Relaxing Tea House 杏花邨

Relaxing Tea House 評價 相片

第一次吃煙三文魚卷。

薄薄的卷皮包著煙三文魚和素菜，配上奶油，看出了心思，卻有點咸。

相對而言，菠菜麵變得非常淡，味道因此扣了分。

悠閒的一個星期六，難得的是沒有任何公事或私務在身，而太座亦難得整天空閒，可以什麼也不用想，四處行行逛逛，很寫意。

去了杏花新城食午飯，都想吃西餐，捨棄了南歐廚房而選這裡，唯一的原因是太座想飲花茶。

這裡地方雖然在路旁，但裝修得都算不錯，餐具亦精緻，相信亦是太座選這裡的原因之一，唯一不好的地方，如另一間食肆嚐越一樣，就係坐落比較熱。

太座要了香蒜辣腸炒意粉，而我就是羊肉比得包。

先來的菜湯，幾足料，味道都不錯，配熱辣辣的蒜蓉法包，不錯；主菜先後上場，太座的意粉炒得幾夠味，蒜頭及辣腸的味道幾好，如果不嫌略油的話，是不錯的。

我的比得包賣相不錯，但食落就唔係太得。

包薄薄的，凍且硬。

羊肉粒是意想不到的韌，餐刀切不開，亦咬不入，結果吃不了一半要放棄，唯有轉吃配上撈了油醋汁的沙律及伴碟的幾片生果。

飲品太座要了一壺玫瑰果花茶，我就是以薄荷、檸檬葉及菠蘿汁打成的沙冰。

雖然我不懂欣賞，但似乎太座幾滿意她的玫瑰果花茶。

我的沙冰不太好味，不過都算幾清新，如果可以再揀過，我會飲杯熱咖啡就算。

侍應服務不錯，主動推介食物，態度好，一讚。

埋單一百三十蚊有找，不算很貴，但食物還有進步的空間，下次再來這商場會去南歐房間的了。

上星期同朋友去杏花村食晚飯,見到呢度都有relaxing tea & house, 上次去過銅鑼灣果間,覺得ok,今次想試呢間.我同朋友一人叫0左一個set dinner,一個係牛油果海鮮飯,另一個係蜜桃豬扒. order 完之後個waitress問我要咩湯,佢話有3款湯,我覺得好出奇,因為上次0係銅鑼灣,我問佢有咩湯,佢話得一款,我就最鍾意飲湯,有咁多選擇,我好開心呀.我叫0左意大利什菜湯,我朋友叫0左什菌湯,同蒜蓉包一齊上.我朋友碗什菌湯黎到,我覺得好出奇,係灰灰0地色,唔見有什菌,而銅鑼灣果間d什菌湯係白色,有d菇浮面.我試0左一啖,好好味呀,個湯好有菇味,相反銅鑼灣果間就只係食到菇,但個湯冇味.個蒜蓉包就好脆好好味,好足料.到主菜,個牛油海鮮飯好好味,估唔到牛油果可以同海鮮咁夾,以前都只係食過同其他生果一齊煮,而牛油果就好香,又唔會蓋0左d海鮮味,個飯底唔係蛋炒飯,係什菌炒飯,好好味呀.個蜜桃豬扒煎得0岩0岩好,唔靭,甜甜0地,好野味!!最後黎個甜品,係焦糖燉蛋.呢蛋好滑,唔太甜.總括而言,呢間d食物好好味,好有水準,我下次一定會再黎,仲會推介俾朋友.

上次試過銅鑼灣店正，所以今次去杏花新城店幫襯都好有期望，可惜結果有啲失望。

先講環境：地方細咗啲，而且是半開放式，商場人流行嚟行去係幾騷擾。

食物方面，叫兩個set：匈牙利牛肉伴蛋闊麵($58)+檸檬葉花茶(+$3)和博洛尼亞碎牛肉芝士義大利包($41)+玫瑰果花茶(+$3)。

匈牙利牛肉用咗牛腩，幾有咬口，麵亦OK，不過分量少，唔夠飽。

義大利包就好正，面包煙韌，芝士配牛肉做餡係幾夾，不過連加一收四十幾蚊一個包就貴咗啲。

至於花茶，我就鍾意檸檬葉花茶多啲，因為味道和香味都濃啲。

服務方面，啲侍應全部都係後生仔女，有禮貌但係唔夠smart，食完好耐要追先至嚟花茶。

Relaxing Tea House餐單提供西式, 西餐廳, 咖啡店等推介美食位於杏花邨區，餐廳座位數未知人均消費約$101-200，結賬可以用現金。

您對於杏花邨餐廳「Relaxing Tea House」有何 comment？

Relaxing Tea House餐廳詳細資料：

• Relaxing Tea House地址:
  杏花邨盛泰道100號杏花新城G39A舖
  Relaxing Tea House, Shop G39 A, Paradise Mall,100 Shing Tai Road, Heng Fa Chuen
• Relaxing Tea House電話:  
• Relaxing Tea House價錢: $101-200
• 分類: 西式, 西餐廳, 咖啡店
• 座位: 未知
• 付款: 現金
• FB專頁: Relaxing Tea House Facebook

更多Relaxing Tea House相關資料:

• Relaxing Tea House分店
• Youtube
• Facebook
• Twitter
• Google