直美 旺角

直美 評價 相片

放假約朋友聚餐食放題，呢間好似幾新下， 試試先。

 一去到瘋狂叫第一輪食先， 唔錯，第一盤黎得好快，唔使等一輪。

我地食左好多唔同款野食，有刺身啦，串燒，炸物，生蠔，，，等等先食左個三文魚手卷先， 內裡有好多大大塊三文魚， 紫菜脆卜卜，飯都幾沾， 正。

另外，刺身方面， 三文魚係腩位，仲要係厚切，紋理均渾有光澤，而且大大咬肉，好肥美，充滿魚香。

當然唔少得叫串燒啦， 有豬，牛，羊，都燒得唔錯，肉汁依然保存， 可惜少左d調味分， 唔夠香辣。

但係燒元貝都都唔錯， 幾大隻，肉質甜美彈牙，goood good!  另外，燒大蝦都唔差，淨係個殼都已經有蝦味，仲要成隻手指咁大隻。

除此之外， 炸油魚ok......只係心魔作祟，唔敢食太多。

哈。

成餐大約200蚊，食咁多野，抵啦。

襯炎炎夏日，同啲朋友去食方題， 地點簡左旺角， 有朋友話呢間唔錯， 值得去試下，訂左位730入坐。

去到大流唔算多， 咁樣反而覺得無咁焗速， 我就二話不說開始點野食， 呢到野食款式幾多。

先叫過壽司刺身拼盤， 刺身上盤時買樣幾靚， 我地點左三文魚，甜蝦，尢魚等。

三文魚有好多腩位， 好肥美又巿口感， 正。

甜蝦都好鮮甜， 滑嫩嫩， 膠質口感張緊張住個口。

其他由魚同吞拿魚都一般般啦。

壽司方面， 買相都精美，由其是火焱壽司， 調得味道適中，仍然保留壽司本身既鮮味。

熟食方面，炸物真係要值得推介， 炸雞軟骨同鹽燒蝦真係要叫呀。

雞軟骨炸得好香口 ,唔太喊， 唔太熱氣。

鹽燒蝦方面，size幾大隻，味較得幾好， 蝦既肉質都有彈性。

串燒就都係哥啲野啦,但味道同街邊鋪頭相差不遠， 好幾好味。

最後值得一提， 服務方面， 可能客人唔算多， 所以員工服務態度唔錯， 效率都幾快添。

如想旺角食放題， 可以再黎。

嗰日和朋友剛看完五點場，咪準備去兆萬食放題，經過銀城廣場，樓下有人派傳單，直美日、韓放題九樓，因我地成班人都成日食放題，有朋友已話，嗰個位咪係前身火鳥放題個位，嘢食麻麻，招呼極差，但我哋就喜歡挑戰新嘢，就四條友走上去試，出電梯門，看到有D明星相頕响門口，心想有明星黎過，食物應0k掛，入到裡面個場好大，但同之前嗰間火鳥一樣，冇乜裝修，只是光猛咗，心想，會唔會改咗名但食物一樣呢，算啦！都來到，最多咪一次，坐低D服務員已好好笑容同我哋講，飲品和甜品須出面自己攞，上嘢快、收碟快，班服務員一路都好有笑容，外面其他放題見唔到的，我哋坐低立即點了一大盤刺身，正呀！😆三文魚好大件，不同外面其他放題咁小家，好？新鮮，壽司亦好正，有件叫鳗魚箱押壽司，四層不同顏色，外面沒有的，😃好，到熱食啦！款式都多，叫了羊架，有小許肥，但味道一流，👍一食想再食，嗰隻天皇焗蠔都正到冇朋友，我哋食嗰好多，突然有個金毛經理行過黎自我介紹，講解佢哋餐廳其他嘢食，仲話一定要試三文魚粥，都好胞，但他推介，叫碗試吓，真係正，又綿又甜，金毛經理同我哋講，佢哋嘅熱嘢食或許冇外面咁正，但叫我哋留意吓，睇吓我哋每人飲咗幾多罐嘢，就知佢哋對食物嘅保證，我哋平均飲咗3罐嘢，咦！平時其他地方最小5、6罐，呀！😉明啦！真係一間有良心的放題，唔怪得D員工都咁正。

