潮福蒸氣石鍋 旺角

潮福蒸氣石鍋 評價 相片

其實自己一直好少打食評，但泥到d姨姨服務實在太好，太有禮貌首先，啤酒係任飲，實在太化算了，以後d肉類丸精係任食，我覺得已經好正，仲要好容易預約，前不天打黎就有位

兩年前食過水準可以，今次再食差到不得了，唔知道係咪因爲平日，果晚得四枱客，待應落單上菜又亂，食物水準十分一般，而最後個粥底可以鹹到一個點，完全食唔落。

又貴又唔抵食。

不會再光顧.....

今次食豪啲 食海鮮蒸氣鍋🍲打邊爐最適合一班朋友傾計吹水 坐既時間夠晒長 雖然話就話用餐時間2.5hrs 但個場唔滿都唔會趕人走 慢慢坐到收舖都可以 仲要啤酒汽水都係任飲 真係可以有排坐呀首先粥底方面 選擇了《南瓜排骨粥》 去到最尾才品嚐 粥內包含海鮮啲精華 食落份外鮮甜 即使幾飽都可以食得落碗粥《蒸氣海鮮餐》每人包以下定量食物：一盎《滋潤燉湯》：雖然表面浮油 但飲落去清甜既冬瓜湯 好滋潤半隻《紅燒乳鴿》皮脆肉嫩 輕輕一扯便能齒開半隻《生猛龍蝦》已一開二既龍蝦 好輕易便能起到成舊肉出黎食 啖啖龍蝦肉 口感豐富《貝殼盛盆》每人都可以分到4/5隻貝殻 沒有沙 鮮甜的味道《安格斯牛肉》薄切牛肉 肉質鮮嫩 牛味十足以下係自選4款海鮮中揀：《生猛海蟹》先拆蟹蓋 都有唔少蟹膏 無腥臭味 唔錯 蟹腳都有肉食下 可以輕易就拆出成舊蟹肉😍《新鮮貴妃蚌》大大隻 鮮甜又Juice 好想食多隻添《新鮮蟶子皇》爽口彈牙 唔會韌到咬唔開《生猛鮮鮑魚》手掌心大小 肉質彈牙 口感豐富 唔會似食緊擦子膠😂食完主菜 海鮮套餐後 除左食粥 仲有啲任食既配料俾大家再戰 都係啲丸餃蔬菜 用蒸既方式整 多左種茶樓既味道 感覺更健康分時段入座有唔同收費 以8:30pm前後為分界 差$90嫁 仲要+$20醬油花生 再加一服務費 今次7點入座 每位$448.8 下次8:30pm後再黎食 感覺更抵

海鮮質素非常一般, 388掛名任點任食， 限時兩個半鐘， 一碟醬油收20元， 埋單每人450, 有點不值。

除了基本套餐海鮮， 我們一行六人第一次order了幾粒肉丸同蔬菜， 足足等了三十分鐘， 蒸肉丸同蔬菜又用了20多分鐘， 等候期間我們已經立即作第二次order ~馬拉糕同薑汁糕， 又等多20分鐘， 還未開始蒸甜品,正過糕還有一鍋粥未吃,一名白衫侍應臭著嘴臉,催趕我們埋單， 要我們即時交枱。

我們會記住這間酒家，永不幫親。

到過潮福很多次 幾個月沒來 發現自助餐牌加價 沒有了乳鴿 牛肉和雞肉也變成定量而非自助。

飲料的品種也減少到很少的幾款。

物價上漲加價和餐牌變動都可以理解，但海鮮質素較以前打了非常大折扣！蜆：蒸上時沒有按時間，導致過熟，且並不新鮮。

龍蝦：size較之前細小一些，但算新鮮紮實。

蟶子：變小只不說，非常不新鮮！霉味 腥臭，投訴後要求換了新鮮的給我，店家明明有好貨卻故意不控制出品的標準。

鮑魚：正常，但沒有切花刀了。

元貝：算正常，粉漿略重。

雞肉感覺沒有以前的嫩滑，牛肉蔬菜等算正常，但粟米是肉眼可見佈滿爛粒，無奈。

服務：蜆忘記按秒錶導致過熟，菜心按了時間但明顯蒸過頭導致變黃變爛。

元貝蒸完發現沒有熟透再回蒸。

感覺服務並沒有培訓好，蒸汽海鮮最重要就是時間的掌控，這一點這次很不ok。

以及，過往來吃都會很勤力換碟，現在給一個大盆叫客人自己放置骨殼進去為了減少換碟次數？多次要自己要求才得到換碟。

散叫自助都吃過幾次以往都很滿意，這次的自助很失望，食物和服務水準下降太多了⋯

潮福蒸氣石鍋餐單提供粵菜, 廣東, 火鍋, 點心, 蒸氣火鍋, 酒樓等推介美食位於旺角區，餐廳座位數未知人均消費約$201-400，結賬可以用現金。

您對於旺角餐廳「潮福蒸氣石鍋」有何 comment？

潮福蒸氣石鍋餐廳詳細資料：

• 潮福蒸氣石鍋地址:
  旺角旺角道1號壹號商業中心1樓全層
  潮福蒸氣石鍋, 1/ F, One Mong Kok Road Commercial Centre,1 Mong Kok Road, Mong Kok
• 潮福蒸氣石鍋電話:  
• 潮福蒸氣石鍋價錢: $201-400
• 分類: 粵菜, 廣東, 火鍋, 點心, 蒸氣火鍋, 酒樓
• 座位: 未知
• 付款: 現金
• FB專頁: 潮福蒸氣石鍋 Facebook

更多潮福蒸氣石鍋相關資料:

• 潮福蒸氣石鍋分店
• Youtube
• Facebook
• Twitter
• Google