紅廚房 旺角

紅廚房 評價 相片

約左班friend上黎聚一聚..所以預先打定電話訂位本黎想book vip房 但係唔夠10個 好彩冇book到 因為果日去根本就冇人咁濟不過講電話個女仔(應該就係個侍應?)幾體貼 叫我地遲半個鐘等佢冷氣開奈d先上黎 會冇咁熱呢度加分係網上面睇 個環境好似唔錯咁但係自己入去睇... 好似真係好唔同個場好細.. 不過都幾多野玩既.有wii啦 大富翁啦 uno啦 啤牌啦 麻雀啦 好多好多同埋佢有d好得意既蠟燭等等show出黎可惜我地唔係慶祝生日 用唔著野食都有幾多款既我自己叫左雙魚法包 係生菜+沙律醬+煙三文魚+法包都幾好味 不過個包有d燶.. 我個fd話覺得唔好食跟住我叫左雲呢拿牛奶沙冰個樣超靚 讚!!!舊雪糕整到好似白玫瑰咁係d沙冰上面真係好靚!!! 但係都幾淡下 .. 要加一 做會員加10蚊..建議黎既朋友做會員佢先.. 俾10蚊都好似俾加一我地因為計錢好煩 所以個個俾哂加一 果度成60蚊搵一個做會員好過其實都還可以既 野食就麻麻地 但係俾60蚊坐足4個鐘傾下計 算係咁啦P.S. 樓下有人話個女侍應好靚但係我(我係女仔)覺得佢一D都唔算靚女喎.. 個妝超級濃不過佢咁體貼我覺得佢都幾好既..

朋友生日,訂不到常去的樓上CAFE,於是來這試試~環境不錯,不過我們一行12人,安排不到近窗的長枱給我們,只有一張圓枱,OK~ 啱啱夠坐,可是坐位與枱的比例不成比例,坐位與枱離得太遠,要"烏"前個身來吃小食、飯、意粉和PIZZA樣樣都有點些來吃,最離普個日式PIZZA,個邊燶到冇人有,於是叫個待應換左佢,換到返黎居然係切左燶果條邊就算 因為等野食等好耐,所以就算,照食,但係個PIZZA真係超難食,皮同饀係分開的,用料勁CHEAP,想不到PIZZA可用三色豆作饀,超多沙拉醬,底餅好硬,根本吃不下,又唔幫客人CUT埋,(係勁難CUT,因為好硬)完全沒誠意!!!!小食還可以,最好是水牛城雞翼,薯皮一般,跟餐的餐湯難飲,好似D薯蓉開稀咁,沙律也是超多沙拉醬.....吃完小食再吃意粉和飯,其中拿破侖意粉D味勁怪,好似葯水味,全枱朋友冇人敢食...南瓜雜菜意大利飯又係超多三色豆,最多比多兩棵西蘭花,收費成60幾蚊用料一點也不值!最正常係滑蛋雞扒飯,雖然個蛋係變左炒蛋,幸好沒三色豆,都算是吃得下至於飲品都OK,夠大杯,朋友各點不同的,沒有特別說難喝,只是朱古力類的飲品沒朱古力味............服務不太好,只有一位沒笑容的女待應,態度傲慢,叫極都冇人執枱,還有廚房出品慢,要等成30分鐘先有得食(我們已分開兩段時間點餐了.......)好就好在可以坐得耐,同埋有玩具遊戲打機等娛樂提供想食餐好D都唔好來.......

