尚品樓食府 旺角

尚品樓食府 評價 相片

今晚我們去咗旺角太平道嘅「尚品樓食府」食晚飯！我們叫咗菜膽燉豬肺湯、滑蛋炒蝦仁、招牌脆皮燒鷄、大龍躉兩味：翡翠炒龍躉球同蒜子果皮蒸頭腩、菠蘿咕嚕肉、豆腐斑腩煲同魚香茄子煲！菜膽燉豬肺湯嘅湯料好足料，味道都幾清甜！滑蛋炒蝦仁嘅滑蛋炒得都幾滑溜，蝦仁亦幾爽口彈牙！招牌脆皮燒鷄嘅皮唔係好脆，鷄肉嘅肉質好實同好「嚡」！大龍躉兩味：翡翠炒龍躉球嘅肉質都幾爽甜彈牙！蒜子果皮蒸頭腩嘅肉質都幾鮮甜嫩滑！菠蘿咕嚕肉嘅炸粉極之薄身同埋醬汁亦撈得唔均勻，所以非常清楚睇到咕嚕肉嘅肥膏，一口落去啲肥油噴晒出嚟，真係超級肥膩！豆腐斑腩煲同魚香茄子煲嘅味道超級鹹，而且斑腩嘅份量極之少，少到呢煲可以稱為紅燒豆腐煲！真係令我們覺得好失望！

今日同家人黎左呢間中菜館食晚飯, 家人話呢度既蒸魚做得出色, 一定要試下~點左幾個小菜, 分別係炸子雞, 黃金蝦, 炸蠔同龍躉兩味~先黎黃金蝦, 炸得金黃色好令, 每隻蝦都比蛋黃包圍住, 好香口, 味道濃郁, 但蝦殼有d太硬~之後係炸蠔, 炸粉唔太厚, 蠔食落無腥味, 但有d太油~而炸子雞外皮好脆身, 肉質嫩滑, 食唔到雪味, 唔錯, 不過同樣係偏油~黎到龍躉兩味, 亦係Vi最期待既菜色, 一味係清蒸龍躉, 用上腩位, 肉質好嫩帶有小小咬口, 而魚皮好煙un, 果然蒸得好好味~另一味係沙鍋炆龍躉, 用上尾既部份, 加左冬菇, 燒肉去炆, 好惹味!! 同清蒸好唔同, 炆龍躉味道濃好多, 個汁好香好rich, Vi就中意食濃味既野, 所以好喜歡呢個沙鍋炆龍躉~同甜品時間師傅話呢度既流沙包好好味, 所以叫左黎試下, 果然好流心, 奶皇味香, 面包幾鬆軟, 唔錯~

要數旺角近九龍城區要找酒樓, 大家一家會想新世紀廣場的一堆名牌酒樓, 有時與同事想午餐飲飲茶, 都不想食得太貴, 最近同事就帶我去這間酒樓, 價錢一定比名牌酒樓相宜, 又坐得舒適。

豉汁鳳爪 分量都有45對, 算不錯, 醬料有好多, 但味道適中不會太咸, 酒樓點心中必食的項目。

小籠包 皮太厚, 肉雖有不少, 但湯汁欠奉, 有肉香但偏油。

上湯鯪魚肉浸時菜 上湯都是一貫的雞湯, 有少許味精的感覺, 有用炸蒜開鑊都帶出蒜香, 魚肉都頗彈牙, 菜有少少沙, 建議下次剝好一片片菜, 洗乾淨再煮。

自己係街坊，行過見到開左新酒家，就叫埋屋企人來試下。

坐低望下menu選擇不多，個captain sell炸子雞同海班兩味。

4個人叫左（1）半隻炸子雞，（2）老虎班兩味，（3）好市大利湯，（4）鮑汁柚皮鵝掌，（5）尚品粗齋煲。

炸子雞同個湯係比較正常o既餸，但個湯都要$128, 價錢中上。

翠肉瓜炒老虎班片，略嫌走油過火，且若果唔點蠔油，係完全無味的。

柚皮鵝掌， 家姐咬左一啖大叫：好苦呀！我唔信試少少，唔係講近微甘o既苦，係哇好苦要吐番出來o甘苦。

老豆同captain反映，captain抛低一句“可能bear唔夠水”就9秒9速逃，大佬呀，苦架，好苦架，你點可以攞俾客食？粗齋煲上埋，以爲上錯菜，來左個芥蘭煲，因爲個“粗齋”無旬無南乳無粟米仔無冬菇無黃芽白，問個樣好想逃避我地o既captain, 拒話“呢個唔係南乳粗齋煲吖哇！” 我阿媽當然繼續問“粗齋”點可以無以上講o既o野，captain當聼唔到行開。

Total食左$8xx, 無第次。

附近開了間中菜館。

身為街坊，義不容辭。

踏進門的感覺不錯……簡约，光猛，乾淨。

經部長推个，點了招牌燒雞，特價龍蝦及蒸魚，再一肉一菜。

十分鐘後，已品嘗到名不虛傳的燒雞，皮脆肉滑, 入口有雞味。

石班也蒸得恰到好處, 亦不過鹹。

足秤的龍蝦頗大碟而只售$68, 認真抵食。

咕嚕肉及浸菜苗就不過不失。

服務員亦笑容可掬。

整體上是一顿窩心的晚飯。

五個人埋單$500更算錦上添花囉！會再來。

尚品樓食府餐單提供粵菜, 廣東, 海鮮, 中菜館等推介美食位於旺角區，餐廳座位數200人均消費約$101-200，結賬可以用Visa,Master,現金。

您對於旺角餐廳「尚品樓食府」有何 comment？

尚品樓食府餐廳詳細資料：

• 尚品樓食府地址:
  旺角太平道四號
  Supreme House Restaurant, 4 Peace Ave, Mong Kok
• 尚品樓食府電話:  
• 尚品樓食府價錢: $101-200
• 分類: 粵菜, 廣東, 海鮮, 中菜館
• 座位: 200
• 付款: Visa,Master,現金
• FB專頁: 尚品樓食府 Facebook

更多尚品樓食府相關資料:

• 尚品樓食府分店
• Youtube
• Facebook
• Twitter
• Google