新日與夜咖啡室 旺角

新日與夜咖啡室 評價 相片

同一班小學同學一齊出黎食飯 , 對我黎講係好難!!難得今次可以同一班朋友一齊食飯~happy先講下環境啦!環境都唔錯...都幾有情調~有電視機比我地玩wii~食物方面 :個照燒雞飯幾好...汁岩岩好!唔會太多汁太水 , 又唔太少汁太乾!good~薯條好香口~好脆!正~泡芙好凍~岩哂大熱天時食!~下次有機會都可以黎試下!~環境,食物,服務都唔錯!~ (:

本身想試第二間但去到門口見到只招待會員，又好似幾熱鬧咁點知入到去見到個餐牌就知衰左，晚餐得啲拉麵同飯，一碗七八十蚊仲要得一款餸== 點左個花茶無得煲熱，冷氣大壺野一陣就凍哂！蜜糖又無，好差！ 啲野食又難食，鹽燒三文魚一啲味都無：（係個環境報置幾好

第一次寫食評...因為感覺好差...1. d野食黎得勁慢!!2. 人手嚴重不足, 叫人黎整下部wii...佢地竟然回應話「好忙」喎...下下要叫先識執枱3. 玩具殘舊不齊4. 原本話有k唱, 但唔該都無聲比隔離房攞左, 搞到最後無得唱...5. 個女人話原來15人可以包房(我地果晚係15人呀)...但原先唔係咁講, 包房另一個價錢!!! 搞到我地15人, 同第二班人(若12個)...成20幾人迫埋係大約300尺地方...真係無陰公!!!6. 最後的泡芙, 硬到咬甩牙!!不過公道d...d薯條好好味~ d女人態度好差...唯一個男的態度好~

一早就訂好位…上到黎…有2個門口喎…似乎係分開左2個ROOM…唔通就係日同夜??!!一邊俾人包左場…我地係門口企左一陣…都冇人招呼喎…=.=’ Finally可以坐sofa位喇~ 幾CONFORTABLE~ 可以自成一角…睇下個menu…可以自行點菜or 放題...可配飯, 拉麵, 烏冬, 薯菜...呵呵…唔食得咁多…就叫set好了…一行7人都可以食自己like既野~榛子朱古力個賣相好靚喎…底部係特濃的朱古力…上面係牛奶沙冰…面灑左d可可粉…要自己搞混佢地…就成了我的特飲了~好match 的~ 夠曬冰凍…小沙粒冰…同朱古力溶合左架~雞翼釀餃子&鹽燒三文魚拉麵雞翼真的脹卜卜囉~吃下去…冇骨的! 啖啖肉…口感好好…滑滑彈牙的雞肉…三文魚真的好細片…加了燒汁…就只有汁的濃味…肉質都過老了…拉麵不過不失的…湯底就不知怎解的有一層薄油係面…=.=’ 天婦羅呵…蝦都幾好味…都幾大只…重要是不會霉左…雖然上菜時係暖的…但天婦羅皮都係淋曬既…要幫佢甩左皮先好味D~三文魚生跟MEAL的…有3片…佢地主打的…如果係放題就可以任食喇…不過好似又唔係咁吸引咋喎…小小的片…看下去好淋的…不夠雪嗎??!!泡芺甜品…似乎是現成的…愛一口咬下去有好多cream 喇~ yummy~友人第2次來了…都有同樣的問題…就係D野都係唔夠熱的…不論湯, 飯, EVEN熱飲…是這單位沒有熱水? Or kitchen等太耐先上菜? Or 窩心的怕客人太熱?店員不夠喇…見佢好忙的..!!!

我之前已經食過一次係set lunch~係蜆打意粉 好少汁真係好難食....冇味ge!!!但見佢$30 都唔係貴...甘就算啦之後前數日同成班同學gathering佢地book左呢家...我就諗"俾多次机會你地啦!"點知都係甘難食今次唔講佢d野食 淨係講野飲我d朋友都話唔洗$都唔飲...飲水好過飲呢d野d棋又唔齊ge!好彩我地係傾下計....但埋單都要$70下次一定唔會再去

新日與夜咖啡室餐單提供日本菜, 雲吞, 餃子, 樓上cafe等推介美食位於旺角區，餐廳座位數60人均消費約$51-100，結賬可以用現金。

您對於旺角餐廳「新日與夜咖啡室」有何 comment？

新日與夜咖啡室餐廳詳細資料：

• 新日與夜咖啡室地址:
  旺角彌敦道570-572號基利商業大廈19樓03室
  New Cafe Day and Night, 19/ F, Kelly Comm. Bldg,570-572 Nathan Rd., Mong Kok
• 新日與夜咖啡室電話:  
• 新日與夜咖啡室價錢: $51-100
• 分類: 日本菜, 雲吞, 餃子, 樓上cafe
• 座位: 60
• 付款: 現金
• FB專頁: 新日與夜咖啡室 Facebook

更多新日與夜咖啡室相關資料:

• 新日與夜咖啡室分店
• Youtube
• Facebook
• Twitter
• Google