占占酸辣米線 旺角

占占酸辣米線 評價 相片

好難得喺呢條街搵到$50米線仲要包埋嘢飲！叫咗個麻辣湯底少少辣唔會太鹹個春卷亦都好好食總括嚟講性價比高最緊要係啲服務員態度好好！一定會介紹街坊嚟同埋繼續幫襯👍🏻

🔸自選三餸米線 $50🔸清湯生菜 $20🔸凍飲 +$3今晚收工一個人獨獨食，就去咗食依間新開嘅占占酸辣米線。

叫咗一碗自選三餸米線，有超厚切嘅午餐肉、入晒味嘅鹵水雞翼、同埋墨魚丸。

湯底揀咗少少辣嘅酸辣湯，好味又開胃啊！除咗自選嘅餸之外，仲有大量芫茜、芽菜、韮菜等配菜呢！想講個米線我剔咗少米，但都仲係勁多米線，最後竟然食唔晒LOL另外加$20叫多碟上湯生菜，估唔到份量好多，仲有成碗湯咁浸住，係鮮甜嘅上湯啊！

餐廳：占占酸辣米線 (旺角)地址：旺角勝利道16號地下B號舖勝利道喺旺角同何文田一帶嘅食街，成條街都有各式各樣嘅餐廳，中午時間有啲肚餓又好耐無食米線🍜，去咗呢間開咗一個幾月嘅占占酸辣米線食晏出面嘅米線店好多都唔包嘢飲，佢哋竟然做到$40$50一個米線仲包埋熱飲，堅喺抵食🤪，學生中午時間嚟食米線仲有優惠添👍招牌沙嗲屋村三寶米線 $50店員果然無介紹錯😍！餐廳自己調製嘅沙嗲醬香甜惹味，出面絕對食唔到，豬皮、魷魚、牛柏葉每一啖都充滿沙嗲香，仲煮得好爽口好腍，真喺食過返尋味😋。

米線湯底可以揀清湯、麻辣或者酸辣🌶，任何湯底都唔洗加錢，仲有好多嘅配料，芽菜、韮菜、蔥花、芫茜等，夠晒豐富😎炸黃鱔骨皮 $40炸魚皮好常見，炸黃鱔骨皮就真喺第一次見，因為有魚骨嘅部分，食落比一般魚皮更加香脆💥，$40有五大舊同一啲零碎嘅部分，食唔晒仲可以入落袋拎走返去慢慢食😛

食米線真係會上癮㗎，但當同一間米線食得多，有時都會想轉吓場，刺激一吓味蕾。

近日，我哋得到旺角在地人米線推介，嚟到位於勝利道嘅占占酸辣米線，呢度酸辣嘅比例啱啱好，加上店舖新開張，所以店主好有誠意，仲詢問我哋食後感，希望繼續用心經營！沙嗲屋村三寶呢間米線餐廳無常見嘅土匪雞翼，反而就有呢個經典港式小食：沙嗲屋村三寶！三寶分別係豬皮、牛柏葉、魷魚，特別一讚沙嗲味超濃，仲有粒粒花生，味道好有層次！至於豬皮同牛柏葉勁索汁，好入味！炸墨魚春卷即叫即炸，外皮炸到脆卜卜，春卷入面有勁多墨魚粒粒，好有口感。

如果有埋泰式辣醬就更惹味喇！雞絲、腩肉、腐竹酸辣米線（中辣）呢度嘅餸有成30款選擇，真係花多眼亂呀！我就叫咗酸辣湯底，上枱就梗係要飲啖湯先啦，入口先嚟一陣酸味，而辣味緊隨，酸同辣嘅比例啱啱好，好有驚喜，更重要係湯好夠熱！至於餸同米線嘅份量好多，雞絲嫩滑、腩肉肥瘦適中、至於腐竹勁索湯，絕對係必叫項目。

魚腐、雞翼、蘿蔔麻辣米線（中辣）M佬唔食酸，所以就叫咗麻辣，同樣上枱就要先飲啖湯啦！聞上去好香麻味，相信用咗好多香料製成，麻味好有層次，一開始食嘅時候覺得唔算太辣，但後勁凌厲，越食越辣，夠晒刺激！魚腐夠爽口、雞翼滷水味香、蘿蔔鮮甜無渣。

我就最中意咩都試下,特別旺角咁多野食,經常都會有新店開張,今日陪朋友去寵物店買野,經過就見到哩間新開既米線舖,我咁中意食米線,緊係唔會放過!!決定一試😛食物方面:⚪️手打牛丸酸辣米線(加豬紅,冬菇,魷魚,墨魚丸)湯底幾清甜,我覺得唔夠辣(可以問店員囉辣醬)加左辣醬更好食,因為會愈食愈辣,正😏加左酸菜同芽菜既米線口感好好,好開胃!特別推介:手打牛丸真係好正,有肉汁同埋好彈牙,出面食果D多數好實無肉汁好普通,豬紅都無腥味好滑,冬菇好厚肉,魷魚唔係水魷好爽👍🏻墨魚丸正常發揮!!⚪️凍奶茶整體方面:店舖唔算好大,但都唔會好迫,等左一陣就有得食,D送都做得幾好,愈食愈開胃,牛丸推介一定要試!🤞🏻去開哩邊一定要試下!!下午茶仲平!

占占酸辣米線餐單提供港式, 粉麵, 米線等推介美食位於旺角區，餐廳座位數34人均消費約$50以下，結賬可以用現金。

您對於旺角餐廳「占占酸辣米線」有何 comment？

占占酸辣米線餐廳詳細資料：

• 占占酸辣米線地址:
  旺角勝利道16號地下B號舖
  占占酸辣米線, Shop B, G/ F,16 Victory Avenue, Mong Kok
• 占占酸辣米線電話:  
• 占占酸辣米線價錢: $50以下
• 分類: 港式, 粉麵, 米線
• 座位: 34
• 付款: 現金
• FB專頁: 占占酸辣米線 Facebook

更多占占酸辣米線相關資料:

• 占占酸辣米線分店
• Youtube
• Facebook
• Twitter
• Google