直燒和牛商店 旺角

直燒和牛商店 評價 相片

※本文以用餐當日的環境、服務和食物質素為準，口味亦因人而異，文章只作參考之用。

.原來旺角開左呢間質素唔錯的直燒和牛 😬店內比較細 座位唔多 放工時間都坐滿晒唔想排隊就要早點黎食 或者去長沙街分店😁餐牌上有供應數款不同的牛肉主食仲會不定時轉換食材 好似最想食的壽喜燒和牛已經換左其他款式了🙈🙈🥲.燒肉晚市一律+$38 轉套餐：附沙律、紫菜月見飯、冷泡茶.今期最抵食既一定係$98「無限輪迴」吉列牛舌無限輪迴既意思=可以45分鐘內無限添加🤤對於大食既我倆真係好抵食！.上檯的吉列牛脷既份量本身不少一圈大概有約十多件 非常豐富牛脷建議不要燒太耐已可以～兩邊的吉列層 輕輕燒兩燒已很脆口😍中間的牛脷咬落爽彈不會韌 確實唔錯.鹿兒島黑毛和牛😍 每面燒十幾秒已經可以入口肉質很軟嫩，咀嚼時滲出陣陣油脂香！店員仲比左樽鹽 覺得唔夠味可以加 ～自己落左少少已經覺得夠味 剩係食肉味都重.套餐中的紫菜月見飯覺得都係必食！用上紫菜同日本雞蛋拌勻食 真係好惹味🤤看似簡單卻好吃，配上燒肉真係超下飯！.味淋魚干就正常發揮.仲有枝白桃烏龍冷泡茶都好飲可以清清食完燒肉既飽滯感 仲好大枝添😁.๑ 吉列牛脷 $98๑ 鹿兒島黑毛和牛 $158๑ 味淋魚干 $38

懷念日本既吉列牛牛 竟然喺香港揾到一間CP值咁高既牛牛店🇯🇵店員又nice又勸力 好親切✨之前試過其他餐廳都係用啫喱燒個火好快玩完 佢地個火好勁 埋座已經有個火迎接你 燒野食個火都好重要‼️真係由頭燒到落尾都無熄過 勁😎.📌吉列牛脷∞ gram $98入口又爽又彈牙 冇乜筋位好容易咬開 冇膻味 一邊燒一邊聞到佢香噴噴 加埋吉列邊真係一流👅煎到兩邊金黃色 真係會食上癮 一啖接一啖😍果然係餐廳嘅招牌菜式 冇推介錯🤩.📌吉列Prime牛小排 140g $118呢個價錢有咁多件真係好抵食 食過好多間吉列牛 呢間嘅性價比真係幾高🤑全部都係吉列圍邊 燒到佢金黃色都唔會話有甩邊嘅情況👍🏻牛肉好嫩口 就算燒到好熟都好 完全冇影響到口感😆配合埋佢個蛋黃黑松露番茜醬 真係好好食😋如果食到有啲膩嘅話 可以試吓點鹽 一樣咁好食🧂不過個人覺得覺得都係配醬比較夾 牛味更香🐮.📌手切鹿兒島黑毛和牛 120g $158鹿兒島和牛真係好驚艷 問店員攞咗鹽 加落去燒 完美地提升到和牛嘅香味💯仲可以鎖住啲肉汁 入口啖啖牛味 油脂分泌十足 每面燒十幾秒 入口肉嫩 和牛薄切 真係必點❤️‍🔥📌套餐 +$381️⃣沙律菜配酸醋好開胃 仲有黑松露醬🖤味道層次豐富既開胃小菜 仲有Mozzarella Cheese 補充蛋白質🧀2️⃣紫菜月見飯用左日本雞蛋 蛋汁香濃 蛋味甜甜地 加埋啲飯嘅口感比較QQ🥚食落仲有啲海苔嘅鹹香味 仲有啲燒汁 真係會令人又想添飯嘅衝動🍚3️⃣白桃烏龍冷泡茶茶香得黎又唔會太澀 有淡淡白桃味🍑食啲熱辣辣嘅嘢 配凍冰冰嘅茶真係Perfect match🙌🏻重點係飲茶可以消滯解膩😗.📌雞皮餃子(4件) $48雞皮略嫌偏肥🙈燒到脆卜卜油脂感十足 唔使點沙律醬已經好好味🤤餃子餡有用到紅蘿蔔🥕雞肉🐔撇除雞皮肥咗少少之外成舊嘢都好好食 十分之邪惡😈

