德昌火鍋專門店 旺角

德昌火鍋專門店 評價 相片

有晚於旺角活動, 9點後本來想搵黑夜壽司, 點知實在太多人, 惟有改地方.沿彌敦道一路行, 見"德昌火鍋專門店"9點後6折, 於是上樓一試.入場前已知非任食, 不過打開餐牌先發現原來都唔平...朋友主打魚類, 而我則見到打正德昌旗號, 點都要試試丸類.大家都知非任食火鍋的食物質素一定好過任食, 是次食物都非常新鮮. 必食首選即炸響鈴, 上檯仲熱辣辣, 好食的程度去到個鍋未滾我已經可以食晒成碟響鈴.魚鳔 第一次食, 要先用竹籤刺穿魚鳔才落鍋, 其實無乜味但質感似牛筋類, 幾得意.墨丸及魚皮餃 新鮮好食, 爽口彈牙.肉類方面, 只簡單點牛坑腩同牛(月展), 兩款都新鮮; 好少見打邊爐有牛坑腩選擇, 肉質較粗糙且厚, 不過食完覺得坑腩始終同飯最匹配.魚片 夠新鮮, 個人非嗜魚類但都覺得唔錯.不過真係貴, 雖然有6折, 埋單每人仍要$250.一提, 後來發現此店原來有做cash coupon團購, 下次真係要留意.

之前有朋友食過話正, 早前見到有團購$200買到$400coupon; 咁抵! 立即約腳豪食一番.話明豪食, 先點個活魚刺身開下胃先 落到枱的時候, 條尾重係咁擺, 同行的胆小朋友嚇到唔敢起筷; 新鮮既魚, 肉質一定爽鮮, 無得講, 佢見我地食得咁津津有味, 咪又係要食有個湯底個名好勁下的叫: 火焰醉蟹花甲鍋底 ($188)阿部長哥哥先用料頭起鍋, 再加花蟹及大花甲, 因為有酒的關係, 香到不得之了, 又著晒火咁; 大家見到都流晒口水。

聽部長講, 依度係有幾樣必食之選, 放眼四週, 果然有幾款嘢係枱枱都出現咁濟, 咁跟住點實無錯啦鮮魚鰾 (住西頁的朋友仔話, 晒乾咗就係花膠)部長温馨提示, 原來食之前一定要用上的竹籤整穿晒先放湯, 如果唔係會爆喎超巨型雲吞 (附虾子)粒雲吞真係超大粒, 入面D虾勁大隻, 勁爽口; 再加上咸鮮的虾子,perfect match!必食即炸響鈴同家中打邊爐買的盒裝響鈴, 簡直係天堂地獄的分別, 唔夠3分鐘已清碟, 再點!由於之前響鈴太受歡迎, 故之後的即炸魚角及魚腐都無映相就食晒其餘重有日本粟米,黑豚腩肉, 九菜餃, 鵝肝墨魚丸, 冬瓜.... 都好食特別介紹出面打邊爐未試過的黃耳及南瓜苗黃耳的主要作用並唔係食, 而係令到個湯有一联淡淡的幽香, 第一次食依隻菜苗, 頂頂葉的部份好食, 好有菜味。

GOOD!!食到好飽, 埋單係$13XX, 當$1400計, 扣3張$400coupon, 實際只係食咗$800, 除番5個人, 一人只需$160, 超值

因為不是任食, 環境比其他同一位置的任食火鍋店好多了 ~不用叫破喉嚨地說話才聽到亦沒有時間限制, 可以慢慢坐, 一邊食一邊傾計而且食物賣相和質素算OK ~雖然有點掌握不了究竟1份和例牌的差別... 價錢差不少的, 但來的份量又好像差不多 ...全晚最好笑的是我們看到有一項是日本出前X丁因為很久沒吃, 所以ORDER了但來的是日本的沒錯, 但不是出前X丁~叫了個WAITRESS來問, 她還說這就是了~拜託~ 不要以為有日文字就可以~就算我們不懂日文, 各大超市也有日本版賣的~ 更可惜, 剛好我們全都懂日文... 我們跟她說不單只沒有出前X丁這幾隻字, 連公司也不一樣噃~她改口說這款較好吃...來回多幾次後, 最終都幫我們取消了~唉~ 他們應該改為寫日本即食面, 那麼就沒有問題了啦~ 大家當是笑話過了~若果要可以坐得長時間的火鍋, 這間店仍是可以選擇的~

