牛牧 旺角

牛牧 評價 相片

病左兩三日。

。

今日有返少少精精就出去行下，行下行下又行到女人街，見到好多人，每間睇下發現多左幾間餐廳，想食濕濕地野見到呢間牛牧幾光鮮，就你啦Menu 裡面的食/飲品名幾有心思，睇左一陣有晒定案，點餐丫唔該😆食品叫左生薑牛小扒溏心蛋飯，飯係珍珠米碗上洋蔥煮過的牛小扒十分入品唔乾身，同白飯一啖肉一啖飯會好滿足，溏心蛋合格，配上少少7咪粉更見好食，食佢好過食吉吉家啦$78另一款就叫左豬潤皮蛋芫荽米粉，湯底ok, 芫荽夠多好香呀，豬潤唔老明顯唔係食維記個D, 感覺新鮮，食落口十分舒服，鍾意芫荽的朋友應該都會愛上 $48餐牌見到有款幾新奇又未食過的食品蛋白腐乳多士上檯見到一款鋪滿白砂糖的麵包，無咩腐乳香但切落就覺得唔多似多士，咬落口又幾得意喎，真係腐乳，味道配上砂糖咸甜適中，佢唔係芝士味又可能係白腐乳唔會太濃味，對我來講好有新鮮感，如果佢可以麵包烤耐少少應該會更加口味飲味我叫左「童年」（跟餐+$14，原價應該 $24）熱檸樂煲薑，d薑太新唔香唔好咬，我唔鍾意佢！不過病完無耐就唔飲凍野，下次啦。

。

反而見到女王好好味咁飲佢杯「菠耶菠蘿密」（跟餐+$24，原價應該$34）雪碧配上菠蘿同菠蘿雪糕，平時唔飲凍野的女王都飲到好似小朋友咁。

。

係唔係佢個杯先係童年呀😂

今日超熱，趁女人街未開晒啲檔就見到呢間光鮮得黎有少少另類嘅店子 主要覺得坐得舒服而且想睇下書衝左入去試試一野就俾佢個沙爹犇麵吸引左朋友就叫左個三文治主因個產品圖影得吸引🤣（外貌協會會員） 最後，熱情嘅店員介紹左兩杯野飲瑪瑙奶蓋可遇不可求店員用左好大篇幅誠推，作為不是熱愛奶蓋系嘅小篇就覺得瑪瑙奶蓋冰多左啲，食到葡萄肉但未致於有驚喜；反而可遇不可求可以一試、乳酸味同個飲品色水好配合，少女時代感很重。

整體而言，想坐得舒服而對食物飲品唔係太高要求嘅，去chill一個下晝都唔錯

近油麻地女人街啱啱開咗間食肆橫掂都係食不如試吓啲新嘢，我叫了《牛牧首選漢堡》一出到嚟個賣相幾好，先試吓個薯條香脆幾好，漢堡包因為有蕃茄又有菠蘿加上佢嗰塊牛肉算幾鬆軟不乾有肉汁算係合格以上如果佢個包會再焗一焗令佢更加香脆嘅話就會更佳。

另外試了沙嗲牛稻庭烏冬就一般咗啲。

好彩我地叫了杯《西部牛》及《火牛》特飲，餐要加＄10但感覺係值得嘅，因為兩杯都整得幾靚同埋幾好飲。

有機會會再去試一吓佢的窩夫及甜品睇吓佢掂唔掂先可能係試業階段食完嘢之後，會問吓你意見，呢個係好事👍🏻希望佢會聽意見不停改進

牛牧餐單提供韓國菜等推介美食位於旺角區，餐廳座位數未知人均消費約$50以下，結賬可以用現金。

您對於旺角餐廳「牛牧」有何 comment？

牛牧餐廳詳細資料：

• 牛牧地址:
  旺角通菜街2A-2P號鴻光大廈地下K1-K3號舖
  牛牧, Shop K1- K3, G/ F, Hung Kwong Building,2 A-2 P Tung Choi Street, Mong Kok
• 牛牧電話:  
• 牛牧價錢: $50以下
• 分類: 韓國菜
• 座位: 未知
• 付款: 現金
• FB專頁: 牛牧 Facebook

更多牛牧相關資料:

• 牛牧分店
• Youtube
• Facebook
• Twitter
• Google