鮮日本創作料理 旺角

鮮日本創作料理 評價 相片

上星期生日同個Lady friend 去試吓依間「毀譽參半」ge日本野。

佢地個entry好難搵，竟然係SaSa 既店內剛入到店聞到有點魚腥味，不過坐耐左之後又唔多覺。

講吓d食物先:三文魚刺身半磅 半磅只o係$28! 唔o係綽頭來的! 可惜用料「將貨就價」，又切得太細件，大家唔好有咩期望。

三文腩刺身 始終一分$一分貨，想食三文魚刺身order依個好了，ok ge。

鰻魚pizza Lf 話要食鰻魚，所以點左依個。

做得同和同民ge差唔多，但仲多料! 抵食好食必食 鵝肝壽司 價錢唔平，而且係「一目本」。

鵝肝用料普通之餘，確又唔係做壽司ge材料，創意失敗 吞拿魚壽司 & 法式潰吞拿魚壽司 全餐至有水準ge壽司! d魚肉「潰」得入味又有召頭，價錢又唔貴。

鍾情吞拿ge朋友係絕對唔可以錯過的!玉子壽司 甜甜地，做型又夠創意! 啱晒d唔太鍾意食魚生又想食壽司ge朋友 帶子壽司 OK ge其實! 不過同板前果d 比就差d啦!海膽壽司 好野o黎ge! 絕對唔苦又鮮甜~ 必食牡丹蝦刺身 唔知係咪去北海道食過d新鮮牡丹蝦ge關係，依件刺身感覺麻麻，但係又唔算差~總括而言，依間野ok抵食而且某d食物係有水準ge! 不過要識叫先得! 下次我就識叫la~

呢間野真係唔好食.所以我DOUBT 寫呢個人係咪就係個老細!我食過1次,以後都唔會去架啦!!!!加州: D飯係散既,用筷子都夾唔起.咁基本野都做唔到,點解可以叫左創意料理三文魚: $28呢個一定一定無0.5lb,因為我成日都食三八魚,磅數呢D欺騙唔到人!而且食既時候已經係室溫,明顯係放左好耐.好唔衛生.三文魚腩:可以入口.生蠔:一分錢一分貨,可接受.墨魚咀:凍冰冰,sosad.其實仲叫左幾樣野食,但最難食係呢幾樣.如果大家未去過,可以試下,就會知道咩叫左難食!最大問題係唔值

記得新開張的時候去過一次... 那次的印象真的很普通........大半年之後, 因為友人生日來吃晚飯, 這次卻好好多~~三文魚刺身半磅($28)x2 : 很新鮮, 略嫌切得薄了一點點...三文魚腩刺身($14)x2 : 一樣新鮮, 這個價錢來說抵食, 但切得很細件...火炙三文魚壽司x2 : 很香"火炙味", 不過過了少少火, 友人說之前食過冇咁熟, 好食d喎...海膽壽司 : 壽星女說很ok, 看來亦算足料&新鮮北寄貝刺身x2 : 為不吃三文魚的友人而設, 沒聽過評語, 但有一客北寄貝是加單的, 而友人也是挑剔人士, 所以應該很ok... 赤貝刺身: 同上, 沒有加單, 但樣子很ok... 燒秋刀魚: 幾好食 蟹子沙律 ($28): 第一次吃蟹子沙律有西式沙律菜鋪底, 賣相很靚, 蟹子都唔少, 菜新鮮, 但唔夠沙律醬... 芝士年糕($28): 兩個圓餅切半, 這個我真的覺得唔抵食...... 鰻魚pizza: 酥皮底, 面頭很夠鰻魚, 好食~ 鐵板炒雜菜x2 : 食完加單, 因為很好吃~~臨尾切蛋糕, 班waiters & waitresses好friendly, 同我地傾埋一份, 我地請佢地食左幾啖蛋糕4個人, 埋單.........只是$419???!!好像沒收切餅費...~ 真好

其實係朋友仔聽聞OK 想去試下既行到佢樓下就有人派傳單宣傳好啦上去試下 =D同朋友仔兩個人食 叫左個2人套餐有得揀既 我地揀左：冷麵沙律、三文魚刺身、牛柳粒、雞肉炒烏東包甜品(紅豆/綠茶雪糕) 同埋兩杯野飲 (特飲+$5, 叫左荔枝乳酸同荔枝梳打)再叫多左個玉子壽司同加洲卷（其實加20 蚊又有6片三文魚刺身架啦仲有其他優惠 不過真係食唔到咁多 冇辦法啦 /w\）* 三文魚刺身好細片 其實佢好平 (三文魚腩 $28 半磅咁)但估唔到又幾好 幾鮮甜 抵食 食完想叫多碟 =O* 加洲卷諗住度度都差唔多啦點知佢呢度既加洲卷又幾好味!沙律醬唔會太勁搶左d 味得黎成個層次幾分明 材料份量恰到好處 好味!* 玉子壽司食呢個絕對要一啖食哂!個蛋好清甜 配合醋飯輕微既醋味 balance 左再加埋紫菜 3種味blend 埋一齊.. 超好味!!!!嚴重食過返尋味!!!!!!!* 其他冷麵沙律、牛柳粒、烏東都係正正常常唔會好特別但味道ok雪糕係standard 既冇野好講啦就野飲幾好飲 唔係hea cafe 既程度 至少下次再黎會想飲同一杯叫左咁多最後清哂XD (同朋友仔並唔大食)如果唔係飽左會仲想食多d!之後經過絕對會上去再食! 大推!

今日一行4人去左日本創作料理搵左一搵先識上去, 入口係莎莎入面幫襯時間係三點半 舖頭由傳來一陣一陣臭豆腐味,一人叫左一個餐 有: 咖哩雞排飯定食滑蛋豬排飯定食豬軟骨拉面 豬骨湯底豬軟骨拉面 鼓油湯底 仲有d日式餃子,吉列蠔首先定食唔係一般一個盒咁既, 只係一碟飯, 一個面鼓湯+飲品先講主食~滑蛋豬排飯係洋蔥豬排飯, 得兩舊老到喊既蛋+一大炸洋蔥咖哩雞排飯唔係日式咖哩, 雞排好硬....p.s.兩碟飯都係冷飯黎兩個拉面都叫ok既~不過砲料就好少講返D小食啦~ 親眼所見, 餃子係油炸既 , 勁硬, 我去下面食街邊野好過吉列蠔粒蠔就預左細架喇...不過炸得都OK咁啦好喇~最後都係食哂d飯, 飲埋個面鼓湯睇一睇上面D相就知道咩事 我地4個都覺得好搞笑!!

鮮日本創作料理餐單提供日本菜, 壽司, 刺身等推介美食位於旺角區，餐廳座位數70人均消費約$101-200，結賬可以用Visa,Master,現金。

您對於旺角餐廳「鮮日本創作料理」有何 comment？

鮮日本創作料理餐廳詳細資料：

• 鮮日本創作料理地址:
  旺角西洋菜南街2W號1樓
  Fresh Japanese Restaurant, 1/ F,2 W Sai Yeung Choi Street South, Mong Kok
• 鮮日本創作料理電話:  
• 鮮日本創作料理價錢: $101-200
• 分類: 日本菜, 壽司, 刺身
• 座位: 70
• 付款: Visa,Master,現金
• FB專頁: 鮮日本創作料理 Facebook

更多鮮日本創作料理相關資料:

• 鮮日本創作料理分店
• Youtube
• Facebook
• Twitter
• Google