雲來點心火鍋菜館 旺角

雲來點心火鍋菜館 評價 相片

個度又話係點心火鍋，無錯大家都知咩叫點心即有甜有鹹個隻，問個度個d嬸嬸waiter又話係點知原來唔係，分明騙人叫人坐底之後咩都無!!服務真係得個劣字全部都貴但咩都係鈿鬼咁迫

在等"小肥羊" 等到心死的情況下, 行行下見到呢間, 而且有位, 諗都無諗就上左去.位的確好迫, 想郁一郁都會整到人咁. 但食物雖小, 質素都可接受, 或者我們已經餓得太久了.

話就話十蚊一碟好似好底, 但就真係好細碟, 我諗叫三次$10肥牛, 都唔會及稻香$28碟咁大碟仲有我覺得佢地既黑胡椒豬肚湯底比較可取之外, 佢地另外既湯底同配料都好唔得, 如果唔係因我朋友貪呢間野一定唔駛等位, 我諗我都唔會去

今晚約左兩位舊同學聚舊﹐諗住去旺角泉章居新店﹐點知原來未開張﹐要聽晚先開﹐真係無奈。

結果經過雲來﹐其中一位舊同學話不如呢間﹐我心裡面打個突﹐因為我幾年前食過一次﹐印象非常麻麻﹐不過我又係諗住“即管睇下你有無改善”結果一行三人上去幫襯。

位依然好逼好窄﹐如果四個少少肥的人坐4人檯﹐應該會食得好辛苦﹐不過好彩我地只得3人﹐亦唔算肥﹐所以﹐勉強OK啦。

望下餐牌﹐茶錢醬料錢依舊係每人計﹐未食已經要收每人30幾蚊﹐另加一碟$12的所謂小食﹐計埋加一即係你未點菜已經要每人$40幾蚊﹐變相黎講亦係等如最低消費﹐你就算有本事淨食辣醬飽都係要收你$40幾蚊。

叫左沙嗲湯底鍋$48﹐基本上入面咩都無﹐真係淨係沙嗲汁+湯。

而火鍋料無錯的確係$10 碟﹐但唔係全部﹐有不少款式都係$28~38不等﹐要另叫。

三個人叫左約15碟﹐食晒都唔覺飽因為份量的確係少得可憐﹐$10 肥牛只得約3~4小片﹐其實叫多幾次同出面$40 碟可以話無分別﹐不過最近我因為某種原因暫停食牛肉﹐所以淨係我兩位舊同學分都勉強OK﹐每人有“兩小片”。

另外﹐生根$10 5個﹐出前一丁$10 一餅﹐魚片$10約7片﹐蘿蔔$10 約10小片﹐其實計落絕不算平﹐只係將份量減少再便宜一點賣吧。

服務非常一般﹐衛生更可謂“差”﹐因為進食途中見到地下不只一次有“小小強”爬過﹐不過為免同學們失去胃口﹐我只當無事發過吧。

3人食到7分飽﹐埋單$320﹐除開都要$100 以上一位﹐計落都係去其它地方食$69~89的任食火鍋比較化算。

而結論係﹐無甚麼大改善﹐價錢依舊地不便宜﹐實在無原因要我再幫襯了。

叫左十個左緊的火鍋食物, 其中包括貢丸, 肥牛, 羊肉, 水餃, 水晶包, 魚頭, 蠔等等, 味道一般, 其中羊肉都好夠蘇味, 不過真係好"un"下, 咬唔開咁. 不過個湯底幾好~服務唔錯, 不過地方好迫, 價錢一般.

雲來點心火鍋菜館餐單提供滇菜, 雲南, 火鍋, 點心, 中菜館等推介美食位於旺角區，餐廳座位數未知人均消費約$50以下，結賬可以用現金。

您對於旺角餐廳「雲來點心火鍋菜館」有何 comment？

雲來點心火鍋菜館餐廳詳細資料：

• 雲來點心火鍋菜館地址:
  旺角山東街50號一,二樓
  Cloud Dum Sum & Hotpot, 1/ F&2/ F,50 Shantung S T., Mong Kok
• 雲來點心火鍋菜館電話:  
• 雲來點心火鍋菜館價錢: $50以下
• 分類: 滇菜, 雲南, 火鍋, 點心, 中菜館
• 座位: 未知
• 付款: 現金
• FB專頁: 雲來點心火鍋菜館 Facebook

更多雲來點心火鍋菜館相關資料:

• 雲來點心火鍋菜館分店
• Youtube
• Facebook
• Twitter
• Google