成都老碼頭火鍋 旺角

成都老碼頭火鍋 評價 相片

雖然依家天氣開始熱返但都係無阻女朋友打邊爐嘅興致夾硬比佢拉左去「成都老碼頭」Shabushabu!.🔸環境充滿古色古香嘅「成都老碼頭」火鍋共有兩層，室內空間極大而且樓底又高，最重要嘅係每張枱都好大一張坐得舒服自在～位於樓梯前有醬料枱多達十款醬料，如香油，醋，黃豆等等想點「溝」都得啦仲有老碼頭秘製醬料又香口又解辣，不仿試下除左醬汁，仲提供公筷，一次性圍裙連水果都有埋添～PS.醬料費每人$25.🔸餐牌款式指數：🌕🌕🌕🌕湯底有七款，普通款同特色款我地揀左鴛鴦鍋成都無渣紅油麻辣同豬骨湯 $168而火鍋材料分為八大類仲有特別小食同飲品款式幾多樣化，仲好特別添.🔸老碼頭筷子牛肉 $88美味指數：🌕🌕🌕🌕🌕牛肉切開條狀，醃至入味表面灑上芝麻，擺盤極為吸引～牛肉味濃，無多餘油脂口感好軟嫩，超正！.🔸手抵龍蝦肉蝦丸 $68美味指數：🌕🌕🌕🌕以龍蝦肉所製成，入口彈牙仲有龍蝦肉貨真價實蝦丸表層係滿滿嘅蟹籽粒，令口感豐富～.🔸脆炸午餐肉 52美味指數：🌕🌕🌕🌕🌕午餐肉切成約1cm嘅厚切炸至金黃色，咬落極為香脆最欣賞嘅係選用金華火腿午餐肉肉質更具層次感～.🔸串串蝦 $82美味指數：🌕🌕🌕🌕大蝦蝦殼係青灰色，透明有光澤可見非常新鮮～肉質彈牙，食得出嘅鮮香.🔸手西洋菜餃 $38美味指數：🌕🌕🌕🌕先叫左半份，點知堅好味，結果又encore 左提提大家，最好叫全份，平$4架皮薄餡多，勁多西洋菜.🔸杞子龍眼菊花蜜 $68美味指數：🌕🌕🌕🌕樽底好多龍眼，杞子同百合可見用料夠足甜度自然清香，下火一流.ps. 7:30前買單有折架

最近疫情開始明朗 就忍不住出外堂食返一次平時係屋企打邊爐的味道 始終比不上餐廳所以一係唔出街食 一出就食最地道的風味不得不提餐廳衛生好好 門口仲有部全身殺菌機添裝修食具都好有中國宮廷風 非常豪華有氣派.火鍋湯底🍲鴛鴦成都原味(小辣)🌶煮一陣就已經有好香的牛油/花椒味雖然揀左最低的辣道 但已經好辣了🙈滿滿的辣椒豬骨湯🐷味道清清地 配上鮮菇 紅棗杞子 葱姜等好彩有叫鴛鴦鍋解辣😂不然會陣亡 太耐冇食辣.難得出街食 就緊係要試特別的食材(吃厭了牛豬)🥢紅糖糍粑店員上菜時話要盡快食 更說是成都火鍋必食之一外表炸得脆 裏面就Q軟 沾上紅糖 黃豆粉 白砂糖🥢老友鬼鬼超有創意的一道菜 是油炸鬼+墨魚滑+蟹籽當油炸鬼吸滿了湯底 就會自動反轉煮墨魚滑那邊了🥢極品鵝腸個人覺得這個一定要配辣湯底 吃起來才會惹味鵝腸好新鮮沒有異味 清得乾淨 賣相一流🥢手工芝士墨魚丸屋企打邊爐又點會食到新鮮手打的呢🙈完全不同level好滑好彈牙 一咬開仲會爆漿 係芝士啊~好邪惡🥢手工黑松露牛丸雖然黑松露味道不算突出 但口感幾嫩滑新鮮牛肉打的牛丸真係會多汁啲 肉味又濃啲🥢蛋餃呢款菜式真係唔會間間火鍋店有 話哂手工野一咬開超多肉汁/湯汁湧出 有驚喜！🥢即炸響鈴特意影一條響鈴的正面給大家看 好多層次煮3秒就即刻食得 好好味 份量又多.每人$25就可以享用醬料/水果吧是日水果係芒果🥭哈密瓜🍈全部都好甜多汁其實真係幾抵食又高質 好有成都風味 款式又多.岩岩發現原來有外賣套餐 仲要66折😱好抵如果始終唔放心出街堂食的話 可以考慮買這個堂食👉🏻1930前離座/2130後入座都會享有68折

