東京迴轉壽司 旺角

東京迴轉壽司 評價 相片

我幫襯了這間壽司店, 我諗都有十年, 店內的職員好親切, 掛住佢地呀!!!! 大家識左咁耐, 需然只係點頭之交, 店子突然間結束左, 真係不敢相信, 平日見客以雲來, 真係諗都無諗過會結業, 以後都唔知再會唔會有機會見面 啦!!!我啦!! 姐姐啦!!! 同媽媽都好鐘意去這間店吃壽司,特別愛吃肥三文魚, 佢的三文魚特別有魚味,又新鮮, 生蠔手卷亦係我的至愛, 炸粉加上肥嘟嘟的生蠔, 炸的火喉啱啱好, 再加上凍凍地的三文魚子, 一熱一冷的配合, 實在是一極品, 價錢合理. 香港失去了一間好好的壽司店. 以後去邊到食壽司呢?????? 太可惜了.(兩位姐姐,叔叔, 一班的壽司師父 和 一班後生的樓面職員) 你地要保重呀!!! 加油呀!!!!

尋日同衰公出旺角，一心去東京食帆立貝壽司，其實基本上食親壽司都必揀東京的，而家平價而又安心可以係迴轉帶上揀壽司既真係無乜幾間...差唔多行到去我突然有D不安既感覺:『而家佢附近開左幾間新壽司鋪，佢會唔會做唔住....』點知....真係比我講中，去到發現佢執左!!!真係超唔捨得.....誠心希望佢會開番啦......

係咪真係執左??如果係,真係好可惜呀!!仲記得12月27號果晚, 男朋友同我專誠去東京諗住食sushi啦,其實差唔多每次我地去旺角, 夜晚都會去東京!男朋友鐘意佢D挪威三文魚! 好好味!我就鐘意佢D軟腳蟹手卷(每次要都一孖咁叫)! 同埋八爪魚sushi! 有一次叫八爪魚, 佢比左兩塊我呀! 哈哈!果到有好多同男朋友既回憶!每次去食sushi都會坐好耐慢慢食, 傾下計, 休息下!如今, 執左, 非常可惜呀! 太突然了!

尋日經過見到東京執左,覺得好可惜... 早知佢執,我會食多幾次!!! 幫襯左佢超過五年. 東京d野唔可以話好高水準,但係都算係新鮮.價錢又唔貴,每人食一百蚊已經好飽.黎食佢係因為鍾意佢d壽司既口感,特別係三文魚壽司,塊魚真係勁厚切.佢自已都標榜自已係"全港最厚切既三文魚壽司".除左三文魚壽司,佢個煙三文魚壽司,吞拿魚腩壽司都好好味. 天婦羅芝心卷都好正~炸完d天婦羅用飯包住,好似加洲卷咁,但外圍有層剛剛熱熔既芝士包圍住.食定完既感覺好滿足!出面板前呀,峰個d都無架.仲記得第一次係個好朋友帶我去,去到門口我仲話"哇!呢間野個樣咁up dup,會唔會唔乾淨食到我肚痛架?!" 個次食完之後,就鍾意左東京,仲成日介紹d朋友去食... 高峰期個時,我同我個好朋友,一齊放十點工之後去食,一個星期食三次,連續食足幾個月雖然入面環境唔係太靚,不過都叫企理,都已經慣左同朋友去呢個老地方,傾下計又食下野...但係而家無左...真係好可惜... 希望有日見到佢既招牌再係附近出現啦...

好似是我飯堂一樣我是好衰的, 每次都要他們即做的, 不是因迴轉帶上的唔夠新鮮, 只是我喜歡凍冰冰的三文魚三文魚好大件, 凍冰冰, 正正正芝士蟹子壽司, 好正, 我覺得從沒有一個地方好食過呢度帆立貝壽司, 已前平D, 現在貴了, 但都一樣好食, 好大件, 都係那一句, 叫他們即做的, 凍冰冰, 超正炸蝦壽司, GOOD其他無特別

東京迴轉壽司餐單提供日本菜, 壽司, 刺身, 迴轉壽司店等推介美食位於旺角區，餐廳座位數未知人均消費約$51-100，結賬可以用Visa,Master,現金。

您對於旺角餐廳「東京迴轉壽司」有何 comment？

東京迴轉壽司餐廳詳細資料：

• 東京迴轉壽司地址:
  旺角彌敦道566號地舖
  Tokyo Sushi, G/ F,566 Nathan Road, Mong Kok
• 東京迴轉壽司電話:  
• 東京迴轉壽司價錢: $51-100
• 分類: 日本菜, 壽司, 刺身, 迴轉壽司店
• 座位: 未知
• 付款: Visa,Master,現金
• FB專頁: 東京迴轉壽司 Facebook

更多東京迴轉壽司相關資料:

• 東京迴轉壽司分店
• Youtube
• Facebook
• Twitter
• Google