棋吧 旺角
最後更新:
棋吧推介
位於旺角的樓上酒吧café，供應各類卡牌遊戲、西式食品及雞尾酒，生日客人更可獲贈特色RainbowShot。
旺角棋吧
| 餐廳分店 | 棋吧 |
|---|---|
| 地區 | 旺角 |
| 電話訂位 | 94975070 |
| 餐單 Menu | 港式, 西式, 樓上cafe |
| 人氣指數 | 924 |
| 價錢幾錢 | $51-100 |
棋吧訂位位於旺角區，詳細地址是旺角登打士街36號恒威商業中心12樓，餐廳寬敞座位數目共有24個。棋吧幾錢？價錢優惠後人均消費大約$51-100埋單，早餐午餐晚餐棋吧餐單包括有港式, 西式, 樓上cafe等美食，付款方式有現金,payme付款，Booking網上訂位可以電話致電 94975070 查詢訂座。
棋吧優惠
棋吧 評價 相片
話說🐖本來約咗班朋友BBQ，但因為疫情同天雨關係就轉咗樓上cafe玩下boardgame(未出4人聚會之前)，就上網搵到哩間告急黃店。
位置都幾偏僻難搵，🐖同幾個朋友都盪失路，係家樂坊向廣華相反方向行過一個十字馬路口，見到登打士街高氏大廈再行前就有條巷仔，轉入去就會見到個好舊嘅恒威商業中心嘅門口仔，搭lift上12樓就係。
————————————————————舔舔脷指數 : 🐽🐽🐽🐽🐽🐽🐽(6.5/10）抵食指數:🐽🐽🐽🐽🐽🐽🐽(7/10)————————————————————韓式辣卡邦尼煙肉意粉(套餐價$128包一杯$52飲品)意粉唔會太硬啱啱好，卡邦尼幾夠味得來唔會好漏，都幾多汁幾creamy下，再加多少少辣味好惹味(不過朋友就話好辣，🐖就覺得唔算好辣，只係少少，應該係佢唔食得辣😂)，煙肉幾足料，份量都大份，女仔會夠食，加多隻溫泉蛋🍳就perfect池。
薯條+雞翼+麥樂雞因為比朋友發辦所以基本上🐖係唔知嗌咗啲乜唔知幾錢，亦都掛住玩唔記得咗影相要講番聲sorry先😅薯條係粗身個隻，出到來脆卜卜，熱辣辣咁食幾正。
麥樂雞唔錯，配埋佢比嘅甜酸醬好過麥XX。
雞翼一樣炸到脆卜卜，冇乜炸粉，不過唔知係咪醃得唔夠，🐖覺得有啲啲雞腥味，加啲椒鹽/醬會好啲！香蕉朱古力($54)又掛住玩唔記得影相😵，都幾大杯，出到來啲冰未溶曬個底仲係暖暖哋，香蕉味唔算好重啱啱好，朱古力都幾甜但都接受到，兩者一齊個味好夾，係幾好飲。
嘢食來講不過不失，環境唔算大，但坐落都唔會覺得迫。
Board games類型都比較多，真係可以玩足一日。
見到佢得一個店員，所以上菜速度比較慢，但見佢係即叫即整，都覺得算係咁，同埋去cafe都係for聚會多過食嘢，奉勸大家唔好肚餓時上去。
佢好似有最低消費，大概係每人一杯嘢飲，如果你唔食嘢淨係飲嘢的確係會比較貴，但百幾蚊坐足一個下午其實都算抵。
🐖見到佢比較冷清，佢開4點，🐖由4點幾玩到8點幾都留意到佢淨係得45枱客(計埋🐖)，哩個時勢大家更加要幫幫手，等佢可以撐住。
平時工作咁忙，返工放工食飯搭車都要同人逼，難得放假都想搵個地方好好休息下，所以決定搵間樓上cafe同朋友坐低吹下水，俾自己放鬆一下。
哩間樓上cafe嘅位置喺旺角，幾方便住唔同地區嘅朋友去。
但佢嘅入口可能會有少少難搵，佢喺登打士街，彌敦道同砵蘭街中間嘅一條小巷，見到條寫住Paris嘅巷仔行入去就啱，唔洗懷疑🤣入到巷仔前行幾步就會見到哩個恒威商業中心嘅入口因為係佢啱啱開門冇耐我地就上去，所以我地係第一枱客人入坐前店員會為我地探熱，然後遞埋酒精搓手液俾我地先入坐望落環境唔錯，仲分配到去窗口位，可以望到旺角嘅街道因為夜晚仲會食晚飯，所以只係叫咗2個tea set，有小食加飲品.🐽粗粗地炸薯🐽佢嘅炸薯條新鮮炸起夠哂熱而且都幾粗，上面又有啲調味粉，鹹鹹地咁，就算唔點醬都夠哂味.🐽麥樂雞🐽覺得佢嘅麥樂雞比起麥當勞嘅仲好味！