第一次來大角咀這邊找東西吃，火鍋這兩個月都不太敢約朋友吃幸好今天只和男友２人，難藏火鍋癮，選擇這間好評不錯的成都老碼頭火鍋進去之前可以在門口使用這部全港獨有的全身殺菌機，挺有趣也方便，按一按鈕就有消毒噴霧直接噴灑全身能消滅 99.9% 細菌、真菌、病毒全身噴完進去再使用酒精搓手液和量度體溫，有密實袋裝好口罩，防疫措施不錯裡面的環境都很古色古香，很有古時成都宮廷的風格座位寬闊有空間感，有一個醬料及水果自助吧，圍裙也可以在這邊拿醬料及水果費 $25/位特別推介一下這個老碼頭火鍋秘制香油不是辣的，但很香口，突出食物鮮味一流～湯底——全紅 大辣 $168這個一上桌超級紅噹噹的，看著一鍋紅油和辣椒，忍不住用湯匙勺了一小口果然非常的濃厚麻辣！★★★★功夫千層肚 $68/半份這個略燙10秒已可吃，雖然我們常放進鍋裡又忘了，卻也不會縮水，口感細膩爽脆，配上辣底鍋的味道非常入味香辣★★★★碼頭鮮蝦脆肉腸 $40脆肉腸口感鮮嫩爽彈★★★★新鮮串串蝦 $82/半份吃火鍋最愛吃串串蝦，這裡的蝦夠新鮮，口感鮮甜彈牙，配上麻辣更為過癮，回味無窮★★★★★耗兒魚 $46/半份耗兒魚是比較少見的火鍋料，還是店家推介的呢魚骨不多，只有中間一粗骨，對我這種不愛挑刺的就很友好了肉質鮮甜嫩滑，有一點點像九肚魚口感，但是這個更好吃🤤★★★★瘋狂辣牛肉 $68/半份肥牛常常有得吃，今天就來點特別的瘋狂辣牛肉，是他們特別用辣椒粉醃製過，夾進火鍋裡燙也不會掉粉吃起來保有辣椒的香味★★★娃娃菜 $28★★★金針菇 $25蔬菜類都很新鮮，不過我建議吃這個鍋還是肉類比較惹味因為菜太容易入味，就會有點油啦～★★★★脆炸酥肉 $58推介菜式之一，完美做到不油膩，外酥裡嫩，趁熱吃口感甚佳★★★★麻香海蜇 $38海蜇清新爽口，略帶點麻香口感很棒★★★鮮榨橙汁(渣) $58這也沒什麼可挑剔的吧，冰冰涼涼很解辣🙈成都老碼頭火鍋整體評分★★★★地理環境★★★★服務★★★★食物★★★★價位＄＄＄

