唇品 旺角

唇品 評價 相片

一向好喜歡唇茶既桃膠飲品，見佢地推出左專賣台灣刈包既副線，緊係要試下！佢位於旺中唇茶隔離，而家仲做緊聯乘優惠，憑唇茶/唇品既單去另一間點單可以$2！餐牌選擇多元化，款式亦好新穎，今次就揀左傳統啲既豬肉滷。

豬肉滷 $38入面有豬肉、芫荽、青瓜、花生同醬料，豬肉好腍完全唔好韌，但就略嫌有啲肥，芫荽同青瓜好清新，可以幫助去膩，花生就增添左香味，整體配搭好食，亦比較似台灣原味道😋包亦好香軟，唔會太細份，整體係值得推介既！私心如果可以好似台灣咁加入酸菜，層次就更加豐富😝

有次去台灣旅行係夜市見到有刈包覺得好新奇於是買咗嚟試好新奇好合我口味🤤其實刈包係台灣小食以白色嘅蒸包夾入豬腩肉 酸菜 芫荽 花生粉 等等嘅材料返到香港唔係好多地搵到有台灣味嘅刈包🥲見到最近唇茶開咗間專賣刈包嘅小食店就走去試下🤤店內有多達七款嘅刈包混合咗港式嘅元素有接近台式傳統口味嘅豬腩肉又有估你唔到嘅叉燒/炸雞/饅魚嘅組合 真係唔止中西合璧真係中西日韓都有😂除咗刈包都仲有小食叉lunch梗係要支持返香港隊🇭🇰見佢寫住人氣一於試下！叉lunch主要材料當然係叉燒仲有菠蘿 醃紅菜頭 青瓜即叫即製所以都要等510分鐘拎上手好大個叉燒份量都有兩至三片有一大塊菠蘿刈包口感同味道似饅頭甜甜地偏鬆軟夾住半肥瘦叉燒咬落一啲都唔柴啖啖肉冇豬腩肉咁肥膩糖漬菠蘿唔會過甜又多汁加上酸酸地嘅醃紅菜頭菠蘿同紅菜嘅酸甜同鹹鹹嘅叉燒好夾加埋甜甜地嘅日式醬汁好正！不過可能太多餡同汁嘅關係個刈包比較軟包唔哂即刻食嘅話店員只會用包裝紙輕輕包住好唔穩陣會一路食一路漏有啲呢hea 希望呢方便會改善下

唇茶大家都應該聽過/飲過唔少次，佢哋依加開咗間唇品喺旺中唇茶隔離一個鋪位，主打台灣刈包(刈音: 艾)，即係饅頭質地嘅中式包夾住唔同餡料～最原始係夾住五花滷肉，但唇品就多咗唔同餡料，加咗啲唔同元素入去！呢到嘅刈包兩邊都烘過，但唔會好乾，都幾軟熟，而且成個包都唔細😛因為即叫即整，所以都要等10分鐘左右，等嘅時候可以行下旺中先，不過唔好太遲拎，因為即食好食啲😉•🥢 轟炸雞 $32炸雞幾大舊，炸皮都薄，好脆，雞肉幾嫩有汁，加咗紫椰菜絲會fresh啲，士拉叉醬都幾夾，不過略嫌少咗啲，仲有啲花生碎，不過我好似無點留意到🙈 可能同炸雞一樣脆脆地，所以食咗都唔太覺🤣～PS 唔食芫茜嘅我唔記得走🙊•🥢 薯頭薯腦 $38呢個包嘅黑松露醬係好食嘅，黑松露味超濃! 個薯餅都好有黑松露味，個薯餅係薯茸+薯仔粒，仲撈咗啲菇碎同黑松露醬，加埋面頭炸咗嘅麵包糠，好多重口感，都幾正!😋 餡入面仲有啲紫洋蔥，煮到幾淋，又好甜，加上個包都係帶甜味嘅，所以同個餡都幾夾😌•🥢 鰻吞吞 $42第一次嚟食嘅時候呢款賣晒，但又真係想食呢款就專登嚟多次😎 刈包夾住炸天婦羅穴子，原本穴子好長，所以切開咗兩件夾入去，更加方便咬👍🏻 兩件炸穴子都幾大件，唔會食到最後得返個包冇晒餡，天婦羅炸皮幾鬆脆，成件炸穴子外脆內軟，不過穴子係比較薄身，唔係厚肉嗰種，一次過咬就唔係幾分到係炸皮定穴子😂 中間仲有啲飯素同椰菜絲，配搭都幾特別～ 但我哋比較鍾意另外兩款🙈

唇品餐單提供多國菜等推介美食位於旺角區，餐廳座位數未知人均消費約$50以下，結賬可以用AlipayHK,支付寶,現金。

您對於旺角餐廳「唇品」有何 comment？

唇品餐廳詳細資料：

• 唇品地址:
  旺角彌敦道688號2樓SB07號舖
  Taste only, Shop S B07,2/ F, Argyle Centre,688 Nathan Road, Mong Kok
• 唇品電話:  
• 唇品價錢: $50以下
• 分類: 多國菜
• 座位: 未知
• 付款: AlipayHK,支付寶,現金
• FB專頁: 唇品 Facebook

更多唇品相關資料:

• 唇品分店
• Youtube
• Facebook
• Twitter
• Google