平時食麥當勞嗰啲會覺得層皮唔係痴住中間啲肉，空氣感比較重但哩間嘅麥樂雞食落嘅口感就實淨啲，而且仲有配埋泰式辣醬.🐽青蘋果綠茶🐽同道地嘅蘋果綠茶相比，哩間cafe嘅青蘋果綠茶嘅蘋果味幾濃🍏同綠茶味好夾🌱.🐽蜜桃紅茶🐽至於蜜桃紅茶比青蘋果綠茶再甜少少，有甜甜又濃郁嘅蜜桃味🍑.總括嚟講都幾滿意，而且餐牌後面仲有埋遊戲指南，連好少玩game嘅人都可以參考下(但唔夠位放埋上嚟OpenRice 大家可以去到幫襯嘅時候睇)，唔洗一頭霧水，覺得幾貼心💕樓上cafe嘅環境會比較清靜，坐窗邊位仲可以飽覽旺角嘅街道😆係上面hea下，玩下game，同朋友吹下水就好快過咗幾個鐘，啱哂忙碌嘅香港人想放鬆下嘅時候去
15人已經包到場又包埋嘢食嘢飲，最重要係唔需要自己清場。
價錢方面唔貴，per person $228蚊有K唱有牌打，又有人教玩boardgame，地點就腳。
包場package 有兩盤salad, 三文魚salad好足料，薯仔salad個醬加左黑胡椒，辣辣地幾野味。
鼓油雞亦好入味，另外仲有幾籃炸小食，一路炸一路出，熱辣辣脆卜卜，唔會好似party house叫到會咁擺到淋晒。
而意粉就推介韓式卡邦尼。
包場仲會送set rainbow shots，一路倒一路變色，一人一杯，幾特別，group photo 打卡啱晒，但味道就唔係杯杯好飲，因為杯杯唔同味。
另外包場可以特價加beer package，$328/ 24 cans heineken一早幫我地雪埋又唔需要自己搬上去，！
同一班好耐無見嘅朋友有個聚會，想搵個可以坐耐d嘅地方傾下計hea下咁。
呢到提供好多boardgame 任你玩，仲要無限時，所以就決定同朋友黎試試。
入到餐廳已經見有一櫃boardgame 係到比你自己揀，自己攞黎玩。
因為肚餓，我和朋友們快快脆脆地點餐。
我叫了個香草忌廉煙三文魚意大利粉，$132包埋野飲。
純碎講食物質素嘅話就只係普普通通，不過黎得呢d地方都唔會對食物要求咁高，值得讚嘅係個煙三文魚份量比得好多。
同朋友玩board game 個陣有唔明，個店員主動走過黎教我地，服務唔錯。
話說小弟生日想搵個地方叫d friend一齊玩逼佢地同我慶祝 咁啱其中一個話黎過呢間”棋吧” 話地方環境唔錯 又有好多boardgame玩 咁我就打去問問包場啦個package ok喎 包沙律、小食，主菜就兩款意粉，每人一杯野飲，可以加錢轉cocktail，由6點包到11點，計埋加一都係二百蚊位到我地又真係玩足5個鐘喎，店員都好好服務，會主動問我地需唔需要教game佢地見我地咁多人，都推薦左幾隻party game我地玩，其中一隻傳情畫意真係笑到我地標眼水！最後原來個package包埋一set rainbow shots, 人人都有一杯，店員喺我地面前倒出黎，會慢慢變色的！好神奇！即我地廿幾人佢就拉左廿幾杯出黎，勁！搵啱地方所以呢個生日我就過得好愉快喇！
棋吧餐單提供港式, 西式, 樓上cafe等推介美食位於旺角區，餐廳座位數24人均消費約$51-100，結賬可以用現金,payme，Booking訂位可以電話致電 94975070 查詢。
您對於旺角餐廳「棋吧」有何 comment？
棋吧餐廳詳細資料：
- 棋吧地址: 旺角登打士街36號恒威商業中心12樓 Odd Boardgame Bar & Cafe, 12/ F, Hanway Commercial Center,36 Dundas Street, Mong Kok
- 棋吧電話: 94975070
- 棋吧價錢: $51-100
- 分類: 港式, 西式, 樓上cafe
- 座位: 24
- 付款: 現金,payme
- FB專頁: 棋吧 Facebook
更多棋吧相關資料:
香港餐廳2026推介8月