新鮮，個味有啲似食墨西哥nachos個sauce~

因為國慶假期入了東涌探朋友, 行經逸東村發現開了一間台式飲品專賣店. 鋪面設計時尚, 飲品及食品有相當多選擇. 我和友人買了一杯珍珠奶茶, 一杯青蘋果綠茶加芒果幸運星. 珍珠奶茶茶味香濃, 珍珠亦夠QQ. 至於青蘋果綠茶加芒果幸運星, 甜味適中, 幸運星應是椰果類, 飲落十分之透心涼. 另外我們買了炸薯角, 麻辣大腸, 麻辣耳斗. 炸薯角有3種醬汁選擇 : 芥末沙律醬, 田園鮮茄醬及雞蛋沙律醬. 我們選了田園鮮茄醬, 鮮茄醬內加了新鮮蕃茄及洋蔥, 味道清新值得一贊. 麻辣食品亦很有四川風味, 那個耳斗切得很幼細, 一望就知下了不少功夫.你會發現此店之出品十分之有心思, 水準比市區有名的台式飲品店更高. 據店長說所有原材料均由台灣直接入口, 所以品質有一定保証. 實在有太多食品未能一次過品嘗, 所以我下次假期一定會再去.........

豆屋餐單提供川菜, 四川, 台灣菜, 台式飲品, 外賣店等推介美食位於東涌區，餐廳座位數未知人均消費約$50以下，結賬可以用現金。

您對於東涌餐廳「豆屋」有何 comment？

豆屋餐廳詳細資料：

• 豆屋地址:
  東涌逸東村逸東商場35號地舖
  Bean House, Shop35, G/ F, Yat Tung Shopping Centre, Yat Tung Estate, Tung Chung
• 豆屋電話:  
• 豆屋價錢: $50以下
• 分類: 川菜, 四川, 台灣菜, 台式飲品, 外賣店
• 座位: 未知
• 付款: 現金
• FB專頁: 豆屋 Facebook

更多豆屋相關資料:

• 豆屋分店
• Youtube
• Facebook
• Twitter
• Google