香港仔魚蛋粉 旺角

香港仔魚蛋粉 評價 相片

一天的忙碌後, 同大包包在旺角唔想諗去邊食飯, 包下包下咁去了飯堂.......叫了例牌, 豬軟骨米線、炸魚皮、凍奶茶~豬軟骨又多又林又多汁, 湯底用魚湯, 有少少味精, 但都唔錯, 加了炸魚皮更好味~

話說尋日唔知點解6點幾已經勁肚餓, 行過附近無咩好食, 我又想食牛腩就入左去呢間, 其實好耐之前已食過, 印象係碗底勁多油, 油浸咁, d牛腩就係沙嗲味的, 有d怪...今次再食, 一來時睇個樣好似幾吸引, 點知一食落....個舊唔知係咩, 個樣係牛筋, 但咬落係又硬又脆咁, 吐都吐唔切....好彩另外個d ok....牛腩原本都可以, 但竟然比我見到有條頭髮....佢跟左少少咸菜, 原本幾好味, 但食落有沙.......今次碗底無咁多油, 但....食完呢碗飯無耐就勁口渴....連飲3杯水先得...可知味精有幾勁....種種原因下, 我唔會再黎.....

約了個兒時玩伴出來聚聚, 朋友從外國回來想吃碗牛腩河, 見旺角四圍都是人, 看見這間有得吃, 又有個牌寫著$17一個下午茶, 就走進這間了坐下來聽見有人說週日沒有下午茶, 都沒所謂, 因為一碗麵都只不過是$25, 當下叫了一碗牛腩河及一碗墨丸河...墨丸河賣相不討好, 撇開有5粒墨丸外... 就只有一羹蔥蒜, 及我一個好"齋"的感覺...墨丸.. 不彈牙而且太軟身, 貨色很普通河粉.. 不夠份量, 又沒甚麼口感 湯.. 的而且確是奶白色的, 但沒甚麼魚味, 也沒有鮮味.. 有少許"濃湯寶"的感覺, 喝兩啖就夠了（離開後味精警報隨即響起.. 不過也不算下得太重手）而且不夠熱, 要扣分唯一好處是價錢ok... 至於碗牛腩河呢... 朋友說因為她一直都是一個人在加拿大做飯, 所以回港後吃甚麼都特別好吃 結果證實, 這又是一間名過其實的"一招了"食店...

晚上7時20分, 趕時間之際, 我同老公經過見到"香港仔魚蛋粉", 心諗食碗粉, 應該唔會太耐卦. 一坐低, order左一個豬軟骨飯同一個魚蛋米. 嘩, 真係好快wor, 個飯3分鐘有得食, 因為只不過係張d肉同汁淋上白飯面. 見熱熱地, 我老公就叫左罐可樂. 惡夢就開始來臨........ 亞姐落左單, 就走左去, 一d都無意識去拎可樂, 而可樂櫃就響我地張枱後面. 等下等, 時間一分一秒咁過, 老公碗飯都食咁半, 於是去remind下亞姐, 亞姐先慢條斯理去拎. 我順手都叫佢幫我跟下碗粉. 過多5分鐘, 見都無咩動靜, 再叫第二個亞姐去跟跟. 最後我老公碗飯食晒, 可樂飲晒. 我叫左店中唯一既男伙計黎, 同佢講: "我趕時間, 你睇下碗粉得未, 如果未得我唔要喇!" 佢轉頭再過黎, 同我講: "小姐, d魚蛋要淥呀!" 佢一講呢句, 我即刻火都黎埋: "洗唔洗淥咁耐呀! 我老公成大碗飯都食晒wor, 我唔要碗粉喇!" 佢即時望下碗飯, say晒sorry. 我後來先知, 原來佢負責收錢, 唔怪得咁好口.味道: 唔知, 因為無食.環境衞生: 上面冷氣槽係咁滴水, 滴到條走廊濕左, d亞姐係咁行黎行去, 剩係響度罵點解地下咁多水, 但無人理.絕對無下次

話晒一班食友攪大局,心知唔知幾點至有得食,都係時候打打底先.貪就腳又未食過,雖然係旺區,但一入去又有卡位坐,幾好喎.招牌魚蛋粉 : 當然係要魚蛋粉,湯是奶白色,先呷一口湯,是沒有下師傅湯頭,但隱約有點醒,畢竟是魚湯,有亦很正常,就魚蛋個人而言,總是喜歡當年美景街進發,但早年已經結業,可惜.不過此店亦不差,魚味是對辦的香濃,但個子感覺上比一般略少,而且彈牙程度亦不夠.魚片炸亦得不夠香,但整體來說是合格有餘,至少比學利強多了.腩汁芥蘭 : 芥蘭睇落鮮嫩翠綠,但食落又唔係果回事,一來無甜既感覺,二來是好老,仲要食到有渣,唔得.

香港仔魚蛋粉餐單提供港式, 粉麵, 米線, 茶餐廳, 冰室等推介美食位於旺角區，餐廳座位數未知人均消費約$50以下，結賬可以用現金。

您對於旺角餐廳「香港仔魚蛋粉」有何 comment？

香港仔魚蛋粉餐廳詳細資料：

• 香港仔魚蛋粉地址:
  旺角弼街69號地下
  香港仔魚蛋粉, G/ F,69 Bute Street, Prince Edward, Mong Kok
• 香港仔魚蛋粉電話:  
• 香港仔魚蛋粉價錢: $50以下
• 分類: 港式, 粉麵, 米線, 茶餐廳, 冰室
• 座位: 未知
• 付款: 現金
• FB專頁: 香港仔魚蛋粉 Facebook

更多香港仔魚蛋粉相關資料:

• 香港仔魚蛋粉分店
• Youtube
• Facebook
• Twitter
• Google