嚐味 旺角

嚐味 評價 相片

今日晏就三四點出黎掃街行行下諗緊lunch食d乜，行過一間叫嚐味既餐廳，出邊棟左好多餐牌系度，見到個價好似幾抵食，睇左兩睇，見到坑燒黑椒雞扒，好似唔錯咁，又好耐冇食過雞扒，於是入去嗌個外賣黑椒汁坑燒雞扒飯加煎雙蛋，飲凍OT唔該！收銀話：多謝收你40蚊。

我聽到個價錢嚇親，點解咁平既，出邊好似寫45，凍飲仲要加錢，佢話：係呀！依家做緊優惠有折嘛！😲好啦買完返去食果時，價錢已經覺得好抵架啦，普通一個黑椒雞扒飯，嗌埋煎雙蛋，加凍OT，點可能得40蚊！？🙈但真係平到我不敢相信，但事實真係咁平😂！一開盒飯我見到塊坑燒雞扒真係呆左！🙈咁鬼大塊既！？仲有d配菜同兩隻煎蛋，份量唔野小！我第一啖就食咬下煎蛋試下真蛋定假蛋先！係靚雞蛋黎！好有蛋味！仲煎得岩岩好唔會燶底！雞黃是黃色唔係橙色，冇胎盤狀物體，應該係真蛋黎！😂再淋d黑椒汁落蛋到再試下，辣辣地既黑椒蛋好正，再來咬佢主角雞扒，燒得好靚，唔會太油，好入味，厚身雞扒脆香爽口，少肥帳卜卜咁，成個手掌咁大塊，好味到我咬唔停口！加上黑椒汁更加惹味好match！飯量又岩岩好可以送曬d送，食完肉仲有d菜俾你食下真係有良心設計，有d色彩小菜點綴下成盒飯別有一範色彩，色香咪俱全食完盒飯再嘆埋杯凍OT覺得好滿足，40蚊抵食到暈啦👍🏻😄

平時好少出旺角，行過呢間無乜人食嘅餐廳，見到餐牌上面嘅份量都幾大份，就想入去試下一坐低，侍應就即刻遞上餐牌同一杯暖水，杯水仲有個侍應手心嘅餘溫，頓時感到十分溫馨！再揭開餐牌，見到一幅幅的食物圖片，哇！好似好抵食咁，心諗今次唔會中伏掛！跟住叫左個是日午餐，馳名咖喱牛肉飯同杯即磨咖啡，唔知點解杯即磨咖啡唔洗兩分鐘就送上，效率好高！咖哩牛肉飯大約5分鐘後送上，個碟好大，份量好少，好有空間感！啲汁好稀，味道一般我計過，呢碟飯一共有5塊牛肉，如果計飯係5蚊，杯咖啡10蚊，牛肉就要6蚊一塊，哇，一定要當係黑毛和牛咁食先得！馳名咖喱汁好稀，味道一般，牛肉有5塊，計返條數每塊6塊。

呢間餐廳好適合一家大細、多人聚會，因為份量夠少，可以食多啲款，不過我就唔會再嚟，因為好似無食過嘢咁。

嚐味餐單提供港式, 粉麵, 米線, 茶餐廳, 冰室等推介美食位於旺角區，餐廳座位數未知人均消費約$51-100，結賬可以用現金，Booking訂位可以電話致電 35683282 查詢。

您對於旺角餐廳「嚐味」有何 comment？

嚐味餐廳詳細資料：

• 嚐味地址:
  旺角花園街1號鴻禧大廈地下6號舖
  Gusto Restaurant, Shop6, G/ F, Hung Hay Building,1 Fa Yuen Street, Mong Kok
• 嚐味電話: 35683282
• 嚐味價錢: $51-100
• 分類: 港式, 粉麵, 米線, 茶餐廳, 冰室
• 座位: 未知
• 付款: 現金
• FB專頁: 嚐味 Facebook

更多嚐味相關資料:

• 嚐味分店
• Youtube
• Facebook
• Twitter
• Google