川長 旺角

川長 評價 相片

🌶本身唔算特別鍾意食川菜，但間中都會食下嘅，通常個感覺都係：「幾好呀，唔錯呀」，但今次試咗人地推介嘅一間旺角外賣小店， 一食落口係會覺得：「喂，好掂！」😍所以真係要介紹下先🤓🌶我根據我食嘅次序去評論先，因為外賣攞咗去商場食，所以就食完一樣先再食一樣咁！首先食嘅係麻辣牛展($50)😋我叫嘅係BB辣，入口有好強烈嘅麻味而辣味得小小，連汗都唔會出，好啱我呢啲想食到個風味但唔係好食辣嘅人😊牛展切嘅厚度啱啱好而切得好統一，你會感受到店家用心做食物（有啲鋪頭會切到有啲好大有啲好細），牛味十足，對我嚟講已經係接近滿分嘅菜式👍🏻點知下一道食嘅仲正：口水雞髀($40)。

首先佢食材已經贏咗，雞髀係勁大隻勁好肉地😚又唔會好多筋果啲！BB辣口水味又係啱啱好，夠晒惹味！通常食呢類整法嘅雞髀都會覺得一般，但今次覺得佢好食程度比得上好味嘅炸髀😍😍😍🌶之後食嘅係雞絲涼粉($35)，又係好好食，涼皮彈牙，酸酸辣辣甜甜咁味道好豐富，雞絲份量多🤪最後食嘅係新出嘅花雕雞翼，本身餐牌無嘅，$38有六隻性價比高，食落酒味濃郁，雞翼大大隻，如果你想搵啲唔辣嘅選擇就真心一流😋整體而言係誠意推介嘅小店，鍾意四川風味嘅你一定要試❤️

今次又試新開川菜哩間小店位於黑布街食物質素唔錯、價錢抵食性價比高！.（*我哋全部叫小辣）🔸口水雞髀雞髀肉厚嫩滑又彈牙，冇乜肥膏👍🏻。

小辣微微辣，但好香口，惹味。

.🔸川長麻辣拼盤有雞腎、豬大腸、豬肚、牛柏葉、金錢肚，材料豐富，口感爽脆。

醬汁同口水雞嘅類似，都係又香又惹味，如果愛辣嘅朋友，建議可以叫大辣。

.🔸川北涼皮❤️哩款好好食，涼皮質地好爽又有少少彈牙，而且吸哂啲醬汁好好味！口味酸酸辣辣，同埋食落好似有少少花生醬，好惹味。

配料有青瓜絲花生菜圃👍🏻。

.🔸泡椒鳳爪食落唔係好辣，但有椒香，幾入味，鳳爪質地爽身，唔錯。

早兩日喺旺角做facial 行經黑布街， 見到個friend 以前嘅舖位 開咗間新嘢 原來係我好鍾意食嘅 麻辣 系列 反正都預備返屋企 就買2個外賣返屋企試下啦， 望落又幾靚仔價錢又唔貴， 仲有得畀你選大、中、小辣 我自己當然揀大辣🌶️🌶️🌶️🌶️🌶️ 雞絲粉皮 啦😋😋, 但係都要同老公share㗎 所以其中 麻辣拼盤 我揀咗少辣🌶️， 整緊嘅時候 已經飄來陣陣麻辣香氣😍😍 果然冇令我失望返到屋企打開個盒 果然足料喎 雞絲粉皮 芫茜 花生 青瓜絲 炸豌豆 蔥花 仲有辣菜脯 撈埋個雞絲粉皮， 口感一流 粉皮嫩滑 雞絲幼細 👍🏻👍🏻雖然已經大辣 原來我可以再挑戰 辣啲😂😂麻辣拼盤🌶️ 呢個老公都好欣賞 裏面嘅 豬耳 仍然爽脆 牛肚都唔韌， 豬大腸肥嘟嘟好有口感👍🏻真係唔錯下次經過會再幫襯

今日仔仔在旺角讀拼音，唔想煮晚飯，又想食辣，去左黑布街「川長」，係食四川麻辣食品，就過去買啲外賣回家。

雞絲涼皮(小辣) 上面鋪滿配料，有青瓜絲、花生、芫茜、蔥及辣菜脯，涼皮煙煙韌韌， 每一啖都充滿配料同醬料， 好惹味口，感豐富口水雞髀(小辣) 原隻雞胛啖啖肉， 肉質嫩滑，加上青瓜、花生及芫茜配料，麻辣鮮香，好味道。

涼拌青瓜醬汁入味好爽口，食到索索聲。

泡椒翼尖辣得過癮， 越食越辣，真係好滋味喜歡食辣嘅，經過要支持下小店，辣味可以自己揀。

好值得稱讚必定是小店的務服，佢哋都好貼心去問你哋嘅需要 ，若經過都可以嘗試一下支持一下。

鍾意食川菜嘅你哋都可以外賣買嚟試吓，由其愛麻辣嘅你，佢嘅麻辣做得唔錯，食完仲有少少麻喺你嘅咀脣有少少麻。

佢哋嘅豌豆同花生都喺自己炒 ，食落都好香 川長麻辣拼盤 $45 （雞腎，牛肚豬耳，牛柏葉，豬大腸）（青瓜，花生，芫莤）佢都好多咁多款餸，我最鍾意就喺食佢嘅牛柏葉，除咗幾入味之外，仲幾彈牙。

川北涼粉 ： $ 20佢嘅涼粉真喺幾彈牙  麻辣牛𦟌 ： $50 牛𦟌都幾多塊都幾入味，所以都幾抵食  

川長餐單提供川菜, 四川等推介美食位於旺角區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 69799335 查詢。

您對於旺角餐廳「川長」有何 comment？

川長餐廳詳細資料：

• 川長地址:
  旺角黑布街104號地下D號舖
  川長, Shop D, G/ F,104 Hak Po Street, Mong Kok
• 川長電話: 69799335
• 川長價錢: $50以下
• 分類: 川菜, 四川
• 座位: 未知
• 付款: AlipayHK,支付寶,現金
• FB專頁: 川長 Facebook

更多川長相關資料:

• 川長分店
• Youtube
• Facebook
• Twitter
• Google