鳳凰樓海鮮火鍋酒家 旺角

鳳凰樓海鮮火鍋酒家 評價 相片

12月中先同D FD去食過，食完簡直背脊骨落呀﹗其實呢間嘢轉咗好幾手，成日都話要試，不過未有機會，今次機會嚟嘞，就同2個FD一齊去試吓啦﹗順便補祝其中一個人的生日。

我哋去到時只係7點幾，食晚飯時間，一去到叫湯底，等咗差唔多10分鐘都唔嚟，諗住算啦，反正點嘢食都要時間，點知入埋紙叫嘢食後，再加埋三催四請，都仲要等多10分鐘先有湯底上，不過之後又用咗1015分鐘先有嘢食上。

原本以為第一轉會慢D，點知唔係，係每一趟都要等咁耐架﹗而且唔止係我哋張枱等，全世界都响度催。

真係蛇都死咯。

不過更奇怪的係佢哋出的菜，我問極個部長都唔知係咪我寫錯嘢，到底我應該寫「份數」定「件數」，因為無論我寫幾多，所有食物每次嚟時都只係得兩粒/片，好笑到連豬紅、魚旦、雲吞每次都只係得2粒，我哋有3個人都唔知點分好，同個女部長講，佢態度惡劣咁話怕我哋食唔晒，所以每款只係執一D俾我哋，費事要收我哋HK$5/兩咁話。

到我強烈要求要一個數量的食物時，佢就响我哋面前叫個WAITRESS「你數清楚先好俾客呀﹗」，真係火都嚟埋﹗再加上我哋點的好食嘢如鱔片同脆鯇片就一直都唔嚟，要直接同另一個部長講，佢先叫人拎嚟，叫一次就話啫，每次都叫，咁麻煩﹗最後差唔多食完時諗住飲杯茶啫，個女部長話剩係得竹蔗水喎(一去到已經連酸梅湯都無LU)，張單明明有收我哋$10/位茶和$10/位芥，但又唔肯俾杯茶我哋飲喎，都真係未見過呀﹗其實咁既價錢出旺角大把啦﹗人哋食材又好D，服務又好D。

根本唔使嚟呢間﹗好彩以前無嚟渣，真係無下次呀﹗

今日返完學, 10點鐘去到間野打邊爐.入到去, 環境還算乾淨衛生.一坐低, 就俾左幾個特價湯底你擇, 我地擇左個豬骨湯底. 湯底賣相都ok, 奶白色.野食方面, 首選醉翁雞中翼(好香酒味), 肥牛(雪花都幾靚), 同埋d餃都幾好, 不過係d丸類差d. 野飲就有d竹蔗水同d酒.....埋單每位68+湯底18+茶錢=101任食火鍋好似係9:30後開始............

08.5.18 (日) 6個人黎飲茶，完全唔需要等位。

嗌咗 蝦餃x2﹑燒賣x2﹑叉燒飽﹑奶黃飽﹑馬拉盞﹑鳳爪﹑排骨﹑魚雲﹑鮮竹卷﹑金錢肚 & 雞絲炒河解說︰蝦餃...細粒咗D，味道尚可燒賣...都幾大粒，肥肉多咗D叉燒飽﹑馬拉盞﹑鮮竹卷...一般奶黃飽...奶黃太"希"太甜，可以唔食鳳爪﹑排骨﹑魚雲...好味必食 金錢肚...個樣幾靚不過我冇食(因我唔吃牛)雞絲炒河...炒得個樣幾靚，但唔夠咸埋單$289，要 $300 以上才收信用咭下午茶時段全部點心 $9.8，咁下次兩點後黎

鳳凰樓海鮮火鍋酒家餐單提供港式等推介美食位於旺角區，餐廳座位數未知人均消費約$0，結賬可以用現金。

您對於旺角餐廳「鳳凰樓海鮮火鍋酒家」有何 comment？

鳳凰樓海鮮火鍋酒家餐廳詳細資料：

• 鳳凰樓海鮮火鍋酒家地址:
  旺角通菜街
  鳳凰樓海鮮火鍋酒家,  
• 鳳凰樓海鮮火鍋酒家電話:  
• 鳳凰樓海鮮火鍋酒家價錢: $0
• 分類: 港式
• 座位: 未知
• 付款: 現金
• FB專頁: 鳳凰樓海鮮火鍋酒家 Facebook

更多鳳凰樓海鮮火鍋酒家相關資料:

• 鳳凰樓海鮮火鍋酒家分店
• Youtube
• Facebook
• Twitter
• Google