是次同班姐妹們去試下呢間cafe入到去見到個環境都唔錯加埋我地個都係得兩客去到已經係下午茶時間但價錢都好貴平均一個都要$45~50想點餐既時候,無人理我地,舉左好多次手服務員反應好慢,因為佢地係個角位道傾緊計叫左野食之後等超耐起碼等左20分鐘等得耐都算,d野食黎到仲要係錯單都唔知點落單諗住野食未有,咪諗住叫drink下午茶個menu寫話drink係包括$34既drink咁我地睇個drink menu係冇$34一杯即係叫咩都要補差額算啦,照叫,落左單之後都係等超耐,黎到d dink都係錯我地已經好失望d野食黎到,賣相一般,味道都一般食完野咪埋單,又係舉左勁耐手冇人應張單黎到發覺價錢唔岩d drink補差額既價錢唔岩(補貴左幾蚊囉)咁就叫左服務員黎點知佢話原來佢俾錯左個drink menu我地之後佢俾左個新既我地佢放低左就走左,sorry都冇聲我地就叫返佢過黎講之後佢就搵另一個人黎(唔知係咪老闆)我地火火地同佢講係你地俾錯menu,無理由嫁嘛跟住佢即係黑面,仲話我地情緒激動我地另加火大,d服務態度真係差到爆

出菜係超級無敵勁爆慢！！！！！可能撞正今日多人，不過最主要係廚房得2個人．．．我地等左about 45mins男朋友叫左個牛扒(唔記得咩名)，麻麻地，$80加$30有salad+湯+飲品個湯好酸，杯薑蜜幾好飲我叫左軟類蟹意大利飯，$70飲品叫左栗子牛奶朱古力(要補差價)，幾好飲 軟殼蟹意大利飯：個飯其實係ok既，熱辣辣，幾creamy但係上面個軟殼蟹，好似擺左好耐咁，凍哂！搞到淋哂，咬落去又成口油，難食到爆！個姐姐服務態度好好，全場得佢一個，走黎走去，落單上菜仲要幫人影相，仲係好nice，哈哈但真係難食，又唔抵，冇下次。

今日又係朋友仔生日．．因為主人家又想係ｃａｆｅ攪．．又覺得這一間都不錯～所以我地就ｂｏｏｋ左ｌｅｅ間ｃａｆｅ既ｖｉｐ　ｒｏｏｍ啦上到去好似一個客都冇呢？唔通因為太早？？不過佈置好靚．．真係全部都係白，紅既色澤．．感覺幾光鮮乾淨０家！原來幾塊全身鏡既後邊就係ｖｉｐ　ｒｏｏｍ．．好識運用鏡既空間感囉！ｖｉｐ　ｒｏｏｍ係長方型既．．分兩邊有２個ｕ型既ｓｏｆａ．．但其實都幾窄．．同埋ｄ枱加埋ｄｓｏｆａ係度食野就變左好迫咁原來由ｏｒｄｅｒ佢上菜到正式有碟野慢慢來．．都成半個鐘．．我地餓死左～仲要係慢慢一碟一碟上咁～最後先出主菜既飯．．．大家都唔係好夠食咁～ｄ野有ｄ都ｏｋ既．．但有ｄ份量過少囉！！值得一提既係．．佢有ｄ玩兒係要俾按金先可以玩．．同埋款式唔算好多囉！但服務都ｏｋ既～但以後我ｂｏｏｋ　ｖｉｐ　ｒｏｏｍ　未必會搵ｌｅｅ間囉！

紅廚房餐單提供意大利菜, 樓上cafe等推介美食位於旺角區，餐廳座位數未知人均消費約$51-100，結賬可以用現金。

您對於旺角餐廳「紅廚房」有何 comment？

紅廚房餐廳詳細資料：

• 紅廚房地址:
  旺角彌敦道594-596號創建商業大廈8樓
  GM Kitchen, 8/ F, Chong Kin Commercial Building,594-596 Nathan Road, Mong Kok
• 紅廚房電話:  
• 紅廚房價錢: $51-100
• 分類: 意大利菜, 樓上cafe
• 座位: 未知
• 付款: 現金
• FB專頁: 紅廚房 Facebook

更多紅廚房相關資料:

• 紅廚房分店
• Youtube
• Facebook
• Twitter
• Google