豐味車仔麵 旺角
最後更新:
豐味車仔麵推介
第一次幫襯，地方清潔，因現在疫情關係，當我坐下時特別再用布沫一次檯面確保乾淨，店員又有禮貌，感到可安心食嘢，今天叫咗一碗4餸粗麵+一杯凍飲，特別要求麵腍d，經驗話我知一般店鋪煮麵時間太短會好硬😅，麵送上，餸放喺麵上是整整齊齊，有心機擺放，值得一讚，豬大腸軟腍而有彈性，豬皮爽而腍，蘿蔔腍而冇渣，這三款都好食，其餘一款唔記得個名，味道都ok，粗麵尚算不錯。整體非常滿意，日後再去旺角，又多間食店選擇。
旺角豐味車仔麵
| 餐廳分店 | 豐味車仔麵 |
|---|---|
| 地區 | 旺角 |
| 電話訂位 | 28826866 |
| 餐單 Menu | 港式, 車仔麵 |
| 人氣指數 | 951 |
| 價錢幾錢 | $50以下 |
豐味車仔麵訂位位於旺角區，詳細地址是旺角通菜街2A-2P號鴻光商場地下2J號舖，餐廳寬敞座位數目共有未知幾多個。豐味車仔麵幾錢？價錢優惠後人均消費大約$50以下埋單，早餐午餐晚餐豐味車仔麵餐單包括有港式, 車仔麵等美食，付款方式有AlipayHK,支付寶,現金,八達通付款，Booking網上訂位可以電話致電 28826866 查詢訂座。
豐味車仔麵優惠
豐味車仔麵 評價 相片
第一次幫襯，地方清潔，因現在疫情關係，當我坐下時特別再用布沫一次檯面確保乾淨，店員又有禮貌，感到可安心食嘢，今天叫咗一碗4餸粗麵+一杯凍飲，特別要求麵腍d，經驗話我知一般店鋪煮麵時間太短會好硬😅，麵送上，餸放喺麵上是整整齊齊，有心機擺放，值得一讚，豬大腸軟腍而有彈性，豬皮爽而腍，蘿蔔腍而冇渣，這三款都好食，其餘一款唔記得個名，味道都ok，粗麵尚算不錯。
整體非常滿意，日後再去旺角，又多間食店選擇。
係旺角番工，想食車仔麵，就上網搵下附近有咩黃店有車仔麵食，俾我搵到呢間豐味車仔麵。
佢個門面真係整得好靚，係門口未入去已經會俾佢吸引，加上門口貼左「支持全面封關」，更加令我想入去支持下！入到去，鋪頭唔大，位置唔多，但食車仔麵黎講，佢既裝潢都幾靚幾特别，枱枱櫈櫈坐落都好舒服。
價錢算係中等，但食物質素係幾高，今次叫左個三餸麵，個人黎講係幾鍾意！冬菇牛筋滷水蛋烏冬 (冬菇汁湯底) （$42）推介指數：9/10冬菇牛筋都燜得好淋，我個人係鍾意淋小小既冬菇同牛筋，感覺好易入口，口感會更好，今次就正中要害，呢2樣餸我都俾滿分！而滷水蛋就無乜驚喜，不過不失，覺得可以再重味一點！本來想叫清湯，但夥計問我要唔要試下個冬菇汁湯底，佢話好食好多，咁梗係要試下！果然，食落清甜得黎冇乜味精味，真係好好味！但佢餐單上面係無的，我個人幾鍾意果種味，建議大家可以試一試！烏冬方面都就正正常常啦，都幾彈牙唔會浸軟晒。
但成個車仔麵既配合都係十分有驚喜！42蚊可能係算係有小小貴，但係呢一區，同埋入到去個環境，會覺得係好衛生，坐得好舒服。
市面上有d唔洗30蚊就食到碗，但環境衞生都好差，食物質素亦唔高。
俾42蚊我覺得都係抵，仲要係支持黃店！係旺角出沒開既朋友就去支持一下啦！
呢間車仔麵，我和我老公經常光顧，因為快靚正，服務一流，我今次Order左蘿蔔紫菜冬菇米線 冬菇汁湯底 ，（其實差不多次次都點呢樣，因為我食素，哈哈哈）蘿蔔夠淋，冇渣， 紫菜冬菇好入味， 冬菇汁湯底濃郁帶有少少鹵水汁，下午茶時段會送埋餐飲，都幾抵食，餐廳簡單裝修，但幾寬敞 ，好乾淨，枱和餐牌唔會立痴痴 ，但最主要吸引我們光顧N次的係服務真的好好，待應人手唔多，通常只有一位高高瘦瘦的靚姐姐和一位水吧大隻姐姐，一腳踢，但她們手腳快，好醒目，有活力，十分十分有笑容和禮貌，又會記得熟客口味！都幾有親切感，一間值得推介的餐廳！
