拌拌韓國餐廳 旺角

拌拌韓國餐廳 評價 相片

今飯時間心郁郁想食韓國野, 朋友推介黎左呢間拌拌到食. 黎到都唔算太多人, 但都要等位, 等左15分鐘左右.由於一早已經係門口睇好左食咩, 所以一坐低就已經叫左個 泡菜撈麵, 麵底有d泡菜, 而配料就有青瓜同蛋, 泡菜本身酸酸地唔算太辣, d菜都好爽, 幾喜歡佢d泡菜, 但個麵就麻麻地, 個人覺得太淋, 無晒咬口, 口感有d糊糊地, 而青瓜就好新鮮好爽口.整體黎講都算OK既, 但麵質有待改善.

同條仔去左食炸雞啤酒, 佢驚死我唔夠肥, 係要整肥我囉!呢間D炸雞味道其實都幾好, 左邊個蜜糖醬甜甜地咁, 而且好結, 不過個炸雞皮就被個醬整到林晒, 右邊就辣辣地, 仲林過左邊, 搞到好似食緊普通雞咁中間仲有一D薯條同炸年糕, 熱辣辣都幾香口, 年糕又彈牙, 不過呢個拼盤其實要成200幾蚊...加上其他小食, 呢餐都要成300呀, 好貴呀!

旺角既韓國菜其實都幾多下，就咁一條街都已經有3至4間，但就未必間間都好食要試過先知，而我就被門口既芝士豬肋骨既poster吸引左，於是就入左去啦，晚飯時間人唔算多，我地兩個人都可以坐4人枱，叫完野食就上小菜，有泡菜，翠肉瓜同魚片，味道唔差不過就凍冰冰，唔係放左係雪櫃個隻凍而係放左好耐俾冷氣吹住既凍，不過都無理咁多好快就食哂呢個係個set黎，壽司加炒年糕$90，都幾大碟所以幾抵，壽司就無乜特別都係酸蘿蔔火腿個d料，不過應該係即整，因為紫菜無冧哂咬唔開，而係仲有少少脆至於炒年糕，睇個樣以為幾辣下，但味道屬於偏甜，好少辣，仲有少少魚片，幾好食泡菜撈麵($68)menu上面有兩隻辣椒圖案，以為好辣，不過同炒年糕一樣都係微辣，俾佢呃左，不過酸左d，同埋有d寡因為無乜配料芝士炸雞($198)叫炸雞唔叫豬肋骨係因為師奶心態覺得炸雞會多肉d炸雞撈左甜酸醬，啱啱炸起所以好好食，而加埋芝士緊係無得輸啦，但芝士份量太少同埋好快凍哂硬哂，所以點左幾舊雞就無得點啦，有d失望本來幾期待個芝士炸雞，點知有少少失望，不過個炸雞就咁食都幾好食既，而年糕同壽司都ok，入面有個韓國男人都幾nice，整體都唔差的

韓式膳食幾特別，點左個韓式炆牛肋骨飯， 不過水汪汪，似牛肋骨湯飯，咁還好牛肋骨尚算入味，不過好稀，無濃汁既感覺韓式炒粉絲，份量不多，粉絲炒得不夠乾身，唔多好吃，不推介。

海鮮煎餅，吃煎蛋咁，無乜粉咁，不過就煎得幾乾身，料都算足，但質素都一般般。

我去過兩次Bibim Korean Restaurant ，第一次食"一人套餐..烏冬套餐", 雖然一個普通湯烏冬, 但味道真不錯,簡單又普通嘅食物, 先可以睇出間鋪頭嘅真材實料而第二次去食黑豆拉麵及佢哋出名嘅韓國炸雞, 炸雞有四種味道及有骨, 冇骨選擇, 最後我哋揀咗原味, 甜酸要冇骨(人懶)嘅兩種味道, 因為佢哋係即叫即煮, 所以等得時間耐咗D, 不過有個後生男waiter走埋嚟, 同我哋講, 因為雞係要炸好多次, 所以要等耐少少, 佢真係好好嘅服務態度.....下次再去我會試有骨, 佢哋會比手套我哋, 要用手去食好在我哋叫咗個黑豆拉麵, 佢個樣就麻麻哋, 但食落就幾好味, 食到尾個主角出場喇,  真係冇令我失望, 我仲試到炸嘅年糕...全部都好好味 佢哋價錢又唔貴，真係可以一試

拌拌韓國餐廳餐單提供韓國菜, 快餐店等推介美食位於旺角區，餐廳座位數未知人均消費約$51-100，結賬可以用現金。

您對於旺角餐廳「拌拌韓國餐廳」有何 comment？

拌拌韓國餐廳餐廳詳細資料：

• 拌拌韓國餐廳地址:
  旺角豉油街126號地下K號舖
  BIBIM Korean Restaurant, Shop K,126 Soy Street, Mong Kok
• 拌拌韓國餐廳電話:  
• 拌拌韓國餐廳價錢: $51-100
• 分類: 韓國菜, 快餐店
• 座位: 未知
• 付款: 現金
• FB專頁: 拌拌韓國餐廳 Facebook

更多拌拌韓國餐廳相關資料:

• 拌拌韓國餐廳分店
• Youtube
• Facebook
• Twitter
• Google