雁來居潮州飯店 旺角

雁來居潮州飯店 評價 相片

要支持本地消費 唸起食打冷就去旺角睇下見到似係新裝就試依間啦最緊要係環境舒服食打冷都離不開叫鵝片，墨魚鵝腸，九菜豬紅，蠔仔粥， 1)先黎滷水鵝片咸得剛剛好，肉片唔會太軔，林林地下面的豆腐和花生又夠入味2)墨魚鵝腸滷得爽脆入味,爽彈煙韌又豐膄，吸收晒鹵汁香，好好食3)蠔仔粥蠔仔都算大隻,仲好新鮮夠味，而粥底都好香4)九菜豬紅韮菜豬紅 好味,豬紅爽口夠彈性,韮菜新鮮,醬汁濃厚再叫啤酒一路傾一路食,享受最可惜係掛住食冇影相值得再 ENCORE 下次補相

好幾個月冇嚟旺角砵蘭街，諗住去幫襯咗好多年嘅「新泉發」食潮洲嘢，忽然發現舊址變咗間粥鋪，以為執咗唔做﹗失望之餘，離遠見到豉油街口有間新食肆，行過去睇，見到門口企咗個老伯伯伙記，好熟口面，同佢傾咗幾句，先知三個月前「新泉發」原班人馬搬咗嚟呢間「雁來居」﹗差啲走漏眼，即管入去試吓。

新店裝修光猛新淨、簡單舒服，廁所乾淨冇味，非常難得，勝過好多餐廳。

我哋得兩丁友，點咗滷水鵝片、韮菜豬紅、鹹酸菜魚同潮洲粥，再整支藍妹。

鵝片肉嫩入味，韮菜豬紅爽口，醎酸菜好夠味，佐粥一流，食到舊店嘅傳統味道﹗一路食、一路同幾個伙記有傾有講，知道其中一個阿伯由「新泉發」開店做到依家，打工超過三十年，好忠心喎﹗呢啲具風味嘅小店，賣少見少，絕對值得支持，我一定會再嚟，仲會帶多幾個朋友嚟，試多幾味菜。

砵蘭街新泉發搬遷新鋪，取名(雁來居)，舊鋪已幫襯多年，新鋪名字雖變，味道不變，依舊美味，店員友善有禮，晚飯、宵夜必到之處！亦是借酒消愁的好去處，啤酒夠晒凍！必食推介：鹵水鵝、鵝片、鹵水拼盤、蠔餅、大眼雞。

雁來居令我想起的一首詩，鋪名不知是否因此詩已來：萬里衡陽雁,今年又北歸，雙雙瞻客上,一一揹人飛,雲裏相呼疾,沙邊自宿稀,系書元浪語,愁寂故山薇,欲雪違胡地,先花別楚雲,卻過清渭影,高起洞庭羣,塞北春陰暮,江南日色曛,傷弓流落羽,行斷不堪聞！！！

讚1. 伯伯既服務勁熱烈！好有禮貌，印象中真係係香港打冷咁多年都無遇過咁好笑容，入去已經有伯伯帶位，坐低仲加句慢慢睇，然後叫野食時仲會計份量2. 份量幾大，滷水拼盤真係兩個人都食唔晒彈1. 真係污糟，一定要洗碗筷先好食野2. 味道麻麻，重油但味淡，蠔仔粥湯底係有鹹味，但其他乜味都無；滷水紅腸夠滑，但又偏偏唔入味

我一向食開上海街新泉發既，見到砵蘭街開左間新既潮州菜，當然去試下垃！入到去裝修好靚環境好乾淨，但是一食就知道啲鵝片同大眼魚勁唔新鮮係隔夜嘅啲鵝片仲要又簿，條魚又*媒*之後我食完唔夠半個鐘即刻勁肚痛個斬料師傅斬晒啲鵝擺晒喺度，一啲都唔新鮮..仲有老闆娘態度勁差，唔優做有個外賣客買賴尿蝦，佢左揀右揀專揀啲細隻俾人囉...邊有咁樣做生意㗎搞到我相都懶得影，因為肚痛中...在場嘅全部都係啲阿叔阿嬸我中咗伏極度唔推薦！🤦🏻‍♀️🙄

雁來居潮州飯店餐單提供潮州菜, 中菜館等推介美食位於旺角區，餐廳座位數30人均消費約$51-100，結賬可以用現金，Booking訂位可以電話致電 23844438 查詢。

您對於旺角餐廳「雁來居潮州飯店」有何 comment？

雁來居潮州飯店餐廳詳細資料：

• 雁來居潮州飯店地址:
  旺角砵蘭街168號地舖
  Geese In Place, G/ F,168 Portland Street, Mong Kok
• 雁來居潮州飯店電話: 23844438
• 雁來居潮州飯店價錢: $51-100
• 分類: 潮州菜, 中菜館
• 座位: 30
• 付款: 現金
• FB專頁: 雁來居潮州飯店 Facebook

更多雁來居潮州飯店相關資料:

• 雁來居潮州飯店分店
• Youtube
• Facebook
• Twitter
• Google