👍

其實本人寫左咁耐食評，真係堅少寫都咁差，終於今次有對手，仲要係價錢質素都有問題！！見到團購有間叫直美的新放題買150左右，所以買了張同屋企人食生日飯。

原來直美新開前身係叫火鳥。

但本人都未去過，好似開左幾年就改了名。

我地 準時7點到達，我地坐係甜品位，見到已經得幾粒甜品，心諗一陣會再加（其實本人食咁多間放題，從未見過空都咁），坐位一半人坐左，食品都叫正常 多，飲品得康師傳為主，幸好還可以比熱茶供應。

直美日韓放題..睇左所有都吾見韓國野? 最後睇到係泡菜之類前菜...咁都叫日韓放題？？ 起碼都整個鍋用泡菜都好...唉...冇理叫左野食先，點知.....總體刺身吾新鮮，熱食還可以，甜品冇，其實失望。

生蠔任食（最後每人食左一隻冇再叫，可想而知）價錢最後仲要二百左右，咁仲咩要買團購仲，可以有 好多選擇。

刺身三文魚厚度正常，但一“甲”就爛，堅失望，其他最平的＄28半磅都冇咁差。

刺身蝦還可正常，但有少少梅的感覺。

𩶘魚食左一片已經吾想食，堅 梅！而元貝仔係爛。

其他正常。

生蠔任食，睇吾錯，但食落肉已同殼分開，即不新鮮。

殼底一點點，奇怪？其實我都不太期待，但新鮮度差都咁，好難相信係即開即食。

最後每人一隻就冇 再叫。

幸好熱食如串燒，燒物之類都正常，壽司如鰻魚，燒牛肉之類（吾好叫三文魚）都正常味道。

羊鞍最後變成羊架，但幸好味道吾錯。

粥底可以，但三文魚好 少肉。

炸野炸得吾錯，吾太油。

生日壽司飯都係影完相就冇食到，但佢一關燈加音樂同燈光足以嚇親，好似去落D咁。

差不多2小時啦，講返個類似甜品吧的地方，最後連類似西瓜的幾片都冇晒，空空如也，只有雪糕仲有，堅失望同奇怪。

(真係忍吾住影相，講真我地7點 至9點係黄金時段都咁）,心想忙都咁都冇咩好講，自已係紙找甜品食啦...點知...最慘仲要係所有紙都冇甜品，根本係吾會知有咩食到比錢，4個人再比多270左右（因為7點時段加錢和加一），即每人比多70左右，即大約團購加70已經每位＄220，講真這個價我去兆萬求其一 間都好過這間同飲品和甜品都有（不論好不好吃）。

最激氣係出去等電梯落，佢門口比我睇到佢寫為慶祝咩咩，星期日至四任何時段＄158...＄158....無錯係＄158。

咁我仲咩要去團購仲要 比多D錢，吾通為左果生蠔任食，仲要其實生蠔半打都係＄72。

我堅吾會再黎這間放題。

團購左優惠券，就去左旺角依間日式放題黎食客人不對放題不抱期望，嗌左生蠔黎食，隻隻都幾大隻，但佢生蠔味道較淡，冇咩蠔味，有幾隻幾軟到變水咁，其中有一兩隻有d蠔殼係入面，應該係開蠔時唔小心彈左入去，有ｄ粗心。

但佢個甜蝦好食既，易入口；三文魚就一般啦，冇鮮味同冇咩彈性。

服務都ｏｋ既，店員反應快，一見到揮手／叫就會黎收碟同埋單。

環境上，佢d光度適中，座位都坐得舒服。

 我覺得係可以一試既，因為ｄ蠔都大隻抵食，平價之選。

直美餐單提供日本菜, 日式放題等推介美食位於旺角區，餐廳座位數200人均消費約$101-200，結賬可以用Visa,Master,現金。

您對於旺角餐廳「直美」有何 comment？

直美餐廳詳細資料：

• 直美地址:
  旺角西洋菜南街2號銀城廣場9樓
  Naomi, 9/ F, Ginza Plaza,2 Sai Yeung Choi Street South, Mong Kok
• 直美電話:  
• 直美價錢: $101-200
• 分類: 日本菜, 日式放題
• 座位: 200
• 付款: Visa,Master,現金
• FB專頁: 直美 Facebook

更多直美相關資料:

• 直美分店
• Youtube
• Facebook
• Twitter
• Google