魚米 旺角

魚米 評價 相片

同男人一早出左門口，行到番旺角時，已經差唔多食飯時間，就求其入左魚米試下佢啦⋯⋯由於我唔食魚，我就無叫魚類嘅米線，我叫左魚腐，ok la不過不失，男人就試左個魚腩佢話好味 啖啖肉喎！而埋單都要$120咁嘅價錢，食米線....我會選擇其他更平更好味的....呢間..試一次就夠了！

今晚我們喺旺角附近做完嘢之後覺得好攰，無乜胃口食嘢，所以諗著食啲「清清地」嘅，行到去砵蘭街見到呢間食魚湯米線嘅「魚米」，所以我們就入咗去食晚飯！我們叫咗原條黃立䱽魚米線、原條左口魚米線同原條烏頭魚米線嘅湯底係魚湯嚟，所以味道都算幾鮮甜，但就略嫌有啲淡，三款魚都係原條上，當中嘅左口魚係煎香過，食落感覺外皮好芳香，入面嘅肉質好結實彈牙，而且值得一讚嘅係店員會將煎香過嘅魚分開另上，咁樣就唔會因放咗喺湯度，而將條魚浸腍咗，同埋唔會令到湯底變得好油膩！而黃立䱽同烏頭魚就係無煎香過，感覺比較健康同原汁原味！至於米線嘅麵質都幾煙煙韌韌！

今天同老公拍拖睇戲，由於時間比較緊迫，梗係食D快餐。

一坐低見到menu有金針菇 勁開心 因為有我最鍾意嘅食物即刻可以落order吾洗諗我揀咗金針菇冬菇同豬膶米線 ，一嚟到呢， 我找勻成碗米線都唔見有金針菇， 咁我就問侍應姐姐係咪漏咗金針菇，跟住侍應姐姐就指住啲金菇話畀我聽呢啲就係金針菇 我即刻唔開心 ，而家先知佢哋既金針菇同我想像中嘅金針菇吾同，好失望，而東菇呢係切碎咗，個份量應該係一粒冬菇開三，四塊嘅， 啲餸嘅份量好少， 個湯底好淡 ，我叫咗酸辣湯冇酸冇辣味，又係失望。

我老公自己食碗麵，加一份豬潤小食，佢果杯紅豆冰直情冇味甘濟 要自己問侍應拿糖水嚟加里碗嘢我食吾夠五分一就放棄左好彩一陣睇戲有其他小食，如果吾係實餓屎我唯一值得讚嘅呢就係個湯底好熱

之前都無發覺旺角有魚米，食開都係喺元朗屯門，呢日咁岩旺角收工又諗唔到食咩，經過見到就入去食個飯～魚米呢間連鎖野食物選擇都幾多，除左米線仲有蒸魚、湯飯同小菜套餐，我同男朋友都肚仔餓所以揀左小菜配白飯飽肚啲我地點左： 菠蘿果醋豬軟骨 $56 土魷馬蹄蒸肉餅 $53小菜都有配一碗白飯，價錢比茶餐廳貴，亦無跟餐飲，要飲就要加$7$9菠蘿果醋豬軟骨豬軟骨可能因為預早炆定既關係，大約五分鐘就上枱。

睇落賣相係幾吸引，豬軟骨份量都算多，七至八大舊，擺放喺中間，旁邊有新鮮菠蘿包圍住。

菠蘿係新鮮菠蘿，唔係罐頭糖水味，雖然唔係好甜，但至少唔係添加味，清清地。

豬軟骨炆得唔夠耐，肉質算軟嫩，亦吸收哂果醋汁，食落酸中帶甜幾開胃，可惜軟骨位完！全！唔！淋！！！直頭係硬既，有兩舊入口仲有"lur"骨，失敗中既失敗土魷馬蹄蒸肉餅因為即蒸既關係，等左差唔多三四個字，我個豬軟骨都食哂先上菜外觀都幾令人失望，無乜料，土魷馬蹄乜都見唔到。

食落無土魷味，亦無乜馬蹄，完全無馬蹄帶爽既口感，肉餅入口好滑捋捋，肥肉比例極多，但豬肉唔似豬肉，咬落無質感，感覺應該溝左雞肉，土魷肉餅唔土魷！！以前喺元朗分店食過豬軟骨撈公仔麵都無咁差，唔知係開多左分店所以質素下降定還是呢間個廚特別差，唔想中伏既真心建議唔好去試真係得呢間揀既話就食返米線好啲。

魚米餐單提供港式, 粉麵, 米線等推介美食位於旺角區，餐廳座位數未知人均消費約$51-100，結賬可以用現金，Booking訂位可以電話致電 28113566 查詢。

您對於旺角餐廳「魚米」有何 comment？

魚米餐廳詳細資料：

• 魚米地址:
  旺角砵蘭街185號地下
  YUMAI, G/ F,185 Portland Street, Mong Kok
• 魚米電話: 28113566
• 魚米價錢: $51-100
• 分類: 港式, 粉麵, 米線
• 座位: 未知
• 付款: 現金
• FB專頁: 魚米 Facebook

更多魚米相關資料:

• 魚米分店
• Youtube
• Facebook
• Twitter
• Google