成都老碼頭火鍋旺角塘尾道61號地舖今晚黎左位於旺角既成都老碼頭火鍋店開餐，知道呢間火鍋店係內地都好有名氣，所以決定同朋友黎試一試未講食物之前，先要讚下呢到既裝修，一入到黎已經覺得好有氣派，好有古代宮廷既感覺，唔知仲以自己係故宮打邊爐第2樣嘢值得一讚既就係呢到既防疫工作，而家全球都受到肺炎疫情影響，大家都少左出街食飯，但係餐廳除左跟足政府指引，只開放50%既位置比食客坐同埋每檯之間相隔最少1.5米以外，每位食客進入餐廳前都必須要量度體温，用酒精搓手液洗手，最後仲每人獲派一個密實袋裝住用緊既口罩，咁就萬無一失，出街打邊爐都唔使驚啦打邊爐最緊要當然係個湯底啦我地揀左成都風味既無渣紅油麻辣鍋(小辣) 拼蕃茄湯，真係好有風味，自己本身都唔算食得好辣既，所以揀左小辣，我覺得岩岩好，當然如果大家食得再辣D既可以挑戰其他級數而火鍋醬料方面都好齊全，全部擺晒出黎自助形式，大家不妨可以試下呢個老碼頭火鍋秘製香油，覺得呢個同麻辣湯底都幾夾，值得一試最後當然係要介紹餐廳既火鍋配料，款式好多而且好新鮮，而家所以配料仲有8折優惠，真係好抵食餐廳好貼心，仲有埋好清香既哈蜜瓜同超甜腰芒做飯後水果，食埋就好完滿啦

有兩三個月沒有食麻辣火鍋，感覺個胃不夠滿足。

美味的火鍋，當然同好姊妹一齊分享，朋友介紹老馬頭火鍋好好食，最近做緊優惠全單折扣低至68折，我是火鍋迷當然必去試試。

地點在旺角塘尾道61號（地鐵A1出口向前直行到尾轉右大約步行4分鐘到達）。

佔地兩層面積超過一萬呎，裝修格局很有宮廷懷舊風，金碧輝煌，店內環境開揚，乾淨企理，坐位舒適寬敞又有私人空間。

有自助醬料區可按自己口味調配料，更有自助兩款水果任食。

服務員態度非常好細心又貼心服務。

底面落單紙食物種類選擇多，可選半份/全份，咁就不會浪費食物。

湯底方面有全紅、豬骨湯、花膠雞、蕃茄湯、沙嗲湯等等，我選擇了鴛鴦鍋；番茄和中辣紅袖（成都原味分小辣、中辣及大辣）紅䄂湯底沸騰起來空氣中瀰漫著羊肉羶味和辣味，辣得過癮十分有風味。

老碼頭筷子牛肉(推介必食）肉面曬滿芝麻，肉質鮮嫩味濃郁。

桂花蚌～清脆滑爽，清淡鮮甜。

珊瑚蚌～口感很爽，肉質鮮甜功夫萵筍片～上枱卷成一朵花整得勁靚，晶瑩剔透，口感爽脆。

還有炸響鈴、冰豆腐、淮山、皇帝菜都好食也新鮮。

總括來說好值得推介俾大家，在網上查紀錄才知道在國內已經超過100間分店，很多明星也是常客。

譽為火鍋界的老佛爺。

成都老碼頭火鍋餐單提供川菜, 四川, 火鍋, 酒樓等推介美食位於旺角區，餐廳座位數未知人均消費約$201-400，結賬可以用Visa,Master,AlipayHK,支付寶,現金,AE,銀聯，Booking訂位可以電話致電 21486268 查詢。

您對於旺角餐廳「成都老碼頭火鍋」有何 comment？

成都老碼頭火鍋餐廳詳細資料：

• 成都老碼頭火鍋地址:
  旺角塘尾道61號地舖
  Cheng Du Old Pier Hot Pot, G/ F,61 Tong Mei Road, Mong Kok
• 成都老碼頭火鍋電話: 21486268
• 成都老碼頭火鍋價錢: $201-400
• 分類: 川菜, 四川, 火鍋, 酒樓
• 座位: 未知
• 付款: Visa,Master,AlipayHK,支付寶,現金,AE,銀聯
• FB專頁: 成都老碼頭火鍋 Facebook

更多成都老碼頭火鍋相關資料:

• 成都老碼頭火鍋分店
• Youtube
• Facebook
• Twitter
• Google