當晚與友人共2人一起到旺角德昌火鍋打邊爐, 之前都無咩心水去邊間, 上openrice睇睇0下覺得呢間唔錯, 決定一試由於之前book左位, 所以去到唔洗等之餘, 一入到去係環境好到震~~ 好大, 唔迫, 重唔會充滿打邊爐味且有D香薰味, 帶位到我地位時, 估唔到可以2人坐4人大卡位, 重有夜景, 非常舒服!! 一坐底, 好快就有調味盤比我地揀, 一般酒樓要落好多調味, 溝一大碗先有味, 但呢度只係每樣少少, 一碟已經好濃味了.之後我地揀野食, 芝心蝦丸正, 係蝦肉唔係粉, 炸魚角即炸即食正!! 打邊爐都ok, 水餃多蝦鮮味, 響鈴非常鬆脆!! 鮮腐竹係一層層疊厚, 唔會一滾就溶同散0西, 食時口感鮮味仍在, good!! 炸芋條香口軟滑!! 重有蕎麥面可以揀, 皇帝菜同什菜籃都好味新鮮, 但有點美中不足係菜籃有D菜kwang係苦苦地, 但整體食物都非常新鮮美味, 而且湯低一D都唔hea, 雖然我地揀0既係好普通嘅沙爹湯底, 但沙爹味非常濃郁, 面頭重有好多芝麻, 惹味 另外都要一大讚, 果度係加上湯唔係加水, 而且吃完唔會好口渴 最後重附送奶,椰味凍糕, 好滿足!!!~~環境坐位舒適, 食物好已經夠讚, 再加埋細心專業0既服務水準, 令我地當晚開心上再加開心~~waiter們會周不時睇睇客人加湯需要, 見鍋少湯了就加而且重幫忙調較大細火, 細心介紹店舖食物, 對應快而且非常有禮因為以上以上, 我一定會再去幫襯同試其他美食, 因為果度重有刺身同小食等等~~

一行約咗3位朋友到旺角宵夜食火鍋,其中一個朋友話創興廣場食火鍋.我話,唔係嗎,去食任食放火鍋!我心想我最後討厭食任食,食垃圾,唔好叫我受罪啦!到旺角我朋友叫我去18樓,德昌火鍋,我見到係自選火鍋,成個人心情終於開始放心了.9:45pm上到18/F,見到門口有幾個客係度等位,於是我問我朋友點解唔book位.等咗15min 到我們入座卡位!卡位坐下感覺舒服!坐下已經有經理幫我們上茶及醬油,問我們甚麼湯底,我們還未睇定,轉頭先.原來呢度宵夜全單6折!於是我們點咗清湯底,心想睇下是否清水,叫咗條加拿大象拔玤1斤半,店員工解紹手切A級本地肥牛肉,4粒巨型大雲吞,炸魚角,海中蝦一份/6隻ok大隻!叫咗份辣椒葉!先來象拔玤,曰本剌身格調,非常有鮮味同爽口,不同係富X酒家D差貨式!再來清湯,原來裡面有金華火煺及瑤柱,冬瓜新鮮荷葉,店員幫我地分咗湯俾我地,味道非常有雞味同金華火煺味,同冬瓜荷葉的配搭ok good!再來一碟長型碟的牛肉,睇落牛肉的雪花平分布,我估靚啊!點知有位經理走到埋來叫我們放下湯度3秒半就ok,的食法,我估唔係嗎?於是我們試下.入口很滑冇喳,牛肉味仲好重!炸魚角來到入口仲熱.我朋友仲辣親口,估唔到會係即炸,有誠意之作!巨無霸雲吞.真係好大啊,有小朋友的手掌咁大仲係裡面全部都係蝦,跟咗一樽蝦籽俾我地可以陪下去,食法叼鑽.值得讚,海中蝦6隻上到台d蝦腳仲識動,新鮮,唔會俾d死的我地方食,值得讚,!辣椒葉,特別蔬菜,原來唔辣 ,好有韮幾feel,幾特別,值得推介!叫咗藍妹$25/3支!總結超有水準一餐火鍋,試過<不xx>火鍋都未有咁的水準,價錢又超值,4人埋單$830!扺食!

德昌火鍋專門店餐單提供港式, 火鍋, 酒樓等推介美食位於旺角區，餐廳座位數250人均消費約$101-200，結賬可以用現金。

您對於旺角餐廳「德昌火鍋專門店」有何 comment？

德昌火鍋專門店餐廳詳細資料：

• 德昌火鍋專門店地址:
  旺角彌敦道593-601號創興廣場18樓
  Tak Cheong Hot Pot Expert, 18/ F, Chong Hing Square,593-601 Nathan Road, Mong Kok
• 德昌火鍋專門店電話:  
• 德昌火鍋專門店價錢: $101-200
• 分類: 港式, 火鍋, 酒樓
• 座位: 250
• 付款: 現金
• FB專頁: 德昌火鍋專門店 Facebook

更多德昌火鍋專門店相關資料:

• 德昌火鍋專門店分店
• Youtube
• Facebook
• Twitter
• Google