台灣小食 旺角

台灣小食 評價 相片

迷上芋圓的我們, 一發現又有新目標, 即時9秒9衝去試, 今次是大大粒包心芋圓. $28綜合仙草, 內有4款傳統芋圓, 味道分別是各三粒 ( 芋頭, 地瓜, 紫薯, 艾草), 另外有三粒是包心餡芋圓. 雖然綜合糖水的總容量較平常小, 不過, 這裡的芋圓較正常的大, 呈圓柱體, 味道屬於淡口, 煙韌不過略嫌少了一點鮮. 四款味道以黃蕃薯最出, 艾草芋圓是第一次吃, 少少甘, 我最初還以為是綠茶.不過, 其實我最想食包心芋圓, 橙色, 紫色的餡是紫薯、地瓜包心則是芋蓉餡. SY:「爸爸, 我都係鍾意食平時嗰D芋圓, 因為可咬, 有餡嗰D無乜咬嘅」 是似雪糕糯米糍, 為內裡會是打到變蓉的餡... 我:「其實, 個樣仲有D似八方雲集D小雲吞添」, SY:「點解有D綠色涼粉嘅?」 我:「店員姐姐話係抹茶仙草喎...不過只係得一啖, 點解唔係一半一半呢?」 綜合芋圓仙草 (熱) $28(3粒包心+12粒芋圓)台灣小食電話 : 28853080地址 : 旺角廣華街1號仁安大廈地下24A號舖

🍲手工綜合芋圓($25)▪️又係list左好耐，芋圓💜愛好者✌🏽撞正見到今日特價😍平時($28)依個綜合芋圓，有得一次試晒4款芋圓同包心餡芋圓，仲有得揀挫冰or仙草底🤤4款芋圓味道包括 芋頭，地瓜，紫薯同艾草。

比平常糖水舖食個大粒飽滿好多😍芋頭同紫薯口感煙韌得泥偏粉，有點澱粉質嘅質感，芋頭味偏淡，紫薯更淡😬反而地瓜口感有驚喜，煙韌得泥，帶點嚼勁😋好好咬，食落地瓜味仲好天然。

最後墨綠色嘅艾草，少少甘甘地，口感Q彈。

包心芋圓最驚喜係芋泥餡😁食到芋頭顆粒，大大粒又Q又粉嫩，正正呢，另外仲有蕃薯餡，欣賞整體不太甜，配埋少甜紅豆，滑嘟嘟嘅仙草凍，帶點黑糖香，滑入喉嚨好滋味☺️💜芋頭酥($15)▪️攞上手仲微暖，香港好少地方有芋頭酥🤔唯一食過太子個間 上野酵素台式麵包店嘅芋頭酥，兩者比較下先~依間外層嘅酥皮酥d薄身d，上野就厚身鬆脆d，我就比較喜歡上野個皮🤤放到第日外皮仲鬆脆架。

(請無視我的牙痕😬🤭)兩者芋頭泥餡都不太甜，淡淡芋頭味，質感偏粘稠粉粉地，上野個種會重芋頭味多少少，依種奶味重d，整體都係喜歡上野，價錢都平d，雖然都加左價🤭🍯蜜糖炒豬手($35)▪️好耐之食，美食節食過台式蜜糖炒豬手🤤就一試難忘！即叫即炒，新鮮熱辣，覺得啖啖骨膠原，豬皮筋位勁有嚼勁，勁好𡁻。

甜甜地略帶鹹味，炒得幾香，但切件好大舊，咬到有點牙軟🤭依個份量一小碟就($35)偏高左d。

如果芋圆和仙草只能选一个？你会选哪个？ 都想要。

清明节那段时间突然想吃芋圆仙草了搜索到旺角附近有，就坐大巴前来买彩色的芋圆有嚼劲，仙草有两种颜色芋圆仙草😋😋

想食呢間好耐..一係冇開一係關左門..今日終於食到..粒粒芋圓都大大粒..煮到岩岩好..不過份量細左啲..可能平時果啲太大碗...下次試佢第二招牌菜先..佢芋圓裡面有餡.係特別既

食過晚飯後好想好想食一啲煙韌、有咬口嘅甜品/糖水，心裡想如果有得食芋圓就好了，結果行幾多就出現在眼前😍太幸福，好有台灣的味道！⋯綜合手工竽圓 ($28)可揀刨冰底或仙草強烈建議揀仙草！一來好好食，二來刨冰好快溶到變甜水😕⋯正如前言所講，這間店的芋圓確實好有咬口，還有多種味道，個人認為奶黃流心最棒！不過如果大家吃吃飽去，建議可兩人吃一個，因咬得耐真的很有飽肚感呢，會脹住脹住😂⋯推薦指數🌟🌟🌟🌟

台灣小食餐單提供台灣菜, 雪糕, 乳酪, 小食店等推介美食位於旺角區，餐廳座位數未知人均消費約$50以下，結賬可以用現金,八達通，Booking訂位可以電話致電 28853080 查詢。

您對於旺角餐廳「台灣小食」有何 comment？

台灣小食餐廳詳細資料：

• 台灣小食地址:
  旺角廣華街1號仁安大廈地下24A號舖
  台灣小食, Shop24 A, G/ F, Yan On Building,1 Kwong Wa Street, Mong Kok
• 台灣小食電話: 28853080
• 台灣小食價錢: $50以下
• 分類: 台灣菜, 雪糕, 乳酪, 小食店
• 座位: 未知
• 付款: 現金,八達通
• FB專頁: 台灣小食 Facebook

更多台灣小食相關資料:

• 台灣小食分店
• Youtube
• Facebook
• Twitter
• Google