海皇粥店 旺角

海皇粥店 評價 相片

感覺有點熱氣，朋友話食清淡Ｄ，一想起清淡就等於食粥。

一想起食粥，只會諗起海皇！其實都好少去海皇，因為熱天總會吾想食粥，但冬天又只會想去打邊爐。

當然，吾舒服就又另一個講法！就係因為太耐無食過，先發現原來海皇有甘多甘多新選擇，好喜歡佢既進步！經已吾再係獨孤一味，只係粥，糯米雞，蘿白糕。

連無諗過既食品都可以係度見到，例如銀針粉，西式飯，蒸魚！實在驚喜！我揀左個魚片粥，配半條油炸鬼＄37，價錢很合理！油炸鬼超脆口！粥亦很綿，可能係魚片粥既關係，所以都較淡口，份量亦好多！

記得早十年前食海皇粥店既粥品時，這𥚃既style仍然係大排檔欵式，熱辣辣，夜市氣氛濃厚。

十年後，如今已經變成連鎖店。

今日我來海皇粥店食咗個lunch，特餐$36 艇仔粥 配蘿白糕 。

唔知點解，這幾星期外出食飯order中既食物，大多數白雪雪，換言之味道都係淡淡地 ，要落鹽 。

蘿白糕大大舊，味道一般，不過夠冧身；艇仔粥料好多魷魚，豬皮和肉碎，其餘材料就唔多覺。

粥本身只係暖，可能因為連鎖式煮大pan粥，肯定唔係用細pan即滾。

我發現餐牌上另有生滾鯪魚球粥，應該係呢種先有生滾粥~~ 桌上有一個好乾淨既醬料盤，甜醬花生醬豉油整全，清潔度good good ，不過店內氣氛就唔及舊時，無咗熱哄哄既感覺。

呢排肥左，想減下肥，食清淡d突然想食粥，見到大大個海皇既招牌就走左入去，呢到粥既選擇有好多仲有各式各樣既腸粉，炒米粉，魚蛋，燒賣，豆漿等。

不過因為一個人食，就只能叫一粥一送。

我叫左一碗皮蛋瘦肉粥，一碟XO醬蘿蔔糕。

等左5分鐘都冇，d野就黎齊哂。

丫姐既服務態度都好好，好有笑容。

仲同我講筷子係個盒到原來香港係有d甘有人情味既staff佢又同另一個坐係到既婆婆講：手抓餅要用手met黎食：我尋晚都食左舊，好有咸香呢個姐姐真係好有禮貌，會講歡迎光臨，人地埋單，會講2次多謝哂同拜拜想食服務同靜靜地既地方可以黎試下呢到都幾少客人下

見餓餓地就係附近搵下午茶食，見到呢度有下午茶，我朋友又未食過，就一齊入去試下。

叫左咖啡雜錦拼盤 (手抓餅 + 咖哩魚旦 + 蘿白 + 咖哩魷魚 + 豆漿) 和 輕盈茶餐 (艇仔粥 + 炸腸拼叉燒腸)啲食物都算出得快，艇仔粥細細碗，下午茶食就啱啱好，炸腸既油炸鬼夠脆，不過叉燒腸就差啲啲，啲叉燒跌哂出黎，同唔夠熱。

而咖哩魚旦，蘿白和咖哩魷魚都ok, 係手抓餅太油，可以改善。

服務都ok架，雖然人手唔多，不過都快手同有禮貌。

呢間算係我去過裝修得靚既粥店，都坐得舒適，加上係下午茶時段，所以都唔洗等位，唔洗搭枱。

雖然出左好多新既餐單 (有不同既飯餐，有咖哩雜錦拼盤等等) 不過我覺得佢既粥品類係ok既，其他既就真是麻麻

相比白粥油炸鬼，其實甜豆漿油炸鬼更討我歡心，但相比白粥油炸鬼，更難找到好的甜豆漿油炸鬼油炸鬼完全不香脆，質感挺硬，失望。

豆漿是無糖的，侍應給了兩包白糖，全下了還是不夠甜也沒什麼豆香。

豆漿不佳，油炸鬼低質，這個組合自然是失敗之作。

牛肉腸粉外表正常腸粉皮做得不錯，我不是追求薄皮之人，厚度挺對我口味，不太厚也不太薄，還帶點米香的味道，配上甜豉油也可稱得上平凡的美味。

然而，作為牛肉腸粉它依然不合格，問題在於牛肉咸得要死，吃到一半我是受不了要把牛肉挖走才能吃下去😒對於連鎖式餐廳，向來不會抱有高期望，但正因為一個集團之大，認為它必須備有一定水準。

以前覺得海皇粥店的質素還可以，性價比合格，幾年沒吃，這次再吃感覺是完全不可以了。

小時候經常在茶樓吃家鄉銀針粉，現在像是失傳了找不到賣的地方，當天點菜後才發現這裡有賣，基於對它的熱愛，即使這次用餐經驗不理想，我還是會來吃一次看個究竟。

海皇粥店餐單提供港式, 粥品等推介美食位於旺角區，餐廳座位數未知人均消費約$50以下，結賬可以用現金，Booking訂位可以電話致電 26569308 查詢。

您對於旺角餐廳「海皇粥店」有何 comment？

海皇粥店餐廳詳細資料：

• 海皇粥店地址:
  旺角水渠道38-42號寶石大樓地下A號舖
  Ocean Empire Food Shop, Shop A, G/ F, Ruby Mansion,38-42 Nullah Road, Mong Kok
• 海皇粥店電話: 26569308
• 海皇粥店價錢: $50以下
• 分類: 港式, 粥品
• 座位: 未知
• 付款: 現金
• FB專頁: 海皇粥店 Facebook

更多海皇粥店相關資料:

• 海皇粥店分店
• Youtube
• Facebook
• Twitter
• Google