女朋友話好耐冇食過燒肉咁啱見到呢間燒肉商店好似幾吸引🤣雖然得60分鐘時間食但係佢嘅任叫吉列牛舌真係好抵食😋最後總共食咗兩碟共40塊😂😂另外仲叫咗個手切鹿兒島黑毛和牛真係好耐冇食過咁油脂香濃嘅牛肉🤤🤐回味無窮~~Btw 如果要添食牛舌要早少少order 上第二碟嘅速度會慢過第一碟

經過女人街見到一間新開嘅石燒牛店，最吸引眼球嘅就係佢嘅$98任食吉列牛舌！簡直係性價比之王，令餓鬼上身嘅🤰🏻即刻衝左入去🌝無限任食吉列牛脷 $98可以無限refill嘅牛舌都只係$98，性價比超高！大食嘅男仔都唔驚唔夠飽！而且唔會將價就貨比啲cheap牛你，牛舌質素唔錯，仲要厚切添！放上熱石到翻熱幾秒，逼出油脂，已經好香且帶有咬口，再點埋蛋黃醬好夾！如果怕膩亦可以唧啲檸檬汁🌝A4和牛壽喜薄燒 $138呢款係薄燒和牛，放係熱石上燒輕輕煎下兩面就食得，和牛片肉質超滑，勁香油脂味，另外仲配埋蛋汁、壽喜燒汁同黑松露醬，味道更上一層樓😍🌝牛肉刺身 Carpaccio $88呢款好特別！好少機會食呢啲牛肉刺身，通常食牛肉tartare🤣而呢款牛肉刺身就係薄切，肉質細滑，配埋側面啲炸海帶食幾香幾夾🌝紫菜月見飯 +$38轉set(包紫菜月見飯、沙律、冷泡茶)一見隻蛋就知靚多蛋，橙黃色嘅蛋黃非常吸睛🤩蛋味十分香濃，撈埋紫菜同飯食係一流嘅味道👍🏻

90s👦🐥情侶吃貨|😚飲食著數|🇭🇰hkfoodie🍽️(👦)自稱三星米芝蓮食評家(🐥)自稱拉麵沾麵專家👉 主打不專業食評🍽️👉 快閃飲食著數🤑____________👉 不專業食評🍽️.【吉列牛脷】HK$98【A4和牛壽喜薄燒120g 】HK$138【紫菜月見飯+冷泡白桃烏龍茶+沙律 / 晚市套餐加配 】+HK$38 .(👦)🧒先講下餐廳環境，呢間分店座位唔算好多🙈🙈 而且枱與枱之間都有少少壓迫感，枱上面有2個石燒爐🙈🙈 枱面冇太多位放食物同飲品😅😅 加上餐廳小店都幾多客人光顧嘅關係，滿座嘅時候溫度都會稍高略帶dd油煙味！🧒覺得下次再幫襯的話應該會2人share一個石燒爐！咁樣應該會方便多d🤣🤣.食物味道方面，🧒真係幾有驚喜🌟🌟 不得不提個壽喜燒真係好好食😍😍 首先薄切和牛非常之適合石燒，之後再沾醬汁食真係非常之正😋😋 A4和牛本身已經好重牛味，再加上蛋汁令到口感更加滑✨✨ 加上🧒有點埋套餐定食，配埋呢個紫菜月見飯真係冇得輸，可以話呢個組合係味道上叧到🧒非常滿足👍👍.另外餐廳亦有無限任食套餐，🧒都試咗個吉列牛脷無限任食😍😍 兩個可以一齊食一份任食套餐，一份壽喜燒，CP值計番都唔錯👍👍.👦總分評價：⭐⭐⭐⭐(4/5) 食物：⭐⭐⭐⭐(4/5) 性價比：⭐⭐⭐⭐(4/5) 服務：⭐⭐⭐(3/5) 環境：⭐⭐⭐(3/5)____________

直燒和牛商店餐單提供日本菜, 烤肉等推介美食位於旺角區，餐廳座位數20人均消費約$101-200，結賬可以用現金。

您對於旺角餐廳「直燒和牛商店」有何 comment？

直燒和牛商店餐廳詳細資料：

• 直燒和牛商店地址:
  旺角通菜街1A-1L號威達商業大廈地下M號舖
  Wagyu.Store, Shop M, G/ F, Witty Commercial Building,1 A-1 L Tung Choi Street, Mong Kok
• 直燒和牛商店電話:  
• 直燒和牛商店價錢: $101-200
• 分類: 日本菜, 烤肉
• 座位: 20
• 付款: 現金
• FB專頁: 直燒和牛商店 Facebook

更多直燒和牛商店相關資料:

• 直燒和牛商店分店
• Youtube
• Facebook
• Twitter
• Google