喺旺角食車仔麵嘅選擇唔係好多睇OpenRice睇到呢一間評價都唔錯見佢食物種類都幾多選擇 價錢相對比較貴見呢間運作方式同文記差唔多但食物質素係咪不相伯仲呢？其實食物份量真係好少 四舊牛腩 幾舊豬大腸 兩件雞翼正常味道係唔錯嘅 尤其是牛腩好入味 彈牙 而豬大腸滷水味好勁 食過返尋味可惜份量太少喇 我仲未試出咩味已經比我食晒我叫咗加底 但食完之後都覺得唔飽但係咁都要$50 個價錢真係太離譜如果份量比較多啲嘅話仲可以接受 食物質素唔錯但係價錢方面有待改善一次有多
師傅喺旺角區，見有啲肚餓，諗咗一陣食乜好? 師傅記得呢度有一間食店係食車仔麵，而且水準都唔錯，所以諗都唔使諗，即刻行過去食碗車仔麵先。
入到去人唔多，由於又係下午茶時段，所以都有好多位坐，坐低之後個靚女侍應都好快埋黎師傅身邊，幫師傅落柯打。
望左陣師傅就決定落單，一口氣柯打左幾款餸，分別係豬紅，豬皮，豬腸，牛腩同埋牛柏葉，而麵底就揀左油麵，跟住就配中辣，個靚女小姐仲話加埋腩汁好唔好，師傅當然話好啦，變咗腩汁加中辣。
由於下午茶時段，所以有杯飲品會送返，師傅就揀咗杯凍檸茶 走甜。
落完單唔使等左好耐，就有得食。
師傅先試下個湯底，湯底味道幾濃，加上香香甜甜，幾好味，再將辣醬汁撈勻，變為辣湯底之後，個味道變得非常惹味，甚為吸引。
再試下個豬紅，豬紅都係一粒粒為主，又唔算滷得好入味，但又唔算好差，口感都好煙煙韌韌，唔會一夾就散，都可以。
至於豬皮就比較參差，都係屬於半爽半腍嗰種，如果啲豬皮可以再爽口少少，就會更加好啦，而且非常入味，所以都可以。
豬腸又係一絕，炆得超腍，加上腸身超肥美，超好食，呢個豬腸絕對係師傅必食推介 。
另外兩個餸都比較令人驚喜，分別就係牛腩同埋牛柏葉，牛腩好香，要肥有肥，要瘦有瘦，唔係碎腩，入口唔韌，所以都幾好食。
至於牛柏葉入口好爽，雖然冇滷過，但口感一流，勁爽唔韌，掂喎! 至於油麵就普普通通，不過不失。
凍檸茶普通，正正常常冇大驚喜，可以。
總括黎講食物質素不俗，環境都舒服，冷氣都幾夠，環境乾淨衛生，價錢都唔算貴，下午茶時段56蚊五個餸一個麵，仲要送杯飲品，都算幾抵食。
埋單嘅時候再送多張贈飲券，方便師傅下次黎食嘅時候可以有杯飲品，又幾化算喎。
笑臉絕對可以比，呢間肯定會再黎，雖然地點偏左少少，但無損師傅下次再黎嘅心。
豐味車仔麵餐單提供港式, 車仔麵等推介美食位於旺角區，餐廳座位數未知人均消費約$50以下，結賬可以用AlipayHK,支付寶,現金,八達通，Booking訂位可以電話致電 28826866 查詢。
您對於旺角餐廳「豐味車仔麵」有何 comment？
豐味車仔麵餐廳詳細資料：
- 豐味車仔麵地址: 旺角通菜街2A-2P號鴻光商場地下2J號舖 Fung Mei Noodle, Shop2 J, G/ F, Hung Kwong Shopping Arcade,2 A-2 P Tung Choi Street, Mong Kok
- 豐味車仔麵電話: 28826866
- 豐味車仔麵價錢: $50以下
- 分類: 港式, 車仔麵
- 座位: 未知
- 付款: AlipayHK,支付寶,現金,八達通
- FB專頁: 豐味車仔麵 Facebook
更多豐味車仔麵相關資料:
香港餐